2 SAMUEL 8:13 - Bibəl ta Sar̄

¹³ I beé n rī Dabid ɓārəń ngá̰ý ní. Dan ń Dabid tetə Aram gə̄ rɔ̄ɔ̄ oy anī, tél dɔ tə́ reē ənī Edom gə̄ rɔ̄ɔ̄ kum wól loo katə̄ tə́ ba tetədə́ rɔ̄ɔ̄. Ni-tɔ̄l̄də́ dūbú kutə gidə i sɔ́sɔ́.

Bible sar

¹³ I beé n rī Dabid ɓārəń ngá̰ý ní. Dan ń Dabid tetə Aram gə̄ rɔ̄ɔ̄ oy anī, tél dɔ tə́ reē ənī Edom gə̄ rɔ̄ɔ̄ kum wól loo katə̄ tə́ ba tetədə́ rɔ̄ɔ̄. Ni-tɔ̄l̄də́ dūbú kutə gidə i sɔ́sɔ́.

2 SAMUEL 8:13 Referans Kwoze

2 MBAN̄G 14:7

I Amasia n tetə Edom gə̄ kə́ dūbú kutə kógə̄ḿ gə̄ rɔ̄ɔ̄ wól loo kə́ katə̄ i tū tə́ tə́ ní ō, taā ɓē kə́ Sela kə rɔ̄ɔ́ ba əndā rīn na i Yokəteel ní ō. Ɓōólaā gə̄gē a ɓārə́n̄ rī ní noō ɓáý.

2 SAMUEL 7:9

Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́.

1 YÁ̰A̰ GƏ̄ 18:12

Abisai kə́ ngōn̄ Seruya tetə Edom gə̄ rɔ̄ɔ̄ wól loo ń katə̄ i tū tə́ ní. Ni-tɔ̄l̄də́ dūbú kutə gidə i sɔ́sɔ́.

PĀ GƏ̄ 60:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā kəgań kem deē dɔ yá̰á̰ kə́ rāā yá̰á̰ tə́ ō, yā ndóoń deē yá̰a̰ ō.

2 YÁ̰A̰ GƏ̄ 25:11

Dan ń Amasia ənge tɔ́gə́ ngá̰ý anī, njə̄rā kété no ngé rɔ̄ɔ̄ yān gə̄ tə́ aw̄ sedə́ wól loo ń katə̄ i tū tə́ ní tə́. Ni tɔ̄l̄ ngé rɔ̄ɔ̄ kə́ Edom gə̄ dūbú kutə kógə̄ḿ loo ní tə́.

TA KƏLA 11:4

Gō tə́ anī ədan̄ naā ɓáý to̰ na kə n-rāān̄ ɓē bo kógə̄ḿ ō, kújə́ kə́ ngāl̄ ɓururu kə́ dɔn ɔdə no rā̰ ō, kadə̄ rīdə́ kə ɓārəń ō, kə n-tə̄ndānəń naā kə n-tḭ̄ḭ̄n̄ kə̄ loo gə̄ tə́ dɔ nang tə́ aĺ ō.

1 MBAN̄G GƏ̄ 11:15

Kété dan ń Dabid rɔ̄ɔ̄ ɓē kə́ Edom ní, Joab ń i ngol áskar yān gə̄ ní ɔy ngé rɔ̄ɔ̄ yān gə̄ aw̄ dubə̄ń nīń ngán Israel gə̄ ń oyn̄ ta rɔ̄ɔ̄ tə́ ní kem ɓē kə́ Edom tə́. Gō tə́ anī ni tɔ̄l̄ de kə́ dəngam gə̄ kə́ kem ɓē kə́ Edom tə́ kɔ̄ɔ́ malang.