2 TIMOTE 1:1 - Bibəl ta Sar̄

¹ I mā Pol ń i ngōmbang kəla yā Kərist Jeju kə́ kə gō kem ndigə yā Nə́ɓāá ní. Əndān̄ kəla kɔjə najə̄ kə́ dɔ ndi kə kumuú ń Nə́ɓā ənī míndən yā kadə̄jí ní dɔḿ tə́. J-əngeī ndi kə kumuú ngeé ń toō i kə ta kūl̄ ɓoojí naā kə Kərist Jeju.

Bible sar

¹ I mā Pol ń i ngōmbang kəla yā *Kərist Jeju kə́ kə gō kem ndigə yā Nə́ɓāá ní. Əndān̄ kəla kɔjə najə̄ kə́ dɔ ndi kə kumuú ń Nə́ɓā ənī míndən yā kadə̄jí ní dɔḿ tə́. J-əngeī ndi kə kumuú ngeé ń toō i kə ta kūl̄ ɓoojí naā kə Kərist Jeju.

2 TIMOTE 1:1 Referans Kwoze

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

EPEJƏ 3:6

Yá̰á̰ kə́ to loo mundə̄ tə́ ni n toō: De gə̄ ń nin̄ i Jipə aĺ gə̄ ní, a əngen̄ yá̰á̰ ń Nə́ɓā ngɔ̄m̄ tām̄ yā deē yān gə̄ tə́ ní, naā tə́ kə Jipə gēé, i kə ta kūl̄ Najə̄ kə́ Majaá. Nin̄-rāān̄ rɔ̄də́ i rɔ̄ Kərist tə́ ō, míndə́ Nə́ɓā ń ənī najə̄ yā Kərist Jeju tə́ ní, i tām̄ yādə́ nin̄ tə́ ō.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

1 TIMOTE 6:19

I tītə̄ ń noō n nin̄ a ɔsən̄neé dɔ yá̰a̰ kənge kə́ majə ō, kə́ rɔ̄kum ō, kə̄ naā tə́, tām̄ yā ndɔ̄ kə́ bírí tə́ ní, yā kadə̄ əngen̄neé ndi kə kumuú kə́ rɔ̄kum.

2 KORḚNTƏ 1:20

tɔdɔ̄ ni i a̰á̰ā̰ ń ɔjə kadə̄ kənī míndə gə̄ malang yā Nə́ɓā ton̄ rɔ̄kum ní. Adə̄ i kə ta kūl̄ Jeju Kərist n jḭḭ̄ jə-ndigiīń najə̄ j-ədaī na i rɔ̄kum yā kɔsəń gɔn Nə́ɓā ní.

1 KORḚNTƏ 1:1

I mā Pol ń ɓāŕmə̄n̄ kadə̄ mā i ngōmbang kəla yā Jeju Kərist kə gō kem ndigə yā Nə́ɓāá ní, nin̄ kə ngōkó̰ó̰jí Sosten n

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

JA̰A̰ 6:54

Nge ń əsa dā̰ḿ ō, a̰ȳ mósə́ḿ ō ní, aw̄ kə ndi kə kumuú kə́ ngándáńg, ba mā m-ā m̄-ndólə̄n ta ngóy ndɔ̄ gə̄ tə́.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

2 TIMOTE 1:10

Ba ngɔlaā ń toō teēn̄ kumjí dɔ tə́ i kə ta kūl̄ nge kajəjí Kərist Jeju ń reē ní. Ni-nujə yo kɔ̄ɔ́ ba rāā adə̄ de kə́ ndi kə kumneé a oy alé i kə ta kūl̄ Najə̄ kə́ Majə.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

2 TIMOTE 2:1

I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g.

2 TIMOTE 2:3

Á̰á̰ tápə̄ loo áskar kə́ majə yā Kərist Jeju tə́ ō.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.