2 TIMOTE 4:3 - Bibəl ta Sar̄

³ Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

Bible sar

³ Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

2 TIMOTE 4:3 Referans Kwoze

1 TIMOTE 1:10

ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

GALATƏ 4:16

Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

Najə̄ kə́ Majə yā Jeju ń Luk ndang ní 6:26

Rɔ̄ ndoō i yāsí dan ń de gə̄ malang a ədan̄ najə̄ yāsí kə́ majə ní, tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta kə́ rɔ̄kum aĺ gə̄ ní n noó.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

JA̰A̰ 8:45

Banī i tām̄ kəda ń m-ə́da najə̄ kə́ rɔ̄kum ní n sḭḭ̄ ī-taāiń kemḿ aĺ ní.

1 MBAN̄G GƏ̄ 18:22

Eli əda de gə̄ ɓáý to̰ na: I mə̄kɔ́ ngóy n i nge koō ta yā Kɔ́ɔ̄ɓē kə́ na̰y ní, banī ngé koō ta yā Baal gə̄ nin̄ i deē ɓú sɔ́ kə kutə mí.

1 KORḚNTƏ 2:1

Ngákó̰ó̰ḿ gə̄, dan ń mā i loosí ní, m-ɔ́jə́sí yá̰á̰ kə́ to loo mundə̄ tə́ yā Nə́ɓā i kə najə̄ kə́ loo ger̄ kumən ngan̄g ngá̰ý, aláa i kə kum kedēé alé.

KƏLA RĀĀ 17:21

Aten gə̄ malang naā tə́ kə tə̄rā gə̄ ń ndin̄ dɔ dáńdə́ tə́ ní, kəla rāādə́ i kɔr̄ najə̄ kə́ dɔ yá̰á̰ kə́ kɔtə̄ kijə ɓáý gə̄ tə́ ō, i koō najə̄ kə́ dɔ yá̰á̰ kə́ kɔtə̄ kijə ɓáý gə̄ tə́ ō ngóy.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

IJAI 28:12

Tá i kə́ ni ədadə́ kété na: Loo ń toō i loo kə́ loo to lɔm tū tə́. Deē ń kɔr rāān ní, ə́ya̰in̄ ādī taā koō. Loo ń toō i loo kə́ loo to jəke tū tə́. Banī nin̄ ndigən̄ koō alé.

JEREMI 27:9

Ba sḭḭ̄ tā anī, ī-lōōī koō najə̄ kɔr̄ ngé koō ta yāsí gə̄ ō, kɔdə̄ sāā yāsí gə̄ ō, ngé nī yāsí gə̄ ō, ngé bógə̄rō de gə̄ yāsí gə̄ ō, mbōlí yāsí gə̄ ō ń ədan̄sí na: Ā ə́lan̄ dɔsí gíŕ tɔ́gə yā mban̄g kə́ Babilon tə́ alé ní.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

Najə̄ kə́ Majə yā Jeju ń Luk ndang ní 20:19

Ngé ndóō de gə̄ ndū najə̄ gə̄ kə ngol gə̄ kə́ dɔ ngé tun̄ yá̰a̰ gə̄ tə́ a sāān̄ kəhɔ Jeju kə̄ ta jī tə́ beē, ba nin̄-ɓōlə́n̄ ngán Israel gə̄. Tɔdɔ̄ nin̄-gerə̄n̄ majə kadə̄ kūjə́ najə̄ ń Jeju əda ní sɔɔ̄ i dɔdə́ nin̄.

1 MBAN̄G GƏ̄ 22:18

Mban̄g kə́ Israel tə́ əda Josapat na: M-ə́daī najə̄ ń noō aĺ a? M-ə́da na ni na a əda najə̄ kə́ majə dɔḿ tə́ alé, i najə̄ kə́ majaĺ tá dejə.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

Teē Ngán Israel gə̄ 32:33

Kɔ́ɔ̄ɓē tél ədan na i de gə̄ ń na rāān̄ majaĺ seneé ní ngóy n n-a n-kūsə́ rīdə́ kem makətūbə̄ yān tə́ kɔ̄ɔ́ ní.

IJAI 30:10

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.