2 TIMOTE 4:16 - Bibəl ta Sar̄

¹⁶ Ndɔ̄ sarya yāḿ kə́ ta kəga dɔ tə́ ń m-ɔ̄rəń najə̄ dɔ rɔ̄ḿ tə́ ní, deē kógə̄ḿ kə́ rāā seḿ gətóo, banī de gə̄ malang əya̰mə̄n̄ kɔ̄ɔ́. Ādə̄ Nə́ɓā əhɔ gíŕ yá̰á̰ ń nin̄-rāān̄ ní alé.

Bible sar

¹⁶ Ndɔ̄ sarya yāḿ kə́ ta kəga dɔ tə́ ń m-ɔ̄rəń najə̄ dɔ rɔ̄ḿ tə́ ní, deē kógə̄ḿ kə́ rāā seḿ gətóo, banī de gə̄ malang əya̰mə̄n̄ kɔ̄ɔ́. Ādə̄ Nə́ɓā əhɔ gíŕ yá̰á̰ ń nin̄-rāān̄ ní alé.

2 TIMOTE 4:16 Referans Kwoze

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

JA̰A̰ 16:32

Á̰a̰ī, kum mbang a reē noó, ba ugə̄ kɔ̄ɔ́, adə̄ ā ī-tḭ̄ḭ̄ naā kə̄ loo gə̄ tə́, ba ā ə́ya̰mī kə kérə́ḿ. Banī mā i kə kérə́ḿ alé, tām̄ Bɔbə́ḿ i seḿ.

MARK 14:50

Dan ń noō tə́ ní, deē yān gə̄ əya̰nən̄ ba a̰ȳn̄ naā malang kɔ̄ɔ́.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

2 TIMOTE 1:15

Ī-ger̄ majə kadə̄ de kə́ Aji tə́ gə̄ malang əya̰mə̄n̄ kɔ̄ɔ́. Pijel nin̄ kə Hermojen i sedə́ ō.

PILIPƏ 1:17

Ngé gə̄ ń noō nin̄-ɔjən̄ najə̄ yā Kərist i kə nií kemdə́ tə́. Gír̄ kə́ kemdə́ tə́ ń ɔjən̄neé najə̄ ní, i gír̄ kə́ unjə̄ njáý njáý alé. Nin̄-gírə̄n̄ rāā kadə̄ kə dəngáy yāḿ kə tōr̄ rɔ̄ḿ tɔȳ kə́ kété ɓáý.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

2 KORḚNTƏ 7:11

Nə́ɓā un rɔ̄sí kə́ nel̄sí aĺ rāań kəla, ba ngɔlaā á̰a̰ī yá̰á̰ ń rɔ̄sí kə́ nel̄sí aĺ rāā ní! Rɔ̄sí ń nel̄sí aĺ ní ndḛḛ̄ kadə̄ ī-rāāī yá̰á̰ ń rāā yá̰á̰ ní i yá̰á̰ kógə̄ naā tə́ aĺ ō, údə ī-ndiī karī aĺ ō, banī ī-rɔ̄ɔ̄ī dɔ rɔ̄sí tə́. Rɔ̄sí ń nel̄sí aĺ ní rāā adə̄ wōn̄g rāāsí ngá̰ý ō, ɓōĺ rāāsí ngá̰ý ō, adə̄ ngur tél ka̰a̰m̄ gogə́ rāāsí ngá̰ý. Rāā adə̄ rɔ̄sí təngāsí loo rāā kəla tə́ ō, loo rāā deē yá̰á̰ kə́ tōr̄ tə́ tām̄ yá̰á̰ kə́ majaĺ kə́ ni-rāā tə́ ō. Sḭḭ̄ ɔ́jiī kə ta róbə́ kə́ tayā tayā gēé kadə̄ najə̄ gətóo dɔsí tə́ tū najə̄ ń noō tə́.

1 KORḚNTƏ 9:3

Najə̄ ń m̄-tél m-ə́dá ngé kəndā najə̄ dɔḿ tə́ gə̄ m-únəń najə̄ dɔḿ tə́ kɔ̄ɔ́ ní n noó.

KƏLA RĀĀ 25:16

Banī m̄-tūr̄ m-ə́dádə́ na kə gō yá̰a̰ kāgə̄ ɓē yā de kə́ Rom tə́ gə̄ ní, deē ń sekə́nən̄ ní, a reēn̄ kə ngé sekə́n gēé non tə́ ō, a əya̰nən̄ kadə̄ ɔr̄ najə̄ dɔ rɔ̄n tə́ najə̄ sekə́ ń sekə́nən̄ tə́ ní ō, pá tá a əlanən̄ jī ngé sekə́n gə̄ tə́ ɓáý.

KƏLA RĀĀ 22:1

Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

Najə̄ kə́ Majə yā Jeju ń Luk ndang ní 12:11

Loo ń a aw̄n̄ sesí kə̄ kem kújə́ kán̄ naā gə̄ tə́, aláa kə̄ no ngār gə̄ tə́, aláa kə̄ no ngé ko̰o̰ ɓē gə̄ tə́ yā rāā sarya sesí anī, ī-lōōī sōl̄ kəda na ké ā ī-rāāī i ba̰ý n ā ī-nējīneé najə̄ dɔ rɔ̄sí tə́ ní wa, aké i najə̄ rí n kə ə́daī ní wa.

1 KORḚNTƏ 13:5

Tár a rāā yá̰á̰ kə́ to rɔ̄sɔl̄ alé, ni-sāā yá̰a̰ tām̄ yān nəkɔ́ tə́ aĺ ō, rāā wōn̄g láẃ aĺ ō, əhɔ deē kemən tə́ aĺ ō.

2 TIMOTE 4:15

Ḭ̄ ə̄ndā kum kedə̄ dɔ rɔ̄í tə́ najə̄ yān tə́ ō, tɔdɔ̄ yá̰a̰ malang ń j-əda ní, ni-mbātə́ gōjí tə́ kə ngangāá ngá̰ý.