3 JA̰A̰ 1:3 - Bibəl ta Sar̄

³ Ngákó̰ó̰jí gə̄ ń reēn̄ ní ədan̄ na ḭ̄ na ī-ra dɔ najə̄ kə́ rɔ̄kum tə́ ō, na yá̰a̰ rāāí na i yá̰á̰ kə́ rɔ̄kum ō, adə̄ dan ń m-ōō ní nelə̄m̄ ngá̰ý.

Bible sar

³ Ngákó̰ó̰jí gə̄ ń reēn̄ ní ədan̄ na ḭ̄ na ī-ra dɔ najə̄ kə́ rɔ̄kum tə́ ō, na yá̰a̰ rāāí na i yá̰á̰ kə́ rɔ̄kum ō, adə̄ dan ń m-ōō ní nelə̄m̄ ngá̰ý.

3 JA̰A̰ 1:3 Referans Kwoze

2 JA̰A̰ 1:4

Dan ń m-á̰á̰ ngání gə̄ loo njə̄rā tə́ gō najə̄ kə́ rɔ̄kum tə́ tītə̄ ń Bɔbə̄ Ngōn̄ ədańjí kadə̄ jə-rāāī ní, rɔ̄ḿ nelə̄m̄ ngá̰ý.

2 JA̰A̰ 1:2

Tām̄ najə̄ kə́ rɔ̄kum ndi kemjí tə́ ō, a ndi sejí ngándáńg ō.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.

PILIPƏ 1:4

Kə dɔ ndɔ̄ȳ gə̄ malang ń m-ā m̄-ndɔ̄yń tām̄ yāsí tə́ noō, m-ā m̄-ndɔ̄ȳ i kə rɔ̄nelēé.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

1 KORḚNTƏ 13:6

Tár a rāā rɔ̄nel̄ tām̄ yā yá̰á̰ kə́ gōtə́ aĺ tə́ alé, banī ni a rāā rɔ̄nel̄ i tām̄ yā najə̄ kə́ rɔ̄kum tə́.

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

3 JA̰A̰ 1:2

Kó tár yāḿ, m̄-ndə̄ngā kadə̄ yá̰a̰ malang i kə́ majə tām̄ yāí tə́ ō, kadə̄ dā̰ rɔ̄í ndi kə lápə́yaá tītə̄ ń ndílí ndiń kə lápə́yaá ní ō.

3 JA̰A̰ 1:5

Kó tár yāḿ, ḭ̄ ɔ́jə kə̄ ndágá kadə̄ ḭ̄ i de kə́ nge ra dɔ ndūí tə́ tū yá̰a̰ rāāí gə̄ tə́ kə ngákó̰ó̰jí gēé, kə ngákó̰ó̰jí gə̄ ń nin̄ i tə̄rā gə̄ ní.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.