2 TIMOTE 2:11 - Bibəl ta Sar̄

¹¹ Najə̄ gə̄ ń toō i ngarān̄g kum najə̄: Ré j-oyiī seneé anī, j-a jə-ndiī kə kumjí naā tə́ seneé ō.

Bible sar

¹¹ Najə̄ gə̄ ń toō i ngarān̄g kum najə̄: Ré j-oyiī seneé anī, j-a jə-ndiī kə kumjí naā tə́ seneé ō.

2 TIMOTE 2:11 Referans Kwoze

Makətūbə̄ ń Pol ndang adə̄ Rom gə̄ ní 6:8

Ba ré jḭḭ̄ i kə́ koy kɔ̄ɔ́ gə̄ kə Kərist anī, jə-taāī kem kadə̄ j-a jə-ndiī kə kumjí seneé ō.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

Makətūbə̄ ń Pol ndang adə̄ Rom gə̄ ní 6:5

Ré jə-rāāī i dā̰ rɔ̄ kə́ kógə̄ḿ beē seneé loo koy kə́ tītə̄ yān tə́ anī, j-a jə-rāāī dā̰ rɔ̄ kə́ kógə̄ḿ beē seneé loo ndól̄ kə́ tītə̄ yān tə́ ō.

2 KORḚNTƏ 4:10

J-ətō Jeju kem dā̰ rɔ̄jí tə́ ngándáńg, yā kadə̄ ndi kə kumuú yā Jeju ɔjəń rɔ̄n kə̄ ndágá dā̰ rɔ̄jí tə́ ō.

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

1 TESALONIK 5:10

oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé.

1 TESALONIK 4:17

Gō tə́ anī, jḭḭ̄ ń jə-ndiī kə kumjí á jə-na̰yiī dɔ nang tə́ laā ɓáý ní, a aw̄n̄ sejí naā tə́ sedə́ malang dɔ kil̄ man̄ tə́, yā kadə̄ j-ɔjiī no Kɔ́ɔ̄ɓē ɓōdə̄ rā̰ tə́, adə̄ j-a jə-ndiī kə Kɔ́ɔ̄ɓēé ngándáńg.

2 KORḚNTƏ 13:4

Ngan̄g aĺ yān rāā adə̄ əndanən̄ kə máyá̰ tū kāgə̄ kə́ dēsə́ tə́, banī ni-ndi kə kumneé i kə ta kūl̄ tɔ́gə yā Nə́ɓāá. Kə gō ɓoo ń jə-ɓoo naā seneé ní ɓáa, rāā adə̄ tɔ́gə́jí jḭḭ gətóo ō. Banī yá̰á̰ ń jə-rāā sesí ní, ɔjə kadə̄ jə-ndi i kə kumjí seneé kə ta kūl̄ tɔ́gə yā Nə́ɓāá.

1 TIMOTE 3:1

Najə̄ ń toō i najə̄ kə́ rɔ̄kum kə́ to kadə̄ deē taā kem. Ré deē sāā kəla kɔr no ngé kán̄ naā gə̄ anī, gḛy i kəla kə́ majə.