2 TIMOTE 1:5 - Bibəl ta Sar̄

⁵ Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

Bible sar

⁵ Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

2 TIMOTE 1:5 Referans Kwoze

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

KƏLA RĀĀ 16:1

Pol aw̄ ugə̄ Derbə ō Listər ō. Nge ndóō yá̰á̰ kógə̄ḿ ndi kem ɓē ngeé ń noō tə́, rīn na i Timote. Ni i ngōn̄ dəyá̰ Jipə kógə̄ḿ. Kó̰o̰n i nge taā kem, ba bɔbə̄n i Gərek.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.

Makətūbə̄ ń Pol ndang adə̄ Rom gə̄ ní 15:14

Ngákó̰ó̰ḿ gə̄, mə̄kɔ́ m̄-ger̄ majə kadə̄ kem majə yāsí i ngá̰ý ō, kadə̄ ī-gerī yá̰a̰ malang majə ō, ásiī kɔjə̄ naā ō.

HEBƏRO 6:9

Ká ré j-ɔrə̄ń najə̄ beé gə̄gē anī, kó tár gə̄, jə-ger̄ mámák kadə̄ sḭḭ̄ i dɔ róbə́ kə́ majə tə́, adə̄ i nge ń a aw̄ kə deē tū kajə tə́ ní.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

2 KORḚNTƏ 6:6

J-ɔjə kə̄ ndágá kadə̄ jḭḭ i ngé rāā kəla gə̄ yā Nə́ɓā, i kə ta kūl̄ háĺjí kə́ unjə̄ njáý njáý ō, ger̄ yá̰a̰ yājí ō, tə́gā ta yājí ō, kem majə yājí ō. I kə ta kūl̄ Ndíĺ kə́ Táĺ ō, tár yājí kə́ rɔ̄kum ō,

Makətūbə̄ ń Pol ndang adə̄ Rom gə̄ ní 8:38

Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,

Makətūbə̄ ń Pol ndang adə̄ Rom gə̄ ní 4:21

Ni ger̄ mámák kadə̄ yá̰á̰ ń Nə́ɓā ənī míndən yā rāā ní, Nə́ɓā i kə tɔ́gə yā rāā.

PĀ GƏ̄ 116:16

A̰á̰ā̰ Kɔ́ɔ̄ɓē, mā i nge kəla yāí, nge kəla yāí kə́ dəngam kə́ ngōn̄ kem nge kəla yāí kə́ dəyá̰. Ḭ̄ ī-tútə kəla ń do̰ō̰mə̄n̄neé ní kɔ̄ɔ́.

PĀ GƏ̄ 86:16

Ī-tūr̄ rɔ̄í kə̄ rɔ̄ḿ tə́, á̰a̰ kum tō ndoō yāḿ. Mā i nge kəla yāí, ādə̄m̄ tɔ́gə yāí. Mā i ngōn̄ kem nge kəla yāí kə́ dəyá̰, ájəm̄!

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

Makətūbə̄ ń Pol ndang adə̄ Rom gə̄ ní 14:14

m̄-ger̄, a̰á̰ā̰ m̄-ger̄ majə ngá̰ý tɔdɔ̄ m̄-ndigə najə̄ gō Kɔ́ɔ̄ɓē Jeju tə́, kadə̄ yá̰á̰ kə́ i yá̰á̰ kə́ yḛr kə dɔ rɔ̄neé gətóo. Ba ré deē kógə̄ḿ gír̄ kadə̄ yá̰á̰ kógə̄ḿ i yá̰á̰ kə́ yḛr anī, yá̰á̰ ní a téĺ yá̰á̰ kə́ yḛr tām̄ yā deē ní tə́.

Makətūbə̄ ń Pol ndang adə̄ Rom gə̄ ní 14:5

Deē kógə̄ḿ gír̄ kadə̄ ndɔ̄ kə́rēý gə̄ i ndɔ̄ kə́ bo tɔȳ madə̄ gə̄. Madən̄ kə́ rang gír̄ kadə̄ ndɔ̄ gə̄ i kə́ tītə̄n̄ naā malang. Majə kadə̄ nin̄ jōó mbak ní, kemdə́ tɔ́sə̄də́ dɔ yá̰á̰ ń nin̄-gírə̄n̄ tə́ ní alé.

KƏLA RĀĀ 26:26

Mban̄g Agəripa ger̄ yá̰a̰ gə̄ ń toō, adə̄ m-ásə kɔr̄ najə̄n ta kumən tə́ kanjə̄ ɓōĺ. Mā m̄-taā kem mámák kadə̄ yá̰á̰ kógə̄ḿ kə́ mbaān ni danaá gətóo. Tɔdɔ̄ yá̰a̰ gə̄ ń toō ní rāān̄ yá̰a̰ i kɔgɔ̄ loo kógə̄ḿ tə́ alé.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

PĀ GƏ̄ 81:15

m-ā m-ə́la rɔ̄sɔl̄ dɔ madə̄ ba̰ā̰də́ gə̄ tə́ ō, m-ā m̄-tūr̄ jīḿ yā rɔ̄ɔń kə ngé rāā kumdə́ ndoō tə́ gēé ō láẃ ngá̰ý.

PĀ GƏ̄ 77:6

Əga kemḿ dɔ ndɔ̄ kə́ kété gə̄ tə́, dɔ ɓāl̄ kə́ kété jóo gə̄ tə́.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 22:10

Kɔ́ɔ̄ɓē, i ḭ̄ n ī-teē seḿ kem kó̰ó̰ḿ tə́ ba ə̄nīm̄ kadən tə́, loo kə́ yá̰a̰ a rāām̄ tū tə́ aĺ tə́ ní.

PĀ GƏ̄ 18:44

Ḭ̄ Ī-gān̄g dɔḿ jī gír de gə̄ kə́ əsōn̄ wōn̄g tə́. Ḭ̄ ə̄ndām̄ dɔ nápar de gə̄ tə́. De kə́ m̄-ger̄də́ kété aĺ gə̄ rāān̄ kəla ɓer̄ adə̄mə̄n̄.

PĀ GƏ̄ 17:1

Ndɔ̄ȳ yā Dabid. Kɔ́ɔ̄ɓē, ī-nēl̄ mbīí ōoń nōō yāḿ. Ōō yá̰á̰ kə́ gōtə́ ń m̄-dəjeī ní,

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.