2 TIMOTE 2:3 - Bibəl ta Sar̄

³ Á̰á̰ tápə̄ loo áskar kə́ majə yā Kərist Jeju tə́ ō.

Bible sar

³ Á̰á̰ tápə̄ loo áskar kə́ majə yā Kərist Jeju tə́ ō.

2 TIMOTE 2:3 Referans Kwoze

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

HEBƏRO 10:32

Ādə̄ əga kemsí dɔ yá̰á̰ ń rāāsí kété tə́ ní. Kem ndɔ̄ gə̄ ngeé ń noō tə́ ní dan ń sḭḭ̄ ə́ngeī loo kə́ unjə̄ kow yā Nə́ɓā ní, á̰a̰ī tápə̄ ngá̰ý gō tə́, banī sḭḭ̄ ī-raī ngan̄g ta rɔ̄ɔ̄ ní tə́.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

1 TIMOTE 1:18

Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.

2 TIMOTE 3:11

Ī-ger̄ yá̰á̰ kə́ tōr̄ gə̄ ō, tápə̄ gə̄ ō ń m-ə́ngédə́ kem ɓē kə́ A̰tiyos tə́ ō, Ikoniyɔm tə́ ō, Listər tə́ ō ní. A̰á̰ā̰, m-á̰á̰ tápə́ ngá̰ý, banī Kɔ́ɔ̄ɓē ɔrə̄m̄ kɔ̄ɔ́ kum yá̰á̰ gə̄ ń noō tə́ malang.

2 KORḚNTƏ 1:6

Ré jḭḭ j-a̰a̰ tápə̄ anī, i tām̄ yā kadə̄ sḭḭ̄ ə́ngeīneé kem sɔl̄ ō, ájiīneé ō. Ré sɔlə̄n̄ kemjí anī, i yā kadə̄ sḭḭ̄ ə́ngeīneé kem sɔl̄ kə́ kadə̄ rāā sesí tá kadə̄ sḭḭ̄ ásiīneé tə́gā tasí dan yá̰á̰ kə́ tōr̄ gə̄ kə́ tītə̄ yājí tə́ ō.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

1 KORḚNTƏ 13:7

Ni-tə́gā tan dan yá̰a̰ gə̄ tə́ malang ō, ngɔ̄m̄ taā kem dan yá̰a̰ gə̄ tə́ malang ō, əndā kemən dɔ Nə́ɓā tə́ dan yá̰a̰ gə̄ tə́ malang ō, əre rɔ̄n dan yá̰a̰ gə̄ tə́ malang ō.

1 KORḚNTƏ 9:7

I náā n rāā kəla áskar anī əgā rɔ̄n kə nar yān nəkɔ́ ní? I náā n əndā kāgə̄ nduú anī əsa kanə̄n aĺ ní? Aké i náā n ul̄ man̄g gə̄ kanjə̄ ka̰ȳ mbadə́ ní?

2 TIMOTE 1:1

I mā Pol ń i ngōmbang kəla yā Kərist Jeju kə́ kə gō kem ndigə yā Nə́ɓāá ní. Əndān̄ kəla kɔjə najə̄ kə́ dɔ ndi kə kumuú ń Nə́ɓā ənī míndən yā kadə̄jí ní dɔḿ tə́. J-əngeī ndi kə kumuú ngeé ń toō i kə ta kūl̄ ɓoojí naā kə Kərist Jeju.

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

PILEMO̰ 1:2

ngōkó̰ó̰jí kə́ dəyá̰ Apya ō, madə̄ rɔ̄ɔ̄jí Arkipə ō, ngé kán̄ naā gə̄ kə́ kem kújə yāí tə́ ō.

NGÉ SARYA 3:2

Ni-sāā i kadə̄ ngán Israel kə́ gō gogə́ gə̄ ń rɔ̄ɔ̄n̄ kété aĺ ɓáý ní ndóōnəń loo rɔ̄ɔ̄.

KƏLA RĀĀ 23:31

Áskar gə̄ rāān̄ yá̰á̰ ń ədan̄də́ ní. Nin̄-unən̄ Pol dan ndɔ̄ɔ́ aw̄n̄ seneé A̰tipatəris.