3 JA̰A̰ 1:11 - Bibəl ta Sar̄

¹¹ Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

Bible sar

¹¹ Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

3 JA̰A̰ 1:11 Referans Kwoze

PĀ GƏ̄ 37:27

Ī-gōn̄g yá̰á̰ kə́ majaĺ ba ī-rāā yá̰á̰ kə́ majə, anī ā ə́nge loo yā ndiń ngándáńg.

EPEJƏ 5:1

I beé ní ī-ndájī Nə́ɓā kə́ ngáń kó tár yān gə̄ tə́.

1 PIYER 3:11

Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

JA̰A̰ 3:20

Tɔdɔ̄ náā nəkɔ́ ń ā rāā yá̰á̰ kə́ majaĺ ní, gḛy loo kə́ unjə̄ kow alé. Adə̄ a reē kum loo kə́ unjə̄ kow tə́ alé, najə̄ kadə̄ gír kəla rāān gə̄ teēn̄ dɔɔ́.

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

1 PIYER 3:13

Ré ɔjiī kə̄ ndágá kadə̄ sḭḭ̄ i de gə̄ kə́ ī-təngāī loo rāā yá̰á̰ kə́ majə tə́ anī, i náā ɓáý to̰ n a rāāsí yá̰á̰ kə́ majaĺ ní?

2 TIMOTE 3:10

Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

Teē Ngán Israel gə̄ 23:2

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé.

HEBƏRO 6:12

Jə-ndigə kadə̄ ī-téliī de kə́ yay gə̄ alé, banī kadə̄ ī-ndájī ngé gə̄ ń taān̄ kem ō, tə́gān̄ tadə́ ō ní. Ngé gə̄ ń noō əngen̄ yá̰á̰ ń Nə́ɓā ənī míndən yā kadə̄ ní.

1 KORḚNTƏ 11:1

Ī-ndájə̄mī, tītə̄ ń mə̄kɔ́ m̄-ndájəń Kərist ō ní.

1 KORḚNTƏ 4:16

I beé ní m̄-rāāsí ɓɔ́, ba ī-téliī ngé ndájə̄ḿ gə̄.

Gōsə̄ najə̄ gə̄ 12:11

De kə́ nge ndɔr̄ ndɔr̄ yān a əsa yá̰a̰ yā ndān̄, banī de kə́ nge ngɔ̄də̄ gō yá̰á̰ kə́ rɔ̄kum aĺ gə̄ i de kə́ kur̄ dɔn gətóo.

PILIPƏ 3:17

Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.