2 TIMOTE 4:11 - Bibəl ta Sar̄

¹¹ ba i Luk ngóy n i seḿ ní. Ādə̄ Mark reē seí, tɔdɔ̄ ni a ɔsə kílə́ḿ tū kəla yāḿ gə̄ tə́.

Bible sar

¹¹ ba i Luk ngóy n i seḿ ní. Ādə̄ Mark reē seí, tɔdɔ̄ ni a ɔsə kílə́ḿ tū kəla yāḿ gə̄ tə́.

2 TIMOTE 4:11 Referans Kwoze

KƏLA RĀĀ 12:12

Ni-ra gír̄ yá̰á̰ kíndíńg, ba ɔtə aw̄ ɓē Mari kó̰o̰ Ja̰a̰ ń rī tɔ̄yn na i Mark ní tə́. De gə̄ ngá̰ý kánə̄n̄ naā looneé a ndɔ̄ȳn̄ Nə́ɓā.

PILEMO̰ 1:24

nin̄ kə madə̄ kəlaḿ gə̄ ń i Mark ō, Aristark ō, Demas ō, Luk ō ní, rāāīn̄ lápə́ya.

KƏLA RĀĀ 12:25

Dan ń Barnabas nin̄ kə Sol tɔ̄lə̄n̄ ta kəla ń əlan̄də́ ní kem ɓē kə́ Jerusalem tə́ anī, télən̄ dɔ tə́ ta kaw̄ gogə́, ba unən̄ Ja̰a̰ ń rī tɔ̄yn na i Mark ní kadə̄ aw̄ sedə́.

2 TIMOTE 1:15

Ī-ger̄ majə kadə̄ de kə́ Aji tə́ gə̄ malang əya̰mə̄n̄ kɔ̄ɔ́. Pijel nin̄ kə Hermojen i sedə́ ō.

KOLOSƏ 4:14

Luk, doktór kə́ kó tár yājí ō, Demas ō, rāān̄sí lápə́ya.

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

KƏLA RĀĀ 15:39

Mbātə́ najə̄ gō naā tə́ yādə́ ní gō reē ngan̄g ngá̰ý adə̄ nin̄-əya̰n̄ naā. Ta anī Barnabas gə̄rā Mark kadə̄ aw̄ unən̄ to bo ta kaw̄ kə̄ dor̄ kə́ Sipər tə́ ō,

1 PIYER 5:13

Ngé kán̄ naā kə́ Babilon tə́ gə̄ ń nin̄ i de gə̄ kə́ Nə́ɓā gə̄rādə́ tītə̄ yāsí ō ní, rāān̄sí lápə́ya. Ngōnə̄ḿ Mark rāāsí lápə́ya ō.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

Najə̄ kə́ Majə yā Jeju ń Luk ndang ní 13:30

I beé n de kə́rēý gə̄ ń nin̄ i gogə́ ní a télən̄ de kə́ kété gə̄, ba ngé kə́rēý gə̄ ń nin̄ i kété ní a télən̄ de kə́ gogə́ gə̄ ní.

MATIYE 20:16

Adə̄ ngé kə́ gogə́ gə̄ a télən̄ ngé kə́ kété gə̄, ba ngé kə́ kété gə̄ a télən̄ ngé kə́ gogə́ gə̄.

MATIYE 19:30

Banī ngá̰ý gə̄ dan ngé kə́ kété gə̄ tə́ a télən̄ ngé kə́ gogə́ gə̄ ō, ngá̰ý gə̄ dan ngé kə́ gogə́ gə̄ tə́ a télən̄ ngé kə́ kété gə̄ ō.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

KƏLA RĀĀ 15:37

Barnabas ndigə kun Ja̰a̰ ń rīn kə́ ko̰ jōó na i Mark ní kadə̄ aw̄ sedə́ ō.

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.