2 SAMUEL 7:8 - Bibəl ta Sar̄

⁸ Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́.

Bible sar

⁸ Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́.

2 SAMUEL 7:8 Referans Kwoze

2 SAMUEL 12:7

Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō.

2 SAMUEL 6:21

Dabid tél ədan na: m̄-ndām̄ m-ɔ́səń i gɔn Kɔ́ɔ̄ɓē ń gə̄rām̄ mā ba əya̰ bɔbí ō, gír kojə yān ō kɔ̄ɔ́ ní. Kɔ́ɔ̄ɓē gə̄rām̄, əndām̄ dɔ gír deē yān gə̄ ń i ngán Israel gə̄ ní tə́, kadə̄ mā i ngār yādə́, adə̄ m-ā m-ɔ́jə rɔ̄nel̄ yāḿ kə̄ ndágá yā kɔsəń gɔnən ɓáý to̰.

1 YÁ̰A̰ GƏ̄ 17:7

Adə̄ ngɔlaā ní āw̄ ɔ̄r̄ najə̄ kə nge kəla yāḿ Dabid ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ bembeé ba m-ə̄ndāī ngār dɔ Israel gə̄ ń i gír deē yāḿ gə̄ ní tə́.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

KƏLA RĀĀ 7:46

Nel̄ Nə́ɓā kə Dabidí adə̄ Dabid dəjen ta róbə kadə̄ n-aw̄ kə loo ndi kə́ tām̄ yā Nə́ɓā yā Jakob tə́.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

2 SAMUEL 23:1

Najə̄ gə̄ ń Dabid ɔr̄ gō gogə́ ní n toó: Ōōī najə̄ kɔr̄ Dabid ngōn̄ Jese, najə̄ kɔr̄ deē ń əndānən̄ loo kə́ bo tə́ ní, deē ń Nə́ɓā yā Jakob ur yibə̄ ngār dɔn tə́ ní, deē ń nel̄ ngán Israel gə̄ tɔ̄ȳ kə pāá ngá̰ý ní.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

1 MBAN̄G GƏ̄ 3:6

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.

1 MBAN̄G GƏ̄ 8:16

əla gír ndɔ̄ ń na n-teēń kə ngán Israel gə̄ ń i gír deē yān gə̄ ní kɔ̄ɔ́ tə́ kem ɓē kə́ Ejiptə tə́ ní, na n-gə̄rā ɓē kógə̄ḿ dan ɓē gə̄ yā ngán Israel gə̄ tə́ yā kadə̄ rāān̄ kújə yān kemeé kadə̄ rīn ɓār̄ dɔ tə́ alé, banī na n-gə̄rāī ḭ̄ Dabid kadə̄ ḭ̄ i ngār yā gír deē yān gə̄ ń i Israel gə̄ ní.

1 YÁ̰A̰ GƏ̄ 21:17

Dabid əda Nə́ɓā na: I mā n m̄-mēr̄ tə́da kutə ngán Israel gə̄ ní aĺ a? I mā n m̄-mān̄ dɔ ndū Nə́ɓā á m̄-rāā yá̰á̰ kə́ majaĺ ní! Ba batə̄ gə̄ ń noō rāān̄ i rí? Kɔ́ɔ̄ɓē Nə́ɓā yāḿ, ə́ndam̄ mā ō, gír kojə yāḿ ō, ba ī-lōō rāā gír deē yāí gə̄ yá̰á̰ kə́ tōr̄!

2 SAMUEL 5:2

Dan ń Saul o̰o̰ ɓē dɔjí tə́ kété ní, i īkɔ́ n i nge teē kə ngán Israel gēé kaw̄ sedə́ ta rɔ̄ɔ̄ tə́ ō, nge tél sedə́ ō ní. Tá Kɔ́ɔ̄ɓē ədaī na i ḭ̄ n ā ūl̄ Israel gə̄ ń i deē yān gə̄ ní ō, i ḭ̄ n ā ī-ndi ngār dɔdə́ tə́ ō ní.

2 SAMUEL 14:13

Anī dəyá̰ ní əda na: Ba i tām̄ rí tə́ á ī-núm̄ rāā yá̰á̰ kə́ majaĺ kə́ tītə̄ ń noō kə gír deē yā Nə́ɓā gēé ní? Najə̄ ń mban̄g əda ngɔr toó, gān̄g i sarya dɔ rɔ̄n nəkɔ́ tə́, tɔdɔ̄ deē ń ni-tə̄ɓān ɓē yān tə́ kɔ̄ɔ́ ní, tél reē seneé gogə́ alé.

AMOS 7:15

Banī Kɔ́ɔ̄ɓē unəm̄ i dan ń mā i gō man̄g gə̄ tə́ ní. Ni ədam̄ na: Āw̄ ɔ̄r̄ najə̄ kə Israel gə̄ ń i gír deē yāḿ gə̄ ní ādə̄m̄.