2 TIMOTE 4:8 - Bibəl ta Sar̄

⁸ Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

Bible sar

⁸ Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i *jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

2 TIMOTE 4:8 Referans Kwoze

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

1 PIYER 1:4

j-asiīneé rāā rɔ̄nel̄ yá̰á̰ kə́ majə gə̄ ń Nə́ɓā ngɔ̄m̄ tām̄ yā deē yān gə̄ tə́ ō ní. Yá̰a̰ gə̄ ngeé ń toō ní a ndumən̄ aĺ ō, yá̰á̰ kə́ majaĺ a tákə̄də́ aĺ ō, gíŕ ndə́lē yādə́ a gān̄g aĺ ō. Nə́ɓā ngɔ̄m̄ yá̰a̰ gə̄ ní dɔ rā̰ tə́ tām̄ yāsí tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

1 KORḚNTƏ 9:25

Ngé kənī gambəla gə̄ malang ní, dan ń nin̄ a nāān̄ rɔ̄də́ ɓáý ní, nin̄ kɔ́ gə̄ əlan̄ dɔdə́ gír ndū najə̄ kə́ ngan̄g ngan̄g gə̄ tə́. Nin̄-rāān̄ rɔ̄də́ yá̰á̰ kə́ tōr̄ i yā kəngeń jākā mbang kə́ a nujə kɔ̄ɔ́ ba a to ngándáńg alé. Banī jḭḭ̄ jə-rāāī i yā kəngeń jākā mbang kə́ a to ngándáńg.

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.

PĀ GƏ̄ 31:19

Ngé sor̄ gə̄ ń a tájə̄n̄ de kə́ súmūú ō, a gángə̄n̄ rɔ̄də́ dɔn tə́ ō, a kídə̄nən̄ ō ní, ī-rāā ādə̄ tadə́ do̰ō̰ naā kɔ̄ɔ́!

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

2 TIMOTE 2:5

Nge ka̰ȳ ngɔ̄də̄ kə de kə́ rang gēé a ənge jākā mbang i dan ń a a̰ȳ ngɔ̄də̄ kə gō looneé ní tá.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

1 TIMOTE 6:19

I tītə̄ ń noō n nin̄ a ɔsən̄neé dɔ yá̰a̰ kənge kə́ majə ō, kə́ rɔ̄kum ō, kə̄ naā tə́, tām̄ yā ndɔ̄ kə́ bírí tə́ ní, yā kadə̄ əngen̄neé ndi kə kumuú kə́ rɔ̄kum.

1 KORḚNTƏ 2:9

Banī tītə̄ ń makətūbə̄ yā Nə́ɓā ədań ní, ndangən̄ na: I yá̰á̰ kə́ kum deē a̰ā̰ aĺ ō, mbī deē oō aĺ ō, deē gír̄ dɔ tə́ aĺ ō n Nə́ɓā əndā dɔ danaá tām̄ yā ngé gə̄ ń tárnən̄ tə́ ní.

MALASI 3:17

Gō tə́ anī, Kɔ́ɔ̄ɓē kə́ bo kə́ tɔ́gən i ngá̰ý əda na: Ndɔ̄ ń m-ā m-ɔ́jəń tɔ́gə́ḿ ní, m-ā m̄-rāādə́ i deē yāḿ gə̄ tə́. M-ā m̄-rāā majə sedə́, tītə̄ ń bɔbə̄ ngōn̄ a rāań majə kə ngōnən kə́ dəngam kə́ nge rāā kəla kadə̄n ní.

JEJU TEĒ KUM JA̰A̰ 22:20

Deē ń əda na yá̰a̰ malang ń noō i rɔ̄kum ní əda na: A̰á̰ā̰, m-ā m̄-reē ngɔr. Adə̄ i tītə̄ ń noō! Kɔ́ɔ̄ɓē Jeju, ī-reē!

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

JEJU TEĒ KUM JA̰A̰ 4:4

Kōr̄ kāgə̄ mbang kə́ rang gə̄ kutə jōó gidə i sɔ́ ndi gīrə̄n̄ gidə kōr̄ kāgə̄ mbang ní. Ba kum kɔɔ̄ gə̄ kutə jōó gidə i sɔ́ ndin̄ dɔ kōr̄ kāgə̄ mbang gə̄ ní tə́. Nin̄-o̰ō̰n̄ kūbə̄ kə́ ndaa ō, jākā mbang kə́ rāā kə lɔ́r i dɔdə́ gə̄ tə́ ō.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.

1 TESALONIK 1:10

ba ngóoń Ngōnən ń a ḭḭ dɔ rā̰ tə́ yā reē ní ō. Adə̄ i Ngōnən Jeju ń oy á ni-ndólən ní. Sarya yā Nə́ɓā ń a reē ní, Ngōnən ngeé ń toō un dɔjí tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 8:23

Banī i nin̄ ngóy alé, tɔdɔ̄ jḭḭ kɔ́ gə̄ ń j-əngeī Ndíĺ kə́ i yá̰á̰ kə́ ta kəga dɔ kə́ Nə́ɓā adə̄jí ní, jə-to̰ō̰ī kemjí tə́ loo ngóō ta Nə́ɓā tə́ kadə̄ gān̄g dɔ dā̰ rɔ̄jí ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

MATIYE 24:36

Banī najə̄ kə́ dɔ ndɔ̄ ní tə́ ō, kum mbang ní tə́ ō ní, de kə́ ger̄ gətóo. De kə́ dɔ rā̰ tə́ gə̄ gerə̄n̄ aĺ ō, Ngōn̄ ger̄ aĺ ō, ba i Bɔbə̄n tá ngóy.

MATIYE 7:22

Ndɔ̄ sarya tə́ anī de gə̄ ngá̰ý a ədamə̄n̄ na: Kɔ́ɔ̄ɓē, Kɔ́ɔ̄ɓē! J-oō najə̄ ta Nə́ɓā tə́ ba j-əda de gə̄ i kə rīí aĺ a? Jə-tə̄ɓā ndíĺ kə́ majaĺ gə̄ i kə rīí aĺ a? Jə-rāā yá̰á̰ kə́ yáā gə̄ ngá̰ý i kə rīí aĺ a?

Gōsə̄ najə̄ gə̄ 4:9

Ni a əla jākā mbang kə́ to rɔ̄ dɔí tə́ ō, a əndā njaí kə yá̰á̰ súū rɔ̄ kə́ majə ngá̰ý ō.

PĀ GƏ̄ 7:11

Der yāḿ kə́ nge taā dɔḿ i Nə́ɓā kə́ nge kajə de gə̄ ń kemdə́ i súmūú ní.

1 TESALONIK 5:4

Ba sḭḭ̄, ngákó̰ó̰ḿ gə̄, sḭḭ̄ i kum til tə́ alé. Adə̄ ndɔ̄ ní a əhɔsí dɔ jīsí tə́ tītə̄ nge ɓogə beé alé.

2 KORḚNTƏ 5:2

Adə̄ dan ń jə-ndiī kem kújə́ kə́ dɔ nang tə́ ngeé ń toō tə́ ní, jə-to̰ō̰ī rus rus, tɔdɔ̄ ngur kəla kújə yājí kə́ dɔ rā̰ tə́ kūbə̄ tə́ rɔ̄jí tə́ dɔ madə̄ tə́ rāājí ngá̰ý.

Najə̄ kə́ Majə yā Jeju ń Luk ndang ní 10:12

Ādə̄ m-ə́dásí, ndɔ̄ń tə́ anī yá̰á̰ ń a reē dɔ ɓē ń noō tə́ ní, yā ɓē kə́ Sodom i só tə́ ngá̰ý tɔȳ yān.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

1 KORḚNTƏ 3:13

a teēn̄ kə kəla rāā de gə̄ kógə̄ḿ kógə̄ḿ kadə̄ to kə̄ dɔ ndágá kadə̄ de gə̄ a̰a̰n̄. Ndɔ̄ sarya a rāā kadə̄ a gerə̄n̄ kəla ní, tɔdɔ̄ ndɔ̄ ní a ɔjə rɔ̄n kə̄ ndágá i kə horoó ō, hor a ɔjə kəla yā de gə̄ kógə̄ḿ kógə̄ḿ ō.

PILIPƏ 3:11

yā kadə̄ ré i loon tə́ anī ndól̄mə̄n̄ dan ngé gə̄ ń oyn̄ tə́ ní ō.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.

HEBƏRO 12:11

I rɔ̄kum kadə̄ ndéy malang ń deē a əndaī yā kɔjīneé ní a adī rɔ̄nel̄ kum mbang nəkɔ́ ń noō tə́ alé, ba i wōn̄g. Banī ta kə́ kété tə́ ɓáa de gə̄ ń tūr̄də́ ní a adə̄də́ yá̰á̰ kə́ to kem sɔl̄ ō, kə́ gōtə́ ō.