2 TIMOTE 1:16 - Bibəl ta Sar̄

¹⁶ Ādə̄ Kɔ́ɔ̄ɓē a̰a̰ kum tō ndoō yā de gə̄ kə́ kem kojə yā Onejipor tə́, tɔdɔ̄ ni-sɔl̄ kemḿ kə̄ nja naā tə́. Rɔ̄n sɔlə̄n najə̄ yā súĺ yāḿ gə̄ tə́ alé.

Bible sar

¹⁶ Ādə̄ Kɔ́ɔ̄ɓē a̰a̰ kum tō ndoō yā de gə̄ kə́ kem kojə yā Onejipor tə́, tɔdɔ̄ ni-sɔl̄ kemḿ kə̄ nja naā tə́. Rɔ̄n sɔlə̄n najə̄ yā súĺ yāḿ gə̄ tə́ alé.

2 TIMOTE 1:16 Referans Kwoze

2 TIMOTE 4:19

Ī-rāā Pərisil nin̄ kə Akilas lápə́ya, ī-rāā de kə́ kem kújə yā Onejipor tə́ gə̄ lápə́ya ō.

PILEMO̰ 1:20

A̰á̰ā̰, ngōkó̰ó̰ḿ, ī-rāā kem majə ń toō seḿ tām̄ yā Kɔ́ɔ̄ɓē tə́. Ī-rāā ādə̄ kemḿ tetə kə̄ nang tə́ kem Kərist tə́.

PILEMO̰ 1:7

Tām̄, ngōkó̰ó̰ḿ, m-ə́nge rɔ̄nel̄ ngá̰ý ō, m-ə́nge tɔ́gə ō, najə̄ tár yāí tə́. Tɔdɔ̄ ḭ̄ ī-sɔl̄ kem de gə̄ yā Nə́ɓā.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

KƏLA RĀĀ 28:20

Adə̄ i tām̄ najə̄ ń noō tə́ n m̄-dəje kadə̄ m-á̰á̰sí ō, m-ɔ̄r̄ najə̄ sesí ō ní. Kə́ rɔ̄kum tə́ ɓáa ənīn̄ súĺ gə̄ ń toō jīḿ tə́ i najə̄ yā deē ń ngán Israel gə̄ əndān̄ kemdə́ dɔn tə́ ní tə́.

HEBƏRO 10:34

Tɔdɔ̄ sḭḭ̄ á̰a̰ī tápə̄ naā tə́ kə ngé gə̄ n əhɔn̄də́ dəngáyá ní. Ba dan ń táān̄ yá̰a̰ kənge yāsí gə̄ jīsí tə́ kɔ̄ɔ́ ní, rɔ̄sí nel̄sí, tām̄ ī-gerī kadə̄ yá̰á̰ ń sḭḭ̄ ə́ngeī ní, i yá̰á̰ kə́ majə tɔȳ kə́ a to ngándáńg.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

1 KORḚNTƏ 16:18

Nin̄-rāān̄ adə̄ kemḿ tetə kə̄ nang tə́, tītə̄ ń rāān̄neé adə̄ kemsí sḭḭ̄ tetə kə̄ nang tə́ ō ní. Majə kadə̄ i-gerī ndigə de kə́ beē gə̄.

MATIYE 5:7

Rɔ̄nel̄ i kə ngé gə̄ ń rāān̄ kem majə kə de gēé ní, tɔdɔ̄ Nə́ɓā a rāā kem majə sedə́.

PĀ GƏ̄ 37:26

Kum de kə́ súmūú o̰o̰n kə dɔ ndɔ̄ gə̄, ni-adə̄ yá̰a̰ loo tə̄nā tə́ ō, de kə́ gír kojə yān tə́ gə̄ i ngé rāā majə kə de gēé ō.

PĀ GƏ̄ 18:25

Loo ń noō tə́ Kɔ́ɔ̄ɓē əndā njaḿ sɔɔ̄ń hálə́ḿ kə́ gōtə́ ō, jīḿ kə́ unjə̄ njáý njáý ń ni a̰ā̰ ní ō.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

RUTƏ 1:8

Noemi əda umən gə̄ ní na: Ī-tél āwī ɓē kó̰ó̰sí gēé tā. Ba ādə̄ Kɔ́ɔ̄ɓē rāā yá̰á̰ kə́ gōtə́ sesí tītə̄ ń ī-rāāīneé kə ngaasí gə̄ ń oyn̄ kɔ̄ɔ́ ní ō, tītə̄ ń ī-rāāīneé seḿ mā ní ō.

2 SAMUEL 2:6

Ādə̄ Kɔ́ɔ̄ɓē rāā kem majə sesí ō, rāā háĺ kə́ súmūú sesí ō. Mā, m-ā m̄-rāā majə sesí tām̄ yā yá̰á̰ ń ī-rāāī tə́ ní ō.

KƏLA RĀĀ 21:33

Anī ngol áskar gə̄ kə́ bo njə̄rā kə̄ rɔ̄ Pol tə́ əhɔn, ba adə̄ ndūn kadə̄ tṵ́ṵ̄nən̄ kə súĺ gə̄ jōó. Gō tə́ anī ni-dəje na ké deē ní i náā wa, ké rāā i rí wa.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

2 TIMOTE 1:17

Adə̄ dan ń ni-reē ugə̄ kem ɓē kə́ Rom tə́ ní, ni sāā njaḿ pak pak adə̄ əngem̄.

JEREMI 39:17

Ndɔ̄ ń noō tə́ ní, m-ā m̄-gān̄g dɔí adə̄ əlanī jī de gə̄ ń ī-ɓōĺdə́ ngá̰ý ní tə́ alé.

MATIYE 25:17

Nge ń taā sə́lē dūbú kutə jōó ní, rāā tītə̄ yā madə̄n, anī ənge manə̄n dɔ tə́ dūbú kutə jōó.