2 TIMOTE 2:21 - Bibəl ta Sar̄

²¹ Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

Bible sar

²¹ Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

2 TIMOTE 2:21 Referans Kwoze

2 TIMOTE 3:17

yā kadə̄ deē yā Nə́ɓā i kə́ majə ɔtə̄ kə taá ō, ənge yá̰a̰ gə̄ kə́ yā rāāń kəla malang kə́ majə ō.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

2 TIMOTE 2:20

Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

1 KORḚNTƏ 5:7

Kaa mápá kə́ lōō kōkə̄ kɔ̄ɔ́ ń i yá̰á̰ kə́ majaĺ ní, ɔ̄rī kɔ̄ɔ́ dɔ dáńsí tə́ tá kadə̄ ī-télīneé de kə́ unjə̄n̄ njáý njáý gə̄. Loo ń noō tə́ ā ī-toī tītə̄ ndujə̄ mápá kə́ ló̰ȳ kijə kanjə̄ kənī kaa mápa kum tə́ beē. Tɔdɔ̄ sḭḭ̄ i ndujə̄ mápá kə́ ló̰ȳ kijə kanjə̄ kənī kaa kum tə́. Tām̄ Kərist ń i batə̄ Pákə yājí ní tɔ̄l̄nən̄ kɔ̄ɔ́ ɓá.

MALASI 3:3

Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.

TITƏ 3:14

Majə kadə̄ deē yājí gə̄ ndóōn̄ rāā kəla kə́ majə gə̄ ō, tá kadə̄ nin̄-əndān̄ rɔ̄də́ ta yá̰á̰ kə́ tōr̄ rɔ̄ gə̄ tə́. Loo ń noō tə́, nin̄ a télən̄ de kə́ teē yá̰a̰ aĺ gə̄ alé.

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

2 KORḚNTƏ 9:8

Nə́ɓā asə kadə̄sí yá̰á̰ kə́ majə kə́ tayā tayā gə̄ malang ngá̰ý, yā kadə̄ sḭḭ̄ i kə yá̰a̰ malang kə́ asəsí kə ndɔ̄ gə̄ ō, kadə̄ gotə ń na̰y ní i ngá̰ý kadə̄ ī-rāāīneé kəla kə́ majə gə̄ malang ō,

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

2 TIMOTE 2:16

Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété.

2 TIMOTE 4:11

ba i Luk ngóy n i seḿ ní. Ādə̄ Mark reē seí, tɔdɔ̄ ni a ɔsə kílə́ḿ tū kəla yāḿ gə̄ tə́.