2 TIMOTE 2:16 - Bibəl ta Sar̄

¹⁶ Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété.

Bible sar

¹⁶ Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété.

2 TIMOTE 2:16 Referans Kwoze

TITƏ 3:9

Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.

1 TIMOTE 6:20

Ɓɔ́ Timote, yá̰a̰ ɓɔ̄ɔ̄ ní, ī-ngɔ̄m̄ ādə̄ to kə taá. Ī-mbātə́ kɔr̄ najə̄ kə́ kanjə̄ kumən gə̄, tɔdɔ̄ najə̄ gə̄ ní mbātə́n̄ naā kə taā kemeé ō, ī-mbātə́ najə̄ kə́ kɔy kə̄ naā tə́ ń i yá̰a̰ ger̄ kə́ rɔ̄kum aĺ ní ō.

TITƏ 1:14

Ādə̄ nin̄-əhɔn̄ gō gotə najə̄ kə́ tūr̄ gidə kadə̄ majə gə̄ yā Jipə gə̄ aĺ ō, əhɔn̄ gō yá̰a̰ gə̄ ń ngé tūr̄ gidədə́ kɔ̄ɔ́ ta najə̄ kə́ rɔ̄kum tə́ gə̄ ran̄ kə de gēé ta rāā ní aĺ ō.

2 TIMOTE 2:14

Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

ESDRAS 10:10

Esdras nge tun̄ yá̰a̰ ḭḭ dɔɔ́ ba ədadə́ na: Sḭḭ̄ ī-rāāī yá̰a̰ gōtə́ aĺ bátə́ ō, dəyá̰ tə̄rā gə̄ ń ī-táaī ní rāān̄ adə̄ majaĺ yā Israel i ngá̰ý tɔȳ kə́ kété gə̄ ō.

JEJU TEĒ KUM JA̰A̰ 13:3

Əndan̄ dɔn kógə̄ḿ kə doó, adə̄ dɔn ní to ranjang tītə̄ kə́ oy kɔ̄ɔ́ beē, ba do ń asə yon ní edə̄ kɔ̄ɔ́. Loo ń noō tə́ ɔr kum de kə́ dɔ nang tə́ gə̄ malang ngá̰ý, adə̄ nin̄-unən̄ gōn.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

2 PIYER 2:2

Ba de gə̄ ngá̰ý a unən̄ gōdə́ loo rāā háĺ kə́ majaĺ gə̄ tə́ ō, de gə̄ tə́dan̄ najə̄ dɔ gō róbə yā najə̄ kə́ rɔ̄kum tə́ sɔɔ̄ń yá̰a̰ rāādə́ ō.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

1 TIMOTE 4:7

Banī ī-mbātə́ kɔr̄ súū kə́ to mbóo gə̄ ń i najə̄ kə́ kanjə̄ kumən gə̄ yā ɓə́ga dəyá̰ gə̄ ní. Ī-ndóō rāā yá̰a̰ kə gō ń Nə́ɓā ndigə ní.

1 KORḚNTƏ 15:33

Ādī síndə̄sí alé: De kə́ háĺdə́ majaĺ gə̄ ń deē njə̄rā sedə́ ní a nujən̄ háĺ kə́ majə yā deē.

1 KORḚNTƏ 5:6

Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.