ABƏDIAS 1:12 - Bibəl ta Sar̄

¹² Edom, dan ń á̰á̰ ngákó̰ó̰í gə̄ kum mbang ń tadə́ i kə̄ tḭ̄ḭ̄ kɔ̄ɔ́ tə́ ní, majə kadə̄ ī-rāā rɔ̄nel̄ alé. Kum mbang ń nujən̄neédə́ kɔ̄ɔ́ tə́ ní, majə kadə̄ rɔ̄í nelī aĺ ō, kum mbang ń wur kɔl a əsōń dɔdə́ tə́ ní, majə kadə̄ ī-tájə̄də́ aĺ ō.

Bible sar

¹² Edom, dan ń á̰á̰ ngákó̰ó̰í gə̄ kum mbang ń tadə́ i kə̄ tḭ̄ḭ̄ kɔ̄ɔ́ tə́ ní, majə kadə̄ ī-rāā rɔ̄nel̄ alé. Kum mbang ń nujən̄neédə́ kɔ̄ɔ́ tə́ ní, majə kadə̄ rɔ̄í nelī aĺ ō, kum mbang ń wur kɔl a əsōń dɔdə́ tə́ ní, majə kadə̄ ī-tájə̄də́ aĺ ō.

ABƏDIAS 1:12 Referans Kwoze

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

PĀ GƏ̄ 37:13

Banī Kɔ́ɔ̄ɓē əgōn, tɔdɔ̄ ni-a̰a̰ ndɔ̄ yān ń a asə ní.

PĀ GƏ̄ 31:18

Kɔ́ɔ̄ɓē, m̄-ɓāríī kadə̄ ī-dḭḭ̄m̄ ní, ī-lōō rāā kadə̄ m̄-tél m̄-ndə̄ngā rɔ̄ḿ. Banī ādə̄ rɔ̄ ngé taā kem Nə́ɓā aĺ gə̄ sɔl̄də́ ō, ādə̄ yo utə̄ tadə́ ɔgə̄də́ kɔr̄ najə̄ ō!

PĀ GƏ̄ 22:17

Bísə gə̄ ḭḭn̄ seḿ, ɓūtə̄ ngé rāā majaĺ gə̄ gīrə̄n̄ gidəḿ. Nin̄ mbútə̄n̄ jīḿ gē njaḿ gē.

Makətūbə̄ yā Job 31:29

m̄-rāā rɔ̄nel̄ najə̄ nujə kə́ madə̄ ba̰ā̰ḿ nujə sák sák kɔ̄ɔ́ tə́ a? Dan ń yá̰á̰ kə́ to kum kaȳ aĺ teē dɔn tə́ ní m̄-rāā walya a?

JEJU TEĒ KUM JA̰A̰ 13:5

Adə̄n̄ dā̰ kə́ to tītə̄ kagə ní tam ta kə́ yā ngonjə̄ń ō, tájəń Nə́ɓā ō. Adə̄nən̄ tɔ́gə́ kə́ yā rāań yá̰á̰ bátə́ nāā kutə sɔ́ gidə i jōó ō.

JAKƏ 3:5

Yā ta ndo̰jí i beé ō. Ni i ngōn̄ rɔ̄jí kə́ dūú sḛ́ý beē ba rāā yá̰á̰ kə́ bo ngá̰ý gə̄. Hor kə́ sḛ́ý beē asə ko̰o̰ ku kāgə̄ kə́ bo ngá̰ý gə̄ ní ī-gerī aĺ a?

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

NŌŌ RƆ̄ 4:21

Ngōmandə kə́ Edom, ī-rāā walya ō ī-rāā rɔ̄nel̄ ō, ḭ̄ ń ī-ndi dɔ nang kə́ Us tə́ ní. Kópə kasə nduú a ɔdə jīí ō, ā ā̰ȳ kadə̄ rāāī ō, ā ī-ró̰ȳ kūbə̄ rɔ̄í tə́ yā njə̄rā gírí karī ō.

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

PĀ GƏ̄ 92:11

Ḭ̄ ī-tél ādə̄m̄ tɔ́gə gogə́ rang adə̄ m̄-ngan̄g tītə̄ dɔgə beé ō, úr yibə̄ kə́ kijə dɔḿ tə́ ō.

PĀ GƏ̄ 59:10

M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní. Loo yāḿ kə́ ngan̄g kə́ kem ɓēé i Nə́ɓā.

PĀ GƏ̄ 54:7

Ādə̄ ni-rāā adə̄ yá̰á̰ kə́ majaĺ tél əsō dɔ ngé rɔ̄ɔ̄ḿ gə̄ tə́! Ī-rāā ādə̄ nin̄ gətóon̄ kɔ̄ɔ́ malang, sɔɔ̄ń yá̰a̰ rāāí kə́ gōtə́.

Makətūbə̄ yā Job 18:20

Yá̰á̰ ń əndān̄ dɔn tə́ kadə̄ rāān ní, ɔr kum de kə́ no ɓē tə́ gə̄ ngá̰ý ō, yḛr kum de kə́ gír ɓē tə́ gə̄ ngá̰ý ō.

PĀ GƏ̄ 35:15

Ba dan ń m-ā m̄-bibə́rī ní, nin̄ ɔsən̄ dɔdə́ naā tə́ ba əgōmə̄n̄ ō, əndān̄ rɔ̄də́ naā tə́ yā rɔ̄ɔ̄m̄ ō. Tə̄rā gə̄ ń i de kə́ m̄-ger̄də́ aĺ gə̄ ní, əgan̄ naā dɔḿ tə́ ō, əgan̄ kɔŕ ō.

NŌŌ RƆ̄ 2:16

Madə̄ ba̰ā̰í gə̄ malang teēn̄ tadə́ ɔrə̄n̄neé najə̄ dɔí tə́. Nin̄ kɔ̄rə́n̄ ngél ō, ngórə̄n̄ ngān̄gdə́ ō. Nin̄ ədan̄ na: Ādə̄ jə-nujiī seneé. I ndɔ̄ ń jə-ndi j-a jə-ngóō ta mandang ní n toó. J-ugə̄ kem ndɔ̄ ní tə́ ō, j-a̰a̰ ndɔ̄ ní kə kumjí ō.

EJEKIEL 35:12

Loo ń noō tə́ ā ī-ger̄ kadə̄ mā Kɔ́ɔ̄ɓē m-ōō najə̄ gə̄ ń ī-tájəń ndū ní. Ḭ̄ ə́da na: Mbal̄ gə̄ kə́ Israel i yājí. Nujən̄ mbal̄ gə̄ kə́ Israel kɔ̄ɔ́, adə̄ nin̄ télən̄ i yá̰a̰ yājí.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.