AMOS 1:13 - Bibəl ta Sar̄

¹³ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

Bible sar

¹³ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:13 Referans Kwoze

EJEKIEL 35:10

Ḭ̄ ə́da na ɓē ko̰o̰ kə́ jōó gə̄ yā Israel ō, yā Juda ō, na a télən̄ ɓē ko̰o̰ yāí gə̄, ə́da na ā ī-taā ɓē gə̄ ń Kɔ́ɔ̄ɓē na ndi kemeé ní.

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

AMOS 1:3

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Aram gə̄ kə́ Damas dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ rējə̄n̄ Galaad gə̄ kə yá̰a̰ jɔ̄r̄yɔ̄ nán̄g ta kɔsə kə́ rāā kə gindīí ń rīn na i hersə ní. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

2 YÁ̰A̰ GƏ̄ 20:10

Ngɔlaā ní á̰a̰ā̰, Amon gə̄ ō, Moab gə̄ ō, de kə́ dɔ mbal̄ Seir tə́ gə̄ ō, reē ənīn̄jí rɔ̄ɔ̄. Dan ń kaají gə̄ teēn̄ kɔ̄ɔ́ kem ɓē kə́ Ejiptə tə́ ní, ḭ̄ ɔ̄gədə́ kənda dɔ nang yā gír de gə̄ ń noō gān̄g. Adə̄ nin̄ gōngə̄n̄də́ ba tɔ̄lə̄n̄də́ malang kɔ̄ɔ́ alé.

2 YÁ̰A̰ GƏ̄ 20:1

Gō tə́ anī Moab gə̄ ō, Amon gə̄ ō, naā tə́ kə Mewni gə̄, reē ənīn̄ Josapat rɔ̄ɔ̄.

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

NDŪ NAJƏ̄ 2:19

Ā ūgī dɔ nang yā ngán Amon ń ra nosí tə́ ní. Ī-lōōī sāā tadə́ ō, kənīdə́ rɔ̄ɔ̄ ō. Na m-ā m-ādə̄sí yá̰á̰ kógə̄ḿ dɔ nang yā ngán Amon gə̄ tə́ alé. Tām̄ nin̄ i ngán kaa Lot gə̄ ō, dɔ nang ń noō m-ādə̄də́ i nin̄ ō.

PĀ GƏ̄ 83:7

Madə̄ ba̰ā̰í gə̄ ní i Edom gə̄ ō Ismael gə̄ ō Moab gə̄ ō Agar gə̄ ō Gebal gə̄ ō

2 MBAN̄G 15:16

Dan ń noō tə́ ní Menahem rɔ̄ɔ̄ ɓē kə́ Tipəsa ba tɔ̄l̄ de kə́ kemeé gə̄ malang. Ni nujə loo gō nang ń ḭḭ Tirsa bátə́ ugə̄ń Tapua ní tə́. Ni rɔ̄ɔ̄ ɓē ní i tām̄ mbātə́ ń mbātə́n̄ teē ta róbə́ kə́ yā kudəń kə̄ kem ɓēé kadə̄n ní. Ni njár̄ kem dəyá̰ kə́ ndān̄ ngán gə̄ malang.

JEREMI 25:21

Edom gə̄ ō, Moab gə̄ ō, Amon gə̄ ō,

2 SAMUEL 12:31

Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.

2 MBAN̄G 8:12

Hajael dəjen na: Kɔ́ɔ̄ḿ, ā ī-nōō i rí? Elije tél ədan na: m̄-nōō i tɔdɔ̄ m̄-ger̄ yá̰á̰ kə́ majaĺ ń ā ī-rāā yā rāā kə ngán Israel gēé ní: Ā ī-tə́la hor dɔ ɓē kə́ ngan̄g yādə́ gə̄ tə́ ō, ā ī-tɔ̄l̄ balsáa yādə́ gə̄ kə kaskaraá ō, ā ī-rējə̄ ngáńdə́ kə́ dūú gə̄ ō, ā ī-njár̄ kem dəyá̰ yādə́ kə́ ndān̄ ngán gə̄ ō.

EJEKIEL 25:1

Kɔ́ɔ̄ɓē ɔr̄ najə̄ seḿ, ədam̄ na:

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.