2 TIMOTE 2:8 - Bibəl ta Sar̄

⁸ Ādə̄ əga kemií dɔ Jeju Kərist kə́ gír kaa yā Dabid tə́ ń ndól̄ dan de kə́ koy gə̄ tə́ kə gō Najə̄ kə́ Majə ń m-ɔ́jə́ tə́ ní.

Bible sar

⁸ Ādə̄ əga kemií dɔ Jeju *Kərist kə́ gír kaa yā Dabid tə́ ń ndól̄ dan de kə́ koy gə̄ tə́ kə gō Najə̄ kə́ Majə ń m-ɔ́jə́ tə́ ní.

2 TIMOTE 2:8 Referans Kwoze

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

2 TESALONIK 2:14

Nə́ɓā ɓāŕsí kadə̄ ájiī i kə ta kūl̄ Najə̄ kə́ Majə ń j-ɔjəsí ní, yā kadə̄ ə́ngeī kɔsə gɔn yā Kɔ́ɔ̄ɓē yājí Jeju Kərist.

MATIYE 1:1

Makətūbə̄ gír kaa Jeju Kərist n toó: Ni i ngōn̄ kaa Dabid kə́ ngōn̄ kaa Abəraham.

1 TIMOTE 2:7

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

1 KORḚNTƏ 15:4

Dubə̄nən̄ ba Nə́ɓā ndólə̄n kə ndɔ̄ kə́ nge ko̰ mətá tītə̄ ń ndangən̄neé kété kem makətūbə̄ yā Nə́ɓā tə́ ní.

JEJU TEĒ KUM JA̰A̰ 5:5

Banī deē kógə̄ḿ kə́ dan kum kɔɔ̄ gə̄ tə́ ədam̄ na kə m̄-nōō alé. Na kə m-á̰a̰ā̰, na ɓɔl kə́ gír ɓē yā Juda tə́ ń i de kə́ gír kaa yā Dabid tə́ ní, na tetə rɔ̄ɔ̄ yā kɔsəń mbō̰ kə́ sīrí gə̄ kə́ tū makətūbə̄ ní tə́ kɔr̄ ō, na tetə rɔ̄ɔ̄ yā teēń kemən ō.

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

1 KORḚNTƏ 15:1

Ngákó̰ó̰ḿ gə̄, Najə̄ kə́ Majə ń m-ɔ́jə́sí á ī-ndigiī ō, ī-tāāī kem mámák ō ní, ngɔlaā m̄-ndigə ter̄ kemsí dɔ tə́.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

KƏLA RĀĀ 13:23

Nə́ɓā teē kə Jeju nge kajə Israel gə̄ i gír kaa yā Dabid tə́ tītə̄ ń ənīń ndūn ní.

KƏLA RĀĀ 2:30

Banī ni i nge koō ta ō, ger̄ kadə̄ Nə́ɓā túbə ənīń míndən adə̄n yā kəndā ngōn̄ kaan kógə̄ḿ dɔ kōr̄ kāgə̄ mbang yān tə́ ō.

Najə̄ kə́ Majə yā Jeju ń Luk ndang ní 24:46

ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

2 TIMOTE 2:7

Ā ī-ger̄ kum najə̄ ń m-ə́da toó, tɔdɔ̄ Kɔ́ɔ̄ɓē a rāā kadə̄ ā ī-ger̄ kum yá̰a̰ malang.