2 SAMUEL 8:6 - Bibəl ta Sar̄

⁶ ba tə́ndā ngé ko̰o̰ ɓē gə̄ dɔ nang kə́ Aram tə́ ń ɓē bo yān i Damas ní. Loo ń noō tə́ Aram gə̄ télən̄ ɓəlo gə̄ yā Dabid ō, a tīrə̄n̄ dɔ yá̰a̰ gə̄ a adə̄nən̄ ō. Adə̄ Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

Bible sar

⁶ ba tə́ndā ngé ko̰o̰ ɓē gə̄ dɔ nang kə́ Aram tə́ ń ɓē bo yān i Damas ní. Loo ń noō tə́ Aram gə̄ télən̄ ɓəlo gə̄ yā Dabid ō, a tīrə̄n̄ dɔ yá̰a̰ gə̄ a adə̄nən̄ ō. Adə̄ Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

2 SAMUEL 8:6 Referans Kwoze

2 SAMUEL 8:14

Dabid tə́ndā ngé ko̰o̰ ɓē gə̄ dɔ nang kə́ Edom tə́ kə taá malang, adə̄ Edom gə̄ télən̄ ɓəlo gə̄ yā Dabid. Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

PĀ GƏ̄ 140:7

M-ə́dá Kɔ́ɔ̄ɓē na: Ḭ̄ i Nə́ɓā yāḿ! Kɔ́ɔ̄ɓē, ī-nēl̄ mbīí ōoń ndūḿ loo rāāī ɓɔ́ tə́.

2 YÁ̰A̰ GƏ̄ 17:2

Ni tə́ndā ɓūtə̄ áskar gə̄ kə̄ kem ɓē kə́ ngan̄g ngan̄g gə̄ kə́ dɔ nang kə́ Juda tə́ ō, tə́ndā ngé ko̰o̰ ɓē gə̄ dɔ nang kə́ Juda tə́ ō, kem ɓē gə̄ yā Epəraim ń bɔbə̄n Asa taā tə́ ní ō.

2 SAMUEL 7:9

Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́.

Gōsə̄ najə̄ gə̄ 21:31

Rákən̄ yá̰a̰ rɔ̄ɔ̄ sə́nda gə̄ tə́ yā ngóoń ta rɔ̄ɔ̄, banī ta tɔ̄l̄ ta anī i Kɔ́ɔ̄ɓē n i nge tetə rɔ̄ɔ̄ kadə̄ deē ní.

1 YÁ̰A̰ GƏ̄ 18:13

Ni tə́ndā ngé ko̰o̰ ɓē gə̄ gō nang kə́ Edom tə́, adə̄ Edom gə̄ malang télən̄ ngé rāā kəla yā Dabid gə̄. Loo malang ń Dabid aw̄ rɔ̄ɔ́ tū tə́ ní, Kɔ́ɔ̄ɓē tetə rɔ̄ɔ̄ adə̄n.

2 SAMUEL 23:14

Dan ngeé ń noō tə́ ní Dabid ndi loo ɓɔ̄ɔ̄ rɔ̄ yān kə́ ngan̄g tə́ ō, ɓūtə̄ ngé rɔ̄ɔ̄ yā Pilistin gə̄ ndin̄ kem ɓē kə́ Betlehem tə́ ō.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

2 SAMUEL 3:18

Ba kum mbang kə́ yā rāań yá̰a̰ n toó. Tām̄ najə̄ ń Kɔ́ɔ̄ɓē əda dɔ Dabid tə́ ní n toó: M-ā m̄-gān̄g dɔ gír deē yāḿ gə̄ ń i Israel gə̄ ní jī Pilistin gə̄ tə́ ō, jī madə̄ ba̰ā̰də́ kə́ rang gə̄ tə́ ō, i kə ta kūl̄ nge kəla yāḿ Dabid.

1 SAMUEL 14:15

Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 14:1

Ndɔ̄ kə́rēý tə́ anī Jonatan ń i ngōn̄ Saul ní dəje nge kəla yān kə́ balsáá ń a ətō yá̰a̰ rɔ̄ɔ̄ yān gə̄ ní na: Ī-reē ādə̄ j-aw̄ bátə́ rɔ̄ɔ̄ ɓūtə̄ ngé rɔ̄ɔ̄ gə̄ yā Pilistin gə̄ ń ndin̄ sɔɔ̄ nojí gidə kə́rēý tə́ noō. Banī Jonatan əda bɔbə̄n alé.

1 SAMUEL 13:3

Ndɔ̄ kə́rēý tə́ anī Jonatan tɔ̄l̄ nge ko̰o̰ ɓē yā Pilistin gə̄ ń ndi kem ɓē kə́ Geba tə́ ní, anī Pilistin gə̄ oōn̄. Loo ń noō tə́ Saul adə̄ kɔ̄rə́n̄ tōw̄ dɔ nang kə́ Israel tə́ malang, tɔdɔ̄ əda na: Ādə̄ Hebəro gə̄ gerə̄n̄ gō.

2 SAMUEL 8:7

Dabid taā der lɔ́r gə̄ ń ngé kəla yā Hadadejer gə̄ a ətōn̄ ní, ba ɔy aw̄ń Jerusalem.

2 SAMUEL 10:19

Dan ń mban̄g gə̄ malang ń Hadadejer ndi dɔdə́ tə́ ní a̰a̰n̄ kadə̄ Israel gə̄ tetən̄də́ rɔ̄ɔ̄, anī tél ndin̄ lɔm kə Israel gēé ō, əlan̄ dɔdə́ gír tɔ́gə yā Israel gə̄ tə́ ō. Loo ń noō tə́ Aram gə̄ ɓōlə́n̄ dḭḭ̄ Amon gə̄.

2 SAMUEL 5:10

Dabid tél de kə́ bo kum kə̄ kété kété tɔdɔ̄ Kɔ́ɔ̄ɓē Nə́ɓā kə́ bo kə́ tɔ́gən i ngá̰ý i naā tə́ seneé.

2 MBAN̄G 1:1

Gō yo mban̄g Akab tə́ anī, Moab gə̄ mbātə́n̄ kadə̄ Israel gə̄ ndin̄ dɔdə́ tə́.

2 MBAN̄G 3:4

Mesa, mban̄g kə́ Moab i nge kul̄ batə̄ gə̄. Kə dɔ ɓāl̄ gə̄ ní ni a adə̄ mban̄g kə́ Israel ngán batə̄ gə̄ dūbú ɓú ō, bal batə̄ kə́ kə bḭḭ̄də́ gēé dūbú yá̰a̰ tīr̄ tə́.

2 MBAN̄G 14:28

Gotə yá̰á̰ kə́ rang gə̄ ń Jeroboam rāā ní, ndangə̄n̄ kem makətūbə̄ kəla rāā mban̄g gə̄ kə́ Israel tə́. Ənīn̄ gotə yá̰a̰ malang ń ni-rāā ní ō, yá̰á̰ kə́ to kɔsə gɔn gə̄ ń ni-rāā ní ō, rɔ̄ɔ̄ yān gə̄ ō, loo téĺ ń ni-tél kə ɓē kə́ Damas ō, kə ɓē kə́ Hamat ō, adə̄ Israel gogə́ ní ō.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

PĀ GƏ̄ 60:10

Moab i səmbē ndogə̄ man̄ yāḿ. m̄-ɓōkə́ sākə̄rā yāḿ dɔ Edom tə́. M-úr kɔĺ rɔ̄ dɔ dɔ nang yā Pilistin gə̄ tə́.