2 TIMOTE 1:7 - Bibəl ta Sar̄

⁷ Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

Bible sar

⁷ Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

2 TIMOTE 1:7 Referans Kwoze

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

1 JA̰A̰ 4:18

Ɓōĺ gətóo tū táŕ tə́, banī táŕ kə́ majə ɔtə̄ kə taá tə̄ɓā ɓōĺ ndágá kɔ̄ɔ́, tɔdɔ̄ ɓōĺ ɔjə kadə̄ ndéy a to noó. Deē ń ndi kə ɓōló ní táŕ kə́ kemən tə́ majə ɔtə̄ kə taá alé.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

Gōsə̄ najə̄ gə̄ 2:7

Ni i nge rāā kadə̄ kəla rāā de kə́ súmūú gə̄ teē majə. Ni to i tītə̄ der beé tām̄ yā nge rāā háĺ kə́ gōtə́ tə́.

Gōsə̄ najə̄ gə̄ 8:14

Kadə̄ kɔjə̄ ō, yá̰á̰ kə́ teē majə ō, i yá̰á̰ kə́ gír jīḿ tə́ gə̄. Ger̄ kum yá̰a̰ i yá̰a̰ yāḿ ō, ngan̄g i yá̰a̰ yāḿ ō.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

HEBƏRO 2:15

Banī Jeju gān̄g dɔ ngé gə̄ ń ndin̄ tītə̄ ɓəlo gə̄ beé kə dɔ ndɔ̄ ndidə́ kə kumdə́ gə̄ malang ní, tɔdɔ̄ nin̄-ɓōlə́n̄ i yo.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

1 KORḚNTƏ 2:4

Yá̰á̰ ń m̄-ndóō de gə̄ ō, najə̄ ń m-ɔ́jə de gə̄ ō ní, i kə gō kum kedə̄ yā deé alé, banī i kə tɔ́gə yā Ndíĺ Nə́ɓā kə́ ɔjə kə̄ ndágá kadə̄ najə̄ yāḿ i najə̄ kə́ rɔ̄kum.

Najə̄ kə́ Majə yā Jeju ń Luk ndang ní 24:49

Ba mā tā a, m-ā m-ə́la kə nge ń Bɔbə́ḿ ənī míndən dɔ tə́ yā kadə̄sí ní, adə̄ a reē dɔsí tə́. Ní, sḭḭ̄ ī-ndiī kem ɓēé laā bátə́ kadə̄ Nə́ɓā əlań tɔ́gə́ kə́ dɔɔ́ kūbə̄ tə́ rɔ̄sí tə́.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

PĀ GƏ̄ 119:80

m̄-ndigə rāā yá̰a̰ gə̄ ń ī-ndang kadə̄ yā rāā ní kə ngarā̰ kemḿ malang. Loo ń noō tə́ rɔ̄ḿ a sɔlə̄m̄ alé.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

KOLOSƏ 1:8

Nəkɔ́ ədají najə̄ táŕ ń Ndíl adə̄sí ní ō.

KƏLA RĀĀ 6:8

Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

KƏLA RĀĀ 9:22

Banī tɔ́gə́ Sol kə́ loo kɔjə najə̄ tə́ aw̄ i kum kə̄ kété kété. Dan ń ni ɔjə Jipə kə́ Damas tə́ gə̄ unjə̄ ngá̰ý kadə̄ Jeju i Kərist ní a, nin̄-gerə̄n̄ najə̄ kə́ yā kəda to̰ alé.

Najə̄ kə́ Majə yā Jeju ń Luk ndang ní 8:35

Adə̄ de gə̄ teē reēn̄ ka̰a̰ yá̰a̰ nəkɔ́ ń rāā yá̰á̰ tə́ ní. Dan ń reē ugə̄n̄ rɔ̄ Jeju tə́ anī, əngen̄ dəngam ń ndíĺ kə́ majaĺ gə̄ teēn̄ kemən tə́ kɔ̄ɔ́ ní ndi nang tə́ nja Jeju tə́ kə kūbūú rɔ̄n tə́ ō, ndi i kə́ de kə́ karī gə̄ tə́ ba i kə́ de kə́ yá̰a̰ rāān tə́ to̰ aĺ ō, adə̄ ɓōĺ rāādə́.

KƏLA RĀĀ 26:25

Pol tél tūr̄ ədan na: Nge ko̰o̰ ɓē kə́ majə Pestus, m-ā̰ȳ kɔ̄r̄ alé. Najə̄ ń m-ɔ̄r̄ ní i najə̄ kə́ rɔ̄kum ō, najə̄ kɔr̄ de kə́ kur̄ dɔn ndi kə gōó majə ō.

Najə̄ kə́ Majə yā Jeju ń Luk ndang ní 15:17

Loo ń noō tə́ tél a gír̄ najə̄, əda na: Ngé gə̄ ń bɔbə́ḿ ɔydə́ kəlaá ní i kóndóńg, kə́ yá̰a̰ kəsa yādə́ əla loo kə̄ nang tə́ ō, mā m̄-to adə̄ ɓō a tɔ̄lə̄m̄ kɔ̄ɔ́ ō ní?

KƏLA RĀĀ 26:11

Mā m-ɔ̄r̄ gō kújə́ kán̄ naā gə̄ tḛ tḛ, m̄-rāā ngé taā kem gə̄ yá̰á̰ kə́ tōr̄ gə̄, ba m̄-ra sedə́ ta tájə̄ nge ń nin̄-taān̄ kemən ní. Tá wōn̄g yāḿ ń a rāām̄ i kə́ kɔ̄r̄ tə́ dɔdə́ tə́ ní, rāām̄ adə̄ m̄-ndəle njadə́ bátə́ ta kə́ dɔ ɓē kə́ rang gə̄ tə́ gə̄gē.

IJAI 11:2

Ndíl Kɔ́ɔ̄ɓē a ndi dɔn tə́. A adə̄n kum kedə̄ ō, kəndā ma̰ȳ yá̰a̰ ō, a rāā seneé kadə̄ a unəń ndūn dɔ yá̰a̰ gə̄ tə́ ō, a adə̄n wur kil ō, a rāā kadə̄ a ger̄ Kɔ́ɔ̄ɓē ō, a ndóōn loo ɓōĺ ndíĺ Kɔ́ɔ̄ɓē ō.