2 TIMOTE 3:2 - Bibəl ta Sar̄

² Tɔdɔ̄ a o̰o̰ de gə̄ i ta rɔ̄də́ nin̄ kɔ́ gə̄ ō, a rāān̄ ta nar ō, a gángə̄n̄ rɔ̄də́ ō, a ɔjən̄ rɔ̄də́ ō, a ngonjə̄n̄ ō, a mbātə́n najə̄ ta ngé kojədə́ gə̄ tə́ ō, a gerə̄n̄ majə kə́ deē rāā sedə́ aĺ ō, ā ɓōlə́n̄ gidə yá̰á̰ kə́ táĺ gə̄ aĺ ō,

Bible sar

² Tɔdɔ̄ a o̰o̰ de gə̄ i ta rɔ̄də́ nin̄ kɔ́ gə̄ ō, a rāān̄ ta nar ō, a gángə̄n̄ rɔ̄də́ ō, a ɔjən̄ rɔ̄də́ ō, a ngonjə̄n̄ ō, a mbātə́n najə̄ ta ngé kojədə́ gə̄ tə́ ō, a gerə̄n̄ majə kə́ deē rāā sedə́ aĺ ō, ā ɓōlə́n̄ gidə yá̰á̰ kə́ *táĺ gə̄ aĺ ō,

2 TIMOTE 3:2 Referans Kwoze

PILIPƏ 2:21

Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

2 TIMOTE 3:4

a télən̄ kɔ̄ɔ́ gír madə̄də́ gə̄ tə́ ō, a rāān̄ yá̰a̰ kanjə̄ gíŕ yá̰a̰ ō, kɔjə rɔ̄ utə̄ kumdə́ kɔ̄ɔ́ ō, a gḛyn̄ Nə́ɓā alé ba a gḛyn̄ i rɔ̄nel̄ yādə́ tá.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

JEJU TEĒ KUM JA̰A̰ 16:11

Nin̄-tájə̄n̄ Nə́ɓā kə́ dɔ rā̰ tə́ tām̄ yá̰á̰ kə́ tōr̄ kə́ rāādə́ tə́ ō, tām̄ do səya̰ yādə́ tə́ ō. Banī nin̄-tūrə̄n̄ gidədə́ kɔ̄ɔ́ ta yá̰a̰ rāādə́ kə́ majaĺ gə̄ tə́ alé.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

Makətūbə̄ ń Pol ndang adə̄ Rom gə̄ ní 11:18

Loo ń noō tə́ ní, ḭ̄ i de kə́ kadə̄ ɔ́jə rɔ̄í dɔ ta jī kāgə̄ olibə gə̄ ń tə́gān̄də́ kɔ̄ɔ́ tə́ ní alé. Ā ɔ́jə rɔ̄í i ba̰ý? I ḭ̄ n i nge kətō ngə̄rā kāgə̄ olibə kə́ ɓēé ní alé, banī i ni n i nge kətōī ní.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

JEJU TEĒ KUM JA̰A̰ 16:21

Kɔ̄sə̄ kə́ kɔȳ ngá̰ý gə̄ ḭḭn̄ dɔ rā̰ tə́ tə́sōn̄ dɔ de gə̄ tə́, adə̄ nin̄-tájə̄n̄ Nə́ɓā najə̄n tə́, tɔdɔ̄ i yá̰á̰ kə́ tōr̄ kə́ to ɓōĺ ngá̰ý.

JAKƏ 2:8

Rɔ̄kum, ré ī-ngɔ̄mī ndū najə̄ kə́ majə tɔȳ gotə ndū najə̄ gə̄ malang ń na kə ī-tár madí tītə̄ dā̰ rɔ̄í īkɔ́ ní anī, ī-rāāī i yá̰á̰ kə́ majə.

1 TIMOTE 3:3

i de kə́ nge rāā ɓəlo kasə aĺ ō, nge rɔ̄ɔ̄ de gə̄ aĺ ō, banī ni i de kə́ hálən sɔl̄ lɔm ō, nge kɔ̄l̄ kə de gēé aĺ ō, rāā ta nar aĺ ō,

1 TIMOTE 1:20

Himene ō, Alekjandər ō, i dan de gə̄ ngeé ń noō tə́. M-ādə̄də́ kə Sətan kadə̄ ndóōn̄ loo ndájə̄ najə̄ dɔ Nə́ɓā tə́ alé.

KƏLA RĀĀ 5:36

Tɔdɔ̄ Tedas ń teē yān ní dan i ngá̰ý aĺ ɓáý. Ni ɔjə kadə̄ ni na i deē kógə̄ḿ kə́ bo, adə̄ de gə̄ kə́ asən̄ ɓú sɔ́ ń noō unən̄ gōn. Dan ń tɔ̄l̄nən̄ kɔ̄ɔ́ anī de gə̄ ń unən̄ gōn ní tə̄ndān̄ naā tḭ̄ḭ̄n̄ malang kɔ̄ɔ́, adə̄ gotədə́ to i karī.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

JEJU TEĒ KUM JA̰A̰ 16:9

Loo ń noō tə́ kəngā mbang kə́ ngá̰ý rāā de gə̄, adə̄ ngonjə̄n̄ kə rī Nə́ɓā kə́ nge kaw̄ kə tɔ́gə dɔ yá̰á̰ kə́ tōr̄ gə̄ ní tə́. Banī nin̄-tūrə̄n̄ háĺdə́ ɔsənə̄ń gɔnən alé.

JEJU TEĒ KUM JA̰A̰ 13:1

Anī m-á̰a̰ dā̰ kógə̄ḿ teē kum bā bo tə́, gajən gə̄ i kutə kógə̄ḿ ō, dɔn i sīrí ō, yá̰á̰ súū rɔ̄ kə́ dɔ tə́ gə̄ kutə kógə̄ḿ i tū gajən gə̄ ní tə́ kógə̄ḿ kógə̄ḿ ō. Rī kógə̄ḿ kə́ to ngonjə̄ i tū gajən gə̄ ní tə́ kógə̄ḿ kógə̄ḿ ō.

2 KORḚNTƏ 5:15

Ni oy tām̄ yā de gə̄ tə́ malang, yā kadə̄ ngé gə̄ ń ndin̄ kə kumdə́ ní, ndin̄ kə kumdə́ i tām̄ yādə́ nin̄ kɔ́ gə̄ tə́ to̰ alé, ba i tām̄ yā nge ń oy tá ndól̄ tām̄ yādə́ tə́ ní.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

PĀ GƏ̄ 49:6

Ndɔ̄ kə́ majaĺ tə́ anī, m̄-sōl̄ ngam yā ngé gól̄ loo gə̄ ń gīr̄mə̄n̄ ní i tām̄ rí tə́?

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.