2 TIMOTE 3:10 - Bibəl ta Sar̄

¹⁰ Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

Bible sar

¹⁰ Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

2 TIMOTE 3:10 Referans Kwoze

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

PILIPƏ 2:22

Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

1 TESALONIK 1:5

Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.

2 KORḚNTƏ 1:17

Dan ń m̄-gḛy rāā beé ní, m-ɔ́jə i kə̄ ndágá kadə̄ mā i de kə́ m̄-hɔɔ́lɔ̄ ngá̰ý a? Aké yá̰a̰ gə̄ ń m-ɔ́jə rāādə́ ní, i kə gō gír̄ yā deē nduluú, adə̄ a̰á̰ā̰ ō, hó̰ō̰ ō i kemḿ tə́ jōó mbak a?

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

KƏLA RĀĀ 26:4

Yá̰a̰ gə̄ ń m̄-rāādə́ dan nápar deē yāḿ gə̄ tə́ ō, kem ɓē kə́ Jerusalem tə́ ō, kə dūúḿ bátə́ m̄-tɔgəń ní, Jipə gə̄ malang gerə̄n̄.

KƏLA RĀĀ 20:18

Dan ń nin̄-reē ugə̄n̄ rɔ̄n tə́ anī ədadə́ na: Əla gír ndɔ̄ ń m-ə̄ndań njaḿ dɔ nang kə́ Aji tə́ ní, hálə́ḿ ń m̄-ndiń sesí ní sḭḭ̄ ī-gerī.

KƏLA RĀĀ 2:42

Nin̄-əhɔn̄ gō yá̰á̰ ndóō yā ngámbang kəla gə̄ ō, ɔsən̄ dɔdə́ naā tə́ kə́ loo ngákó̰o̰ naā gə̄ tə́ ō, tetən̄ mápá ō, ɔrə̄n̄ najə̄ kə Nə́ɓāá ō kanjə̄ kəya̰ ta.

Najə̄ kə́ Majə yā Jeju ń Luk ndang ní 1:3

Teopil, de kə́ bo yāḿ, dan ń m̄-ndəle gíŕ yá̰a̰ gə̄ ń rāān̄ yá̰á̰ ní kə gōó bátə́ ta kəla gíŕ tə́ ní, m-á̰a̰ kadə̄ majə kadə̄ m̄-ndangdə́ kə gō naá kem makətūbūú m-ādī.

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

DANIEL 1:8

Banī Daniel gḛy yḛr rɔ̄n kə yá̰a̰ kəsa yā mbangāá aĺ ō, kə kasə nduú yā mbangāá aĺ ō. Adə̄ ni dəjə ngol ngé rāā kəla gə̄ kadə̄ ra seneé ta yḛr rɔ̄n kə yá̰a̰ kəsa gə̄ ń noō alé.

PILIPƏ 2:20

I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.