2 TIMOTE 3:1 - Bibəl ta Sar̄

¹ Yá̰á̰ ń kadə̄ ī-ger̄ majə ní n toó: Ta ngóy ndɔ̄ gə̄ tə́ anī, kum mbang kə́ tōr̄ gə̄ a ton̄.

Bible sar

¹ Yá̰á̰ ń kadə̄ ī-ger̄ majə ní n toó: Ta ngóy ndɔ̄ gə̄ tə́ anī, kum mbang kə́ tōr̄ gə̄ a ton̄.

2 TIMOTE 3:1 Referans Kwoze

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.

Makətūbə̄ ń Jud ndang ní 1:17

Banī sḭḭ̄ kó tár yāḿ gə̄, ādə̄ əga kemsí dɔ yá̰á̰ ń ngámbang kəla yā Kɔ́ɔ̄ɓē yājí Jeju Kərist gə̄ tāān̄sí dɔ tə́ kété ní.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

DANIEL 12:11

Əla gír kum mbang ń deē a asəń ndējə̄ Nə́ɓā yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

DANIEL 7:8

M-ə̄ndā ma̰ȳ gajən gə̄ ní anī m-á̰a̰ nge kə́ dūú əɓa dan madə̄ gə̄ tə́. Ró̰ȳn̄ gajən kə́ kété gə̄ mətá kɔ̄ɔ́ non tə́. M-á̰a̰ kum yá̰a̰ gə̄ kə́ ton̄ tītə̄ kum deē beé ō, ta de kə́ a tə́da najə̄ kə́ to ngonjə̄ gə̄ ō ton̄ tū gajən kə́ dūú ní tə́.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.