2 TIMOTE 2:22 - Bibəl ta Sar̄

²² Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

Bible sar

²² Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ *unjə̄ njáý njáý ní.

2 TIMOTE 2:22 Referans Kwoze

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

1 PIYER 3:11

Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

1 KORḚNTƏ 6:18

Yá̰á̰ ń i sāā naā loo kaya tə́ ní ā̰ȳniī kɔ̄ɔ́! Majaĺ kə́ rang gə̄ malang ń deē rāā ní, i gidə rɔ̄ deē tə́ ndágá. Banī deē ń sāā naā loo kaya tə́ ní, rāā majaĺ i kə dā̰ rɔ̄n nəkɔ́.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

1 KORḚNTƏ 10:14

Adə̄ kó tár yāḿ gə̄, ī-lōōī rāā ɓesə̄.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

Makətūbə̄ ń Pol ndang adə̄ Rom gə̄ ní 14:19

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

1 KORḚNTƏ 14:1

Adə̄ ī-sāāī tár kadə̄ ə́ngeī kété no yá̰a̰ gə̄ tə́ malang. Ī-sāāī yá̰a̰ gə̄ ń Ndíĺ kə́ Táĺ a adə̄ de gə̄ karī ní kadə̄ ə́ngeī ō. Ba mandang ɓáa ādī i tɔ́gə kəda najə̄ kə́ Nə́ɓā əndā tasí tə́.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

KƏLA RĀĀ 9:14

Tá laā ní ngol gə̄ kə́ dɔ ngé tun̄ yá̰a̰ gə̄ tə́ adə̄nən̄ ta róbə kadə̄ kə tṵ́ṵ̄ de gə̄ malang ń a ɓārə́n̄ rīí ní kə kəlaá.

Gōsə̄ najə̄ gə̄ 6:5

Ɔ̄r̄ rɔ̄í kɔ̄ɔ́ kum gūmbə̄ tə́ tītə̄ jal̄, ɔ̄r̄ rɔ̄í kɔ̄ɔ́ kum tə́ tītə̄ yel̄ beé.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

PĀ GƏ̄ 17:1

Ndɔ̄ȳ yā Dabid. Kɔ́ɔ̄ɓē, ī-nēl̄ mbīí ōoń nōō yāḿ. Ōō yá̰á̰ kə́ gōtə́ ń m̄-dəjeī ní,

KƏLA RĀĀ 7:59

Dan ń a tə́nīn̄ Etiyen ní, Etiyen ɓāŕ Kɔ́ɔ̄ɓē əda na: Kɔ́ɔ̄ɓē Jeju, ī-taā ndílə́ḿ!

LEBI GƏ̄ 15:18

Ré dəyá̰ nin̄ kə dəngameé ɓīīn̄ kə naá anī, nin̄ jōó mbak a ndogə̄n̄ man̄ ō, a télən̄ de gə̄ kə́ yḛr bátə́ kadə̄ loo tíbə dɔdə́ tə́ ō.

Gōsə̄ najə̄ gə̄ 7:8

Balsáá ní a mān̄ i mbée kum róbə́ kógə̄ḿ tə́, kadə̄ loo kə́ dəyá̰ kógə̄ḿ kə́ dan dəyá̰ kə́ tītə̄ ń noō gə̄ tə́ ndi tū tə́ tə́. Anī un róbə́ kə́ ta kaw̄ kə̄ ɓē yā dəyá̰ ní tə́.