2 TIMOTE 4:2 - Bibəl ta Sar̄

² kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

Bible sar

² kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

2 TIMOTE 4:2 Referans Kwoze

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

1 TIMOTE 4:13

Ə̄ndā rɔ̄í ta tə́da makətūbə̄ tə́ ō, ta kɔjə de gə̄ najə̄ tə́ ō, ta ndóōdə́ yá̰á̰ tə́ ō, bátə́ kadə̄ m-ūgəń.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

TITƏ 1:13

Najə̄ ń deē ń nuū əda ní, i najə̄ kə́ rɔ̄kum. Adə̄ majə kadə̄ ī-ndán̄gdə́ tá kadə̄ taā kem yādə́ i taā kem kə́ gō tə́.

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

2 TIMOTE 3:10

Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

1 TIMOTE 5:20

Ngé gə̄ ń rāān̄ majaĺ ní, ī-gɔŕyɔ̄də́ ta kum madə̄də́ gə̄ tə́ malang ādə̄ gotə gə̄ ɓōlə́n̄.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

KƏLA RĀĀ 20:7

Jə-kán̄ naā kə ndɔ̄ dəmásá ta loo tíbə́ tə́ yā tetə mápa anī, Pol ɔr̄ najə̄ kə ngé kán̄ naā gēé. Dan ń teē bírí anī ni a ɔr̄ i dɔɔ́ yā kaw̄ ní, ni-ɔr̄ najə̄ sedə́ bátə́ dan loo tə́.

KƏLA RĀĀ 16:13

Ndɔ̄ sabat tə́ anī jə-teē kem ɓēé, ba j-aw̄ kadə bā kógə̄ḿ tə́, loo kə́ jə-gír̄ kadə̄ loo ndɔ̄ȳ i tū tə́ tə́. Jə-ndi nang tə́ ba j-ɔr̄ najə̄ kə dəyá̰ gə̄ ń kánə̄n̄ naā ní.

Najə̄ kə́ Majə yā Jeju ń Luk ndang ní 9:60

Banī Jeju ədan na: Ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄, ba ḭ̄, āw̄ ɔ́jə de gə̄ najə̄ kə́ dɔ Ɓē ko̰o̰ yā Nə́ɓā tə́.

Najə̄ kə́ Majə yā Jeju ń Luk ndang ní 7:4

Dan ń kum kɔɔ̄ gə̄ ní reē ugə̄n̄ rɔ̄ Jeju tə́ anī rāānən̄ ɓɔ́, ədan̄ na: Ni i de kə́ asə kadə̄ ī-rāā yá̰á̰ ń dəjeī ní ādə̄n,

1 TESALONIK 5:20

Ī-lōōī kídə̄ najə̄ ń Nə́ɓā əndā ta ngé koō ta gə̄ tə́ ní.

Najə̄ kə́ Majə yā Jeju ń Luk ndang ní 7:23

Rɔ̄nel̄ i kə deē ń a əsō najə̄ yāḿ mā tə́ aĺ ní.

PĀ GƏ̄ 40:9

Nə́ɓā yāḿ, m̄-gḛy rāā yá̰á̰ ń nelī ní ō, ndū najə̄ yāí i kemḿ tə́ ō.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

HEBƏRO 13:22

Ngákó̰ó̰ḿ gə̄, m̄-rāāsí ɓɔ́ kadə̄ ī-tə́gāī tasí, ī-ndigiī yá̰á̰ ndóō kə́ yā mbūsə̄n̄ńsí ń toō. Tɔdɔ̄ yá̰á̰ ń m̄-ndang m-ādə̄sí kem makətūbə̄ ń toō tə́ ní, ngāl̄ ngá̰ý alé.

KƏLA RĀĀ 28:16

Dan ń j-ugə̄ Rom anī, adə̄n̄ Pol ndūdə́ kadə̄ ndi kem kújə yān tə́ kə kérneé naā tə́ kə áskar ń əndānən̄ tan tə́ ní.

KƏLA RĀĀ 13:5

Dan ń ugə̄n̄ Salamin anī, ɔjən̄ najə̄ yā Nə́ɓā kem kújə́ kán̄ naā gə̄ yā Jipə gə̄ tə́. Ja̰a̰ Mark i sedə́, i ni n i nge rāā sedə́ ní.

KOLOSƏ 4:3

Ī-ndɔ̄yī tām̄ yājí tə́ ō, ādə̄ Nə́ɓā teē ta róbə adə̄jí, kadə̄ j-ɔjə najə̄ yān ō, kadə̄ m-ə́dá yá̰á̰ kə́ to loo mundə̄ tə́ kə́ dɔ Kərist tə́ ń mā i dəngáyá tāmən tə́ ní ō,

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.