2 TIMOTE 1:4 - Bibəl ta Sar̄

⁴ Dan ń əga kemḿ dɔ man̄ kumií tə́ ní, ngur ka̰a̰í rāām̄ ngá̰ý. Ré m-á̰a̰ī anī, rɔ̄ḿ a nelə̄m̄ ngá̰ý.

Bible sar

⁴ Dan ń əga kemḿ dɔ man̄ kumií tə́ ní, ngur ka̰a̰í rāām̄ ngá̰ý. Ré m-á̰a̰ī anī, rɔ̄ḿ a nelə̄m̄ ngá̰ý.

2 TIMOTE 1:4 Referans Kwoze

2 TIMOTE 4:9

Ī-sāā ta róbə reē láẃ rɔ̄ḿ tə́.

2 TIMOTE 4:21

Ī-sāā ta róbə reē láẃ kété no ɓar tə́. Ebul ō, Pudens ō, Lin ō, Kəlodia ō, ngákó̰ó̰jí gə̄ malang ō ní, rāāīn̄ lápə́ya.

1 TESALONIK 2:17

Ngákó̰ó̰jí gə̄, j-a̰a̰ī naā alé dan asə tām̄ sḛ́ý, adə̄ ndoōsí rāājí. J-a̰a̰ī naā kə kumjí alé, ba kemjí i ngɔr rɔ̄ naā tə́. Ngur ka̰a̰sí rāājí ngá̰ý, adə̄ jə-sāā ta róbə kaw̄ ka̰a̰sí tə́.

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

1 JA̰A̰ 1:4

Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

PILIPƏ 2:26

Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

KƏLA RĀĀ 20:31

I beé ní ī-ndiī dɔ rɔ̄sí tə́ majə. Ādə̄ əga kemsí dɔ ɓāl̄ kə́ mətá gə̄ ń ndɔ̄ɔ́ ō, kadaá ō, m-ɔ̄jəńsí tə́ ní, m-ɔ̄jə̄sí kə man̄ noó kumḿ tə́ gə̄gē.

KƏLA RĀĀ 20:19

m̄-rāā kəla yā Kɔ́ɔ̄ɓē i kə dɔ sɔlɔ́ ō, i kə man̄ noó kumḿ tə́ ō, i dan yá̰á̰ kə́ tōr̄ gə̄ tə́ ō, sɔɔ̄ń Jipə gə̄ ń oōn̄ naā dɔḿ tə́ ní.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

PĀ GƏ̄ 126:5

Deē ń dubə̄ kōō i kə nōó kumən tə́ ní, a sāā kōō ní i kə rɔ̄nelēé.