2 TIMOTE 4:1 - Bibəl ta Sar̄

¹ m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

Bible sar

¹ m̄-dəjeī kə ngangāá ngá̰ý ta kum Nə́ɓā tə́ ō, ta kum *Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

2 TIMOTE 4:1 Referans Kwoze

KƏLA RĀĀ 10:42

Ni ədají na kə j-əda ngán Israel gə̄ najə̄ ń toō, kə j-ənī mbēr̄ kə j-əda na i ni n Nə́ɓā əndān nge gān̄g sarya dɔ de kə́ ndin̄ kə kumdə́ gə̄ tə́ ō, dɔ de kə́ koy gə̄ tə́ ō ní.

2 TIMOTE 4:8

Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

1 TIMOTE 5:21

m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.

2 TIMOTE 2:14

Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

1 PIYER 4:5

Banī yá̰a̰ gə̄ ń nin̄-rāān̄ ní, Nə́ɓā ń əndā dɔ rɔ̄n danaá kɔ̄ɔ́ yā rāā sarya kə de gə̄ kə́ ndin̄ kə kumdə́ ō, kə de kə́ koy kɔ̄ɔ́ gə̄ ō ní, nin̄ a ədanən̄ gíŕ ɓáý.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

2 PIYER 1:11

Tɔdɔ̄ i tītə̄ ń noō n a rāān̄ majə sesí, adə̄ a adə̄n̄sí ta róbə kudə kem Ɓē ko̰o̰ kə́ a to ngándáńg tə́ ní. Ɓē ko̰o̰ ní i yā Jeju Kərist ń ni i Kɔ́ɔ̄ɓē yājí ō, nge kajəjí ō ní.

Najə̄ kə́ Majə yā Jeju ń Luk ndang ní 23:42

Tá ni-əda Jeju na: Jeju, ādə̄ əga kemií dɔḿ tə́ dan ń ā ūgə̄ kem Ɓē ko̰o̰ yāí tə́ ní.

Najə̄ kə́ Majə yā Jeju ń Luk ndang ní 19:15

Ba dan ń ni-taā ndū ko̰o̰ ɓē ní oy adə̄ tél reē ɓēé anī, ɓāŕ ngé kəla gə̄ ń adə̄də́ sə́lē lɔ́r gə̄ ní, yā kadə̄ kə n-a̰a̰ nar ń nin̄ kógə̄ḿ kógə̄ḿ kə dɔdə́ gə̄ əngen̄ dɔ madə̄ tə́ ní.

Najə̄ kə́ Majə yā Jeju ń Luk ndang ní 19:12

Ni ədadə́ tītə̄ ń toō beé na: Deē kógə̄ḿ kə́ gír kaan i ngār aw̄ dɔ ɓē kógə̄ḿ kə́ sa̰y tə́ yā taā ndū ko̰o̰ ɓē tá yā tél reē ko̰o̰ ɓē ɓáý.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

2 PIYER 1:17

Bɔbə̄n Nə́ɓā rɔȳn ō, ɔsə gɔnən ō. Ni rāā nge ń noō i dan ń Nə́ɓā a ndə́leń ndə́lē kə́ majə ngá̰ý tə́ ní. Dan ngeé ń noō tə́ ní, ndū deē kógə̄ḿ teē tū ndə́lē ń Nə́ɓā a ndə́lē tə́ ní ɔr̄ najə̄ əda na: Nge ń toō i Ngōn̄ kó tár yāḿ kə́ nelə̄m̄ seneé ngá̰ý.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

PĀ GƏ̄ 50:6

Ādə̄ dɔ rā̰ ənī mbēr̄ əda na: Kɔ́ɔ̄ɓē i de kə́ gōtə́, i ni n i Nə́ɓā kə́ nge gān̄g sarya ní.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.

2 TIMOTE 4:18

Kɔ́ɔ̄ɓē a ɔrə̄m̄ kɔ̄ɔ́ kum yá̰a̰ malang kə́ majaĺ tə́ ō. Ni a ajəm̄ tām̄ yā Ɓē ko̰o̰ yān kə́ dɔ rā̰ tə́ ō. Kɔsə gɔn i yān kə dɔ ɓāl̄ gə̄ ɓāl̄ gə̄! Adə̄ i tītə̄ ń noō!