2 TESALONIK 1:4 - Bibəl ta Sar̄

⁴ Adə̄ j-ɔr ta rɔ̄jí najə̄ yāsí tə́ dan de gə̄ kə́ kem Egəlijə yā Nə́ɓā tə́. Tɔdɔ̄ dan ń rāān̄ kumsí ndoō tə́ ō, yá̰á̰ kə́ tōr̄ gə̄ rāān̄sí ō ní, sḭḭ̄ ə́hɔī rɔ̄sí tɔgə ō, ī-raī dɔ taā kem yāsí tə́ ō.

Bible sar

⁴ Adə̄ j-ɔr ta rɔ̄jí najə̄ yāsí tə́ dan de gə̄ kə́ kem Egəlijə yā Nə́ɓā tə́. Tɔdɔ̄ dan ń rāān̄ kumsí ndoō tə́ ō, yá̰á̰ kə́ tōr̄ gə̄ rāān̄sí ō ní, sḭḭ̄ ə́hɔī rɔ̄sí tɔgə ō, ī-raī dɔ taā kem yāsí tə́ ō.

2 TESALONIK 1:4 Referans Kwoze

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

1 TESALONIK 2:14

Ngákó̰ó̰ḿ gə̄, de gə̄ kə́ kem Egəlijə gə̄ yā Nə́ɓā tə́ ń taān̄ kem Jeju Kərist tə́ á ndin̄ dɔ nang kə́ Jude tə́ ní, yá̰á̰ ń rāādə́ ní, rāāsí sḭḭ̄ ō. Tɔdɔ̄ i yá̰á̰ kə́ tōr̄ gə̄ ń ngé taā kem kə́ Jude tə́ gə̄ əngen̄ jī Jipə gə̄ tə́ ní n sḭḭ̄ ə́ngeī jī de kə́ kem ɓē yāsí tə́ gə̄ ō ní.

1 TESALONIK 2:19

Tɔdɔ̄ ndɔ̄ reē Kɔ́ɔ̄ɓē yājí Jeju tə́ ní, yá̰a̰ kəndā kem dɔ tə́ yājí, aláa rɔ̄nel̄ yājí, aláa jākā mbang yājí ní, i náā gə̄? I sḭḭ̄ aĺ a?

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

2 KORḚNTƏ 7:14

Ré m-ɔ́r ta rɔ̄ḿ najə̄ yāsí tə́ ta kumən tə́ anī, rɔ̄ḿ sɔlə̄m̄ najə̄n tə́ alé. Banī tītə̄ ń j-a j-ədasí i najə̄ kə́ rɔ̄kum ngándáńg ní, kɔr ń j-ɔr ta rɔ̄jí najə̄ yāsí tə́ ta kum Titə tə́ ní, najə̄ i yājí.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

1 KORḚNTƏ 7:17

Tá ɓáý to̰ ní, ādə̄ deē kógə̄ḿ kógə̄ḿ ndi kə jī loo ndi ń Kɔ́ɔ̄ɓē adə̄n á ni-ndiń kété tá kadə̄ Nə́ɓā ɓārə́n ní. Yá̰á̰ ń m-ə́da de gə̄ kə́ kem Egəlijə gə̄ tə́ malang kadə̄ rāān̄ ní n noó.

2 PIYER 1:6

ə́hɔī rɔ̄sí tɔgə ba ə̄ndāī tə́gā ta dɔ yá̰a̰ ger̄ tə́ ō, ə̄ndāī kəre rɔ̄ dɔ tə́gā ta tə́ ō, ə̄ndāī rāā yá̰a̰ kə gō ń Nə́ɓā ndigə ní dɔ kəre rɔ̄ tə́ ō,

JAKƏ 5:11

Tɔdɔ̄ ngé gə̄ ń əhɔn̄ rɔ̄də́ tɔgə ní rɔ̄də́ nel̄də́. Sḭḭ̄ ōōī kōō kəhɔń Job əhɔ rɔ̄n tɔgə ní ō, á̰a̰ī yá̰á̰ ń Kɔ́ɔ̄ɓē rāā seneé ta tɔ̄l̄ ta tə́ ní ō, tɔdɔ̄ Kɔ́ɔ̄ɓē i nge kem majə ō, nge ka̰a̰ kum tō ndoō yā deē ō.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

2 TESALONIK 3:5

Ādə̄ Kɔ́ɔ̄ɓē rāā adə̄ kemsí ndigə tár ń Nə́ɓā táŕsí ní ō, tə́gā ta ń Kərist i nge kadə̄ ní ō.

2 KORḚNTƏ 9:4

Ré i beé aĺ anī dan ń de kə́ Masedəwan tə́ gə̄ a reēn̄ seḿ ba a̰a̰n̄ kadə̄ ə̄ndāī dɔ rɔ̄sí danaá aĺ ɓáý ní anī, taā ń jə-taā kemsí mámák ní a tél i rɔ̄sɔl̄ yājí, m-ə́da tītə̄ ń noō i yā kədań najə̄ rɔ̄sɔl̄ yāsí sḭḭ̄ ō alé.

2 KORḚNTƏ 9:2

m̄-ger̄ yá̰á̰ kə́ majə gə̄ ń ī-sāāī rāā ní kɔ̄ɔ́, adə̄ m-ɔ́r ta rɔ̄ḿ najə̄ yāsí tə́ ta kum de gə̄ kə́ Masedəwan tə́: M-ə́dádə́ na de kə́ Akayi tə́ gə̄ əndān̄ dɔ rɔ̄də́ danaá kɔ̄ɔ́ i kaĺbēé beē. Adə̄ kɔl watang yāsí ɔsə kə ngé kán̄ naā gə̄ ngá̰ý ta rāā yá̰a̰ ō.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

Makətūbə̄ ń Pol ndang adə̄ Rom gə̄ ní 8:25

Banī yá̰á̰ ń á̰a̰ kə kumií aĺ ɓáý ní ré əndā kemií dɔ tə́ anī, ā ī-tə́gā i taí loo ngóō ta tə́.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

2 KORḚNTƏ 7:4

M-ə̄nā kemḿ mámák m-ādə̄sí. M-ɔ́r ta rɔ̄ḿ ngá̰ý najə̄ yāsí tə́. Dan wur kɔl yājí gə̄ tə́ malang ní, m-ə́nge kem sɔl̄ ngá̰ý ō, rɔ̄ḿ nelə̄m̄ ngá̰ý ō.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

HEBƏRO 6:12

Jə-ndigə kadə̄ ī-téliī de kə́ yay gə̄ alé, banī kadə̄ ī-ndájī ngé gə̄ ń taān̄ kem ō, tə́gān̄ tadə́ ō ní. Ngé gə̄ ń noō əngen̄ yá̰á̰ ń Nə́ɓā ənī míndən yā kadə̄ ní.