2 TIMOTE 3:11 - Bibəl ta Sar̄

¹¹ Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

Bible sar

¹¹ Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

2 TIMOTE 3:11 Referans Kwoze

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

KƏLA RĀĀ 26:22

Banī Nə́ɓā ngɔ̄mə̄m̄ bátə́ ɓōólaā, adə̄ m̄-ra laā ɓáý kadə̄ yá̰a̰ gə̄ ń mā i kum tə́ á m-á̰a̰ā̰ ní, m-ə́da de gə̄ malang, de kə́ dūú gə̄ ō, de kə́ bo gə̄ ō. Mā m-ə́dá yá̰á̰ kógə̄ḿ kə́ rang alé, ba i yá̰á̰ ń ngé koō ta gə̄ ō, Moijə ō, ədan̄ na a reē ní.

KƏLA RĀĀ 26:17

m̄-gān̄g dɔí kɔ̄ɔ́ ɓáá jī Jipə gə̄ tə́ ō, jī gír de gə̄ ń m-ā m-ə́laī kə̄ rɔ̄də́ tə́ ba nin̄ i Jipə aĺ gə̄ ní tə́ ō.

KƏLA RĀĀ 23:10

Dan ń najə̄ a majaĺ i kum kə̄ kété kété ō, ngol áskar gə̄ kə́ bo ɓōĺ najə̄ kadə̄ a rə́yā̰n̄ Pol naā tə́ ō ní anī, ni-adə̄ ndūn ɓūtə̄ áskar gə̄ kadə̄ aw̄ teēn̄ kə Poló kɔ̄ɔ́ dan de gə̄ tə́, ba kə aw̄n̄ seneé kem gérgereé.

KƏLA RĀĀ 20:19

m̄-rāā kəla yā Kɔ́ɔ̄ɓē i kə dɔ sɔlɔ́ ō, i kə man̄ noó kumḿ tə́ ō, i dan yá̰á̰ kə́ tōr̄ gə̄ tə́ ō, sɔɔ̄ń Jipə gə̄ ń oōn̄ naā dɔḿ tə́ ní.

KƏLA RĀĀ 13:14

Banī nin̄-unən̄ ta njə̄rā mbā yādə́ kum kə̄ kété, nin̄-ḭḭn̄ Perjə aw̄ ugə̄n̄ A̰tiyos kə́ Pisidi tə́. Ndɔ̄ sabat tə́ anī, nin̄-udən̄ kújə́ kán̄ naā tə́ ba aw̄ ndin̄ nang tə́.

KƏLA RĀĀ 9:16

Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

DANIEL 6:27

M-ə́da de gə̄ kadə̄ rāān̄ yá̰á̰ ń toō gō nang malang kə́ kem ɓē ko̰o̰ yāḿ tə́: Ādə̄ de gə̄ ɓōlə́n̄ ndíĺ Nə́ɓā yā Daniel. Tɔdɔ̄ i ni n i Nə́ɓā kə́ ndi kə kumneé ō, i Nə́ɓā kə́ a ndi ngándáńg ō ní. Ko̰o̰ ɓē yān dan a gān̄g alé, ni a o̰o̰ ɓē bátə́ yā tɔ̄l̄ ta.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

PĀ GƏ̄ 37:40

Kɔ́ɔ̄ɓē rāā sedə́ ō, gān̄g dɔdə́ ō. Ni-gān̄g dɔdə́ jī ngé kem ndul gə̄ tə́ ō, ajədə́ ō, tɔdɔ̄ nin̄ rāānən̄ i loo ɓɔ̄ɔ̄ rɔ̄ yādə́ tə́.

2 SAMUEL 22:49

Kɔ́ɔ̄ɓē, ḭ̄ ɔ̄rə̄m̄ kɔ̄ɔ́ ta madə̄ ba̰ā̰ḿ gə̄ tə́. Ḭ̄ ī-rāā adə̄ ngé gə̄ ń ənīmə̄n̄ rɔ̄ɔ̄ ní m̄-tetədə́ rɔ̄ɔ̄. Ḭ̄ ɔ̄rə̄m̄ kɔ̄ɔ́ jī ngé dɔ́nɔ gə̄ tə́.

2 SAMUEL 22:1

Dan ń Kɔ́ɔ̄ɓē ɔr̄ Dabid kɔ̄ɔ́ jī madə̄ ba̰ā̰n gə̄ tə́ ō, jī Saul tə́ ō ní anī, ənī pā ń toō adə̄ Kɔ́ɔ̄ɓē,

TA KƏLA 48:16

kadə̄ de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

KƏLA RĀĀ 14:8

Deē kógə̄ḿ kə́ ni a ndi i nang tə́ ba a ra dɔɔ́ alé i kem ɓē kə́ Listər tə́. I de kə́ kó̰o̰n ojən kə lígə̄rīí adə̄ njə̄rā ndɔ̄ kógə̄ḿ alé.

Makətūbə̄ ń Pol ndang adə̄ Rom gə̄ ní 15:31

Ī-ndɔ̄yī tām̄ kadə̄ m-ə̄sō jī ngé taā kem aĺ gə̄ kə́ gō nang kə́ Jude tə́ aĺ ō, yā kadə̄ ngé yā Nə́ɓā kə́ Jerusalem gə̄ ndigən̄ yá̰á̰ ń m-ā m-āw̄ń kə̄ kadə̄də́ tə́ Jerusalem ní majə ō.

2 KORḚNTƏ 1:5

Tītə̄ ń yá̰á̰ kə́ tōr̄ gə̄ yā Kərist rāān̄jí ngá̰ý ní, i tītə̄ ń toō n jḭḭ̄ j-əngeīneé kem sɔl̄ ngá̰ý kə ta kūl̄ Kərist ō ní.

2 KORḚNTƏ 1:7

Adə̄ j-əndā kemjí dɔsí tə́ kə ngangāá ngá̰ý. Tām̄ jə-ger̄ kadə̄ dan ń yá̰á̰ kə́ tōr̄ gə̄ rāān̄sí sejí ní, ā ə́ngeī kem sɔl̄ sejí ō.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.