2 SAMUEL 9:7 - Bibəl ta Sar̄

⁷ Dabid ədan na: Ī-lōō ɓōĺ. M-ā m̄-rāā majə seí sɔɔ̄ń bɔbí Jonatan. Dɔ nang yā kaaí Saul ní m-ā m̄-télən̄ yā kadī gogə́ malang ō, īkɔ́ ā ə́sá yá̰a̰ ta tábəl yāḿ tə́ kə dɔ ndɔ̄ gə̄ ō.

Bible sar

⁷ Dabid ədan na: Ī-lōō ɓōĺ. M-ā m̄-rāā majə seí sɔɔ̄ń bɔbí Jonatan. Dɔ nang yā kaaí Saul ní m-ā m̄-télən̄ yā kadī gogə́ malang ō, īkɔ́ ā ə́sá yá̰a̰ ta tábəl yāḿ tə́ kə dɔ ndɔ̄ gə̄ ō.

2 SAMUEL 9:7 Referans Kwoze

2 SAMUEL 9:1

Ndɔ̄ kə́rēý tə́ anī Dabid dəje na ké de kə́rēý kə́ gír kojə yā Saul tə́ kə́ ndi kə kumneé i noó wa, na n-ndigə rāā majə kə kɔ́ɔ̄ɔ́ tām̄ yā Jonatan tə́.

1 MBAN̄G GƏ̄ 2:7

Banī ī-rāā kem majə kə ngán Barjilai kə́ Galaad. Ādə̄ nin̄ i dan de gə̄ ń a əsan̄ yá̰a̰ ta tábəl yāí tə́ ní. Tɔdɔ̄ nin̄ rāān̄ kem majə seḿ dan ń m-ā m-ā̰yń ngōkó̰ó̰í Absalom ní.

2 SAMUEL 9:3

Mban̄g tél əda na: De kə́ gír kojə yā Saul tə́ kə́ na̰y kə́ ndi kə kumneé kadə̄ m̄-rāā kem majə yā Nə́ɓā seneé gətóo a? Siba əda mban̄g na: Ngōn̄ Jonatan kógə̄ḿ i noó, ba njan i kə́ lígə̄rī dām̄ jōó mbak.

2 SAMUEL 19:28

Anī ni-aw̄ tetə najə̄ dɔḿ tə́ rɔ̄í tə́. Banī Kɔ́ɔ̄ ɓē gə̄, ḭ̄ i de kə́ ī-to tītə̄ de kə́ dɔ rā̰ tə́ yā Nə́ɓā beé, adə̄ yá̰á̰ ń á̰a̰ā̰ ta kumií tə́ kadə̄ i yá̰á̰ kə́ majə ní ī-rāā.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

2 MBAN̄G 25:29

Ni-adə̄n ta róbə kɔr̄ kūbə̄ dəngáy rɔ̄n tə́ kɔ̄ɔ́ ō, əla gír ndɔ̄ ń noō tə́ ní Joakin a əsa yá̰a̰ i ta kum mban̄g kə́ Babilon tə́ ō.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

2 SAMUEL 12:8

M-ə́la de gə̄ kə́ kem ndogə̄ yā kɔ́ɔ̄í Saul tə́ gír tɔ́gə yāí tə́ ō, m-ādī nə̄yá̰n gə̄ ādə̄ ə́hɔ́də́ kem jīí tə́ ō. M-ādī de gə̄ kə́ Israel tə́ ō, de gə̄ kə́ Juda tə́ ō. Ba ré asiī aĺ ɓáý anī m-ā m-ādī yá̰á̰ kə́ rang gə̄ dɔ tə́ ɓáý.

1 SAMUEL 12:24

Ba yá̰á̰ ń kadə̄ sḭḭ̄ ī-rāāī ní i ɓōĺ Kɔ́ɔ̄ɓē ō, i rāā kəla yān kə gō róbə́ kə́ súmūú ō, kə ngarang kemsí gēé malang ō. Tɔdɔ̄ á̰a̰ī yá̰á̰ kə́ to ɓōĺ ngá̰ý gə̄ ń ni-rāā tām̄ yāsí tə́ ní.

TA KƏLA 43:23

Pajā tél ədadə́ na kadə̄ kemdə́ kə sɔl̄, kə lōōn̄ sōl̄ yá̰á̰ kógə̄ḿ, na i Nə́ɓā yādə́, Nə́ɓā yā bɔbə̄də́ n na adə̄də́ yá̰a̰ kem ngɔng yādə́ gə̄ tə́ ní. Nar yādə́ ní na ɔdə jīn. Gō tə́ anī aw̄ reē kə Simeo̰ó̰ rɔ̄də́ tə́.

MATIYE 6:11

Ādə̄jí yá̰a̰ kəsa yājí kə́ ɓōólaā.

2 SAMUEL 19:33

Ni i de kə́ tɔgə ɓə́gá ngá̰ý kɔ̄ɔ́, ɓālə̄n i kutə sɔ́sɔ́. Dan ń mban̄g i Mahanaim ní, i ni n i nge ka̰a̰ gōn ní, tɔdɔ̄ ni i de kə́ nge kənge yá̰a̰.

2 SAMUEL 9:11

Ni-əda mban̄g na: Yá̰a̰ malang ń ə́dam̄ mā nge kəla yāí kadə̄ m̄-rāā ní, m-ā m̄-rāā. Loo ń noō tə́ Mepiboset əsa yá̰a̰ i ta tábəl yā Dabid tə́ tītə̄ kə́ ni i ngōn̄ Dabid beé.

TA KƏLA 43:18

Dan ń a aw̄n̄ sedə́ kə̄ ɓē Jəjepé ní a, ɓōĺ asədə́ nák adə̄ ədan̄ naā na aw̄n̄ sedə́ na i tām̄ nar ń téĺ tə́lan̄ kem ngɔng yādə́ gə̄ tə́ ní, na aw̄n̄ sedə́ na i yā kudə dɔdə́ tə́ rāādə́ yá̰á̰ kə́ tōr̄, na a əhɔn̄də́ ɓəlo tə́ ō, na a taān̄ kərō yādə́ gə̄ kɔ̄ɔ́ ō.

2 SAMUEL 9:10

Ḭ̄ ō, ngání gə̄ ō, ngé kəla yāí gə̄ ō ní, ā ī-ndɔrī dɔ nang yā kadə̄n ō, ā ī-reēī kə yá̰a̰ kəsa kə́ tām̄ yā kojə yān tə́ ō. Tɔdɔ̄ Mepiboset a əsa yá̰a̰ ta tábəl yāḿ tə́ kə dɔ ndɔ̄ gə̄. Ngán Siba gə̄ i kutə gidə i mí ō, ngé kəla yān gə̄ i kutə jōó ō.

2 SAMUEL 9:13

Mepiboset ndi Jerusalem, tɔdɔ̄ ni a əsa yá̰a̰ i ta tábəl yā mban̄g tə́ kə ndɔ̄ gə̄. Njan i kə́ ligərī dām̄ jōó.

JEREMI 52:33

Ni adə̄n ta róbə kɔr̄ kūbə̄ dəngáy rɔ̄n tə́ kɔ̄ɔ́. Adə̄ əla gír ndɔ̄ ń noō tə́ ní, Joakin a əsa yá̰a̰ i ta kum mban̄g kə́ Babilon tə́.

1 SAMUEL 20:15

ún ta kem majə yāí kə̄ kété kə gír kojə yāḿ. Ká ré Kɔ́ɔ̄ɓē rāā adə̄ madə̄ ba̰ā̰í gə̄ gətóōn̄ kógə̄ḿ kógə̄ḿ kɔ̄ɔ́ dɔ nang tə́ gə̄gē anī ī-rāā nəkɔ́.

1 SAMUEL 22:23

Ī-ndi seḿ ba ī-lōō ɓōĺ. Deē ń a sāā tɔ̄lī ní a sāā i tɔ̄lə̄m̄ mā. Yá̰a̰ a rāāī rɔ̄ḿ tə́ alé.

2 SAMUEL 19:29

Tām̄ ta kumií tə́ ní de gə̄ kə́ gír kojə yā kaaḿ Saul tə́ i de gə̄ kə́ kadə̄ oyn̄ kɔ̄ɔ́ malang ɓá tā, ba ḭ̄ ə́hɔm̄ kə̄ rɔ̄í tə́ adə̄ mā i dan de gə̄ ń a əsan̄ yá̰a̰ ta tábəl yāí tə́ ní. Adə̄ i gōtə́ kadə̄ mā m̄-dəjeī yá̰á̰ kə́ rang to̰ alé.

2 SAMUEL 21:7

Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé.