AMOS 1:11 - Bibəl ta Sar̄

¹¹ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

Bible sar

¹¹ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ *Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:11 Referans Kwoze

2 YÁ̰A̰ GƏ̄ 28:17

Tɔdɔ̄ Edom gə̄ tél reē ənīn̄ ɓē ko̰o̰ kə́ Juda rɔ̄ɔ̄ gogə́ ɓáý to̰. Nin̄ əhɔn̄ de gə̄ aw̄n̄ sedə́ ɓəlo tə́.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

PĀ GƏ̄ 137:7

Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

KOHELET 7:9

Ī-lōō kadə̄ wōn̄g rāāī láẃ ngá̰ý, tɔdɔ̄ i de kə́ mbóo gə̄ n i ngé rāā wōn̄g láẃ gə̄ ní.

NDŪ NAJƏ̄ 23:7

Kə ndɔ̄ gə̄ malang ń ā ī-ndiń kə kumií ní, ā ī-sāā ta róbə kadə̄ ndin̄neé kə rɔ̄nelēé aĺ ō, kadə̄ əngen̄neé yá̰a̰ aĺ ō.

EPEJƏ 5:1

I beé ní ī-ndájī Nə́ɓā kə́ ngáń kó tár yān gə̄ tə́.

MALASI 1:2

Kɔ́ɔ̄ɓē əda gír deē yān gə̄ wáńg na: Mā Kɔ́ɔ̄ɓē m̄-táŕsí, banī sḭḭ̄ ī-dəjemī najə̄ ə́daī na ké yá̰á̰ ń ɔjə kadə̄ m̄-táŕsí ní ké i rí wa. m̄-tél m̄-tūr̄sí m-ə́da na: Kété ní, Esau i ngōkó̰o̰ Jakob aĺ a? Ɓá tā ba m̄-gḛy i Jakob

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

PĀ GƏ̄ 85:5

Nə́ɓā, nge kajəjí, ī-tél ī-reē sejí gogə́! Ə́hɔ́jí kemií tə́ alé.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

2 YÁ̰A̰ GƏ̄ 20:10

Ngɔlaā ní á̰a̰ā̰, Amon gə̄ ō, Moab gə̄ ō, de kə́ dɔ mbal̄ Seir tə́ gə̄ ō, reē ənīn̄jí rɔ̄ɔ̄. Dan ń kaají gə̄ teēn̄ kɔ̄ɔ́ kem ɓē kə́ Ejiptə tə́ ní, ḭ̄ ɔ̄gədə́ kənda dɔ nang yā gír de gə̄ ń noō gān̄g. Adə̄ nin̄ gōngə̄n̄də́ ba tɔ̄lə̄n̄də́ malang kɔ̄ɔ́ alé.

2 YÁ̰A̰ GƏ̄ 20:11

Banī yá̰á̰ ń nin̄ əndān̄neé njají ɓōólaā ní i reē tə̄ɓājí dɔ nang ń ḭ̄ ādə̄jí tə́ ní.

OJEE 8:3

Banī nin̄ mbātə́n̄ yá̰á̰ kə́ majə kɔ̄ɔ́ ō, madə̄ ba̰ā̰də́ gə̄ a ngɔ̄də̄n̄də́ ō.