2 TIMOTE 3:5 - Bibəl ta Sar̄

⁵ Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

Bible sar

⁵ Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

2 TIMOTE 3:5 Referans Kwoze

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

1 TIMOTE 5:8

Ré deē kógə̄ḿ a̰a̰ gō ngéén gə̄ alé, mandang ɓáa a̰a̰ i gō de kə́ kem kújə yān tə́ gə̄ alé anī, ni nējə̄ i taā kə́ ni-taā kem ō, ni i de kə́ majaĺ tɔȳ de kə́ taā kem aĺ ō.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

TITƏ 3:10

De kə́ nge ndóō de gə̄ yá̰á̰ kə́ rɔ̄kum aĺ ní, ī-tāan nja kógə̄ḿ, ba nja kə́ nge ko̰ jōó anī, ɔ̄rə̄n kɔ̄ɔ́ kə̄ gogə́.

2 TIMOTE 2:16

Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété.

2 TIMOTE 2:23

Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

2 TESALONIK 3:14

Ré deē kógə̄ḿ mbātə́ najə̄ ń j-əda kem makətūbə̄ ń toō tə́ ní anī, ī-rāāī ādə̄ de gə̄ ger̄nən̄, ba ī-lōōī ɓoo naā seneé, ādə̄ rɔ̄n sɔlə̄n.

1 TIMOTE 4:7

Banī ī-mbātə́ kɔr̄ súū kə́ to mbóo gə̄ ń i najə̄ kə́ kanjə̄ kumən gə̄ yā ɓə́ga dəyá̰ gə̄ ní. Ī-ndóō rāā yá̰a̰ kə gō ń Nə́ɓā ndigə ní.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.