2 TIMOTE 2:14 - Bibəl ta Sar̄

¹⁴ Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

Bible sar

¹⁴ Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

2 TIMOTE 2:14 Referans Kwoze

2 TIMOTE 2:23

Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

1 TIMOTE 5:21

m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.

KƏLA RĀĀ 15:24

J-oō kadə̄ na de kə́rēý gə̄ ḭḭn̄ danjí tə́ laā aw̄ nujən̄ kemsí ō, a̰ȳn̄ ndíĺsí ō kə najə̄ kɔr̄də́. Banī jḭḭ j-adə̄də́ ndūjí dɔ yá̰á̰ kógə̄ḿ tə́ tū najə̄ ń noō tə́ aĺ bátə́.

2 PIYER 1:13

Ba mā m-á̰a̰ kadə̄ dan ń m̄-ndi kə kumḿ ɓáý ní, i yá̰á̰ kə́ gō tə́ kadə̄ m̄-ter̄ kemsí dɔ tə́.

1 TIMOTE 6:13

Nə́ɓā kə́ nge rāā kadə̄ yá̰a̰ malang ndi kə kumneé ō, Kərist Jeju ń əda najə̄ kə́ kum tə́ ta kum Po̰sə Pilatə tə́, adə̄ əda i najə̄ taā kem kə́ majə ngá̰ý kə̄ ndágá ō ní, m-ə́daī yá̰á̰ ń toō ta kumdə́ tə́ kadə̄ ī-rāā:

2 TESALONIK 3:6

Ngákó̰ó̰jí gə̄, jə-dəjesí kə rī Kɔ́ɔ̄ɓē yājí Jeju Kərist kadə̄ ɔ̄rī rɔ̄sí kɔ̄ɔ́ rɔ̄ ngákó̰ó̰sí kə́ ngé yay gə̄ tə́ malang, nin̄ ń i ngé mbātə́ rāā yá̰a̰ gə̄ ń j-ɔjəsí ní.

JEREMI 7:8

Ba sḭḭ̄ ī-gólī rɔ̄sí kə najə̄ kə́ rɔ̄kum aĺ gə̄ ō, kə́ teē yá̰a̰ aĺ gə̄ ō.

1 SAMUEL 12:21

Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.

2 TIMOTE 2:16

Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

GALATƏ 1:7

Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

KƏLA RĀĀ 13:10

ba ədan na: Ḭ̄ i de kə́ kum kedə̄ gól̄ loo rosə kemií ō, de kə́ ger̄ tūr̄ gíŕ yá̰á̰ ngá̰ý ō, ḭ̄ i ngōn̄ diabəl ō, ḭ̄ i madə̄ kɔ̄l̄ yá̰a̰ malang kə́ gōtə́ ō, a asiī rāā gō róbə yā Kɔ́ɔ̄ɓē kə́ ra súmūú kadə̄ rúgə̄ kə̄ loo gə̄ tə́ i rə́ngáý tə́?

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

2 TIMOTE 1:6

Yá̰á̰ ń Nə́ɓā adī karī dan ń m-ə̄ndań jīḿ dɔí tə́ ní, to i tītə̄ hor beé kemií tə́, adə̄ ī-tóon ādə̄ o̰o̰.

1 TIMOTE 1:6

De kə́rēý gə̄ əya̰n̄ háĺ ń noō kɔ̄ɔ́, loo ń noō tə́ nin̄-ndúmə̄n̄, adə̄ a ɔrə̄n̄ i najə̄ kə́ kanjə̄ kumən gə̄.

1 TIMOTE 1:4

kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,