ABƏDIAS 1:10 - Bibəl ta Sar̄

¹⁰ Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.

Bible sar

¹⁰ Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.

ABƏDIAS 1:10 Referans Kwoze

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 35:9

M-ā m̄-rāā ɓē yāí kadə̄ a tél i dəla loo kə́ njɔ́ḿ gə̄ tə́. De gə̄ a ndin̄ kem ɓē bo gə̄ tə́ to̰ alé. Loo ń noō tə́ ā ī-gerī kadə̄ Kɔ́ɔ̄ɓē i mā.

PĀ GƏ̄ 89:45

Ī-taā ko̰o̰ ɓē jīn tə́ kɔ̄ɔ́, ī-mbəre kōr̄ kāgə̄ mbang yān ə̄nī nang tə́.

TA KƏLA 27:41

Esau im̄ Jakob najə̄ tɔ́r̄ ta ń bɔbə̄n tɔ́r̄ tan dɔn tə́ ní. Ni-əda kə̄ kemən tə́ na: Bɔbə́ḿ a oy ngɔr. Ndɔ̄ ń bɔbə́ḿ a oy tə́ anī, m-ā m̄-tɔ̄l̄ Jakob.

PĀ GƏ̄ 137:7

Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

NŌŌ RƆ̄ 4:21

Ngōmandə kə́ Edom, ī-rāā walya ō ī-rāā rɔ̄nel̄ ō, ḭ̄ ń ī-ndi dɔ nang kə́ Us tə́ ní. Kópə kasə nduú a ɔdə jīí ō, ā ā̰ȳ kadə̄ rāāī ō, ā ī-ró̰ȳ kūbə̄ rɔ̄í tə́ yā njə̄rā gírí karī ō.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

PĀ GƏ̄ 69:7

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ngé gə̄ ń əndān̄ kemdə́ dɔí tə́ ní ādə̄ m-ə́la rɔ̄sɔl̄ dɔdə́ tə́ alé, Nə́ɓā yā Israel, ādə̄ m-ə́la rɔ̄sɔl̄ kə́ ngá̰ý dɔ ngé sāāí gə̄ tə́ alé!

TA KƏLA 27:11

Jakob tél əda kó̰o̰n na: Esau i nge bḭḭ̄ ba mā m-ə́ɓa bḭḭ̄ alé.

NDŪ NAJƏ̄ 23:7

Kə ndɔ̄ gə̄ malang ń ā ī-ndiń kə kumií ní, ā ī-sāā ta róbə kadə̄ ndin̄neé kə rɔ̄nelēé aĺ ō, kadə̄ əngen̄neé yá̰a̰ aĺ ō.

2 YÁ̰A̰ GƏ̄ 28:17

Tɔdɔ̄ Edom gə̄ tél reē ənīn̄ ɓē ko̰o̰ kə́ Juda rɔ̄ɔ̄ gogə́ ɓáý to̰. Nin̄ əhɔn̄ de gə̄ aw̄n̄ sedə́ ɓəlo tə́.

Gōsə̄ najə̄ gə̄ 10:6

Tɔ́r̄ ta i dɔ de kə́ súmūú tə́, banī ta ngé kem ndul gə̄ ɓɔ̄ɔ̄ dɔ yá̰a̰ rāā kə́ kə dɔ́nɔ́.

NDŪ NAJƏ̄ 23:8

Ā ī-kídə̄ Edom gə̄ alé, tɔdɔ̄ nin̄ i ngákó̰ó̰í gə̄. Ā ī-kídə̄ de kə́ Ejiptə gə̄ aĺ ō, tām̄ kété ní ḭ̄ i tə̄rā kə́ nge nam̄ dɔ nang yādə́ tə́.

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

NŌŌ RƆ̄ 4:22

Ngōmandə kə́ Siyo̰ gír najə̄ kə́ dɔ yá̰á̰ kə́ gōtə́ aĺ yāí gə̄ tə́ ní gān̄g tā. A əhɔnī dɔ gúú tə́ yā kaw̄ seí dɔ nang kə́ rang tə́ to̰ alé. Ba ḭ̄ ngōmandə kə́ Edom, a teēn̄ kə yá̰a̰ rāāí kə́ gōtə́ aĺ gə̄ kə̄ ndágá náḿ náḿ ō, a ənīn̄ gotə kə ta njaá ō.