2 SAMUEL 7:3 - Bibəl ta Sar̄

³ Natan əda mban̄g na: Yá̰a̰ malang ń ī-gír̄ kemií tə́ yā rāā ní aw̄ ī-rāā, tɔdɔ̄ Kɔ́ɔ̄ɓē i seí naā tə́.

Bible sar

³ Natan əda mban̄g na: Yá̰a̰ malang ń ī-gír̄ kemií tə́ yā rāā ní aw̄ ī-rāā, tɔdɔ̄ Kɔ́ɔ̄ɓē i seí naā tə́.

2 SAMUEL 7:3 Referans Kwoze

1 YÁ̰A̰ GƏ̄ 22:7

Ni ədan na: Ngōnə̄ḿ, mə̄kɔ́ m̄-gír̄ kemḿ tə́ kadə̄ m̄-rāā kújə́ kógə̄ḿ tām̄ yā Kɔ́ɔ̄ɓē Nə́ɓā yāḿ tə́.

1 YÁ̰A̰ GƏ̄ 28:2

Mban̄g Dabid ḭḭ ra dɔɔ́ ba ədadə́ na: Ngákó̰ó̰ḿ gə̄ ō, gír deē yāḿ gə̄ ō, ōōī najə̄ ń m-ā m-ə́dásí ní. m̄-gír̄ rāā kújə́ kə́ yā kadə̄ sandúkə madə̄ naā yā Kɔ́ɔ̄ɓē ń i kōr̄ kāgə̄ kəndā nja yā Nə́ɓā yājí ní ndi kemeé. Adə̄ m-ɔ́sə dɔ yá̰a̰ gə̄ naā tə́ malang yā rāań kújə́ ní,

2 MBAN̄G 4:27

Ba dan ń ugə̄ rɔ̄ deē yā Nə́ɓā tə́ dɔ mbalá anī, əhɔ njan. Geaji reē rɔ̄ dəyá̰ ní tə́ yā kəhɔn kə̄ gogə́, anī deē yā Nə́ɓā ədan na: Əya̰n tɔdɔ̄ rɔ̄n atə̄n. Ba yá̰á̰ ń rāā yá̰á̰ á rɔ̄n atə̄nneé ní Kɔ́ɔ̄ɓē mundə̄m̄ dɔ adə̄ m̄-ger̄ alé.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

PĀ GƏ̄ 37:4

Ādə̄ i Kɔ́ɔ̄ɓē n i nge rāā kadə̄ rɔ̄í nelī ngá̰ý ní. Loo ń noō tə́ ni a adī yá̰á̰ ń ī-dəjen ní.

PĀ GƏ̄ 20:4

Ādə̄ əga kemən dɔ yá̰a̰ malang ń ī-ndējən ní tə́, ādə̄ ndigə yá̰a̰ gə̄ ń ī-róō horoó ādə̄n ní!

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

2 SAMUEL 7:4

Banī ndɔ̄ ń noō tə́ ní Kɔ́ɔ̄ɓē ɔr̄ najə̄ kə Natan dan ndɔ̄ɔ́ ədan na:

1 SAMUEL 14:7

Nge kətō yá̰a̰ rɔ̄ɔ̄ yā Jonatan tél ədan na: Ī-rāā yá̰a̰ malang ń kemií ndigə ní. Ī-njə̄rā kə̄ noó ādə̄ j-aw̄ na mā i gōí tə́ tītə̄ ndílí kə́ a un gōí beē.

1 MBAN̄G GƏ̄ 1:8

Ba Sadok nge tun̄ yá̰a̰ ō, Benaya kə́ ngōn̄ Yoyada ō, Natan nge koō ta yā Nə́ɓā ō, Simei ō, Rei ō, go̰ rɔ̄ɔ̄ yā Dabid gə̄ ō, tá nin̄ i gōn tə́ alé.

1 YÁ̰A̰ GƏ̄ 29:29

Kəla rāā mban̄g Dabid kə́ ta kəla gíŕ tə́ bátə́ ta tɔ̄l̄ ta tə́ ní, i kə́ ndang kem makətūbə̄ kəla rāā Samuel nge ka̰a̰ yá̰á̰ tə́ ō, makətūbə̄ kəla rāā Natan nge koō ta yā Nə́ɓā tə́ ō, makətūbə̄ kəla rāā Gad nge ka̰a̰ yá̰á̰ tə́ ō.

2 YÁ̰A̰ GƏ̄ 29:25

Gō tə́ anī mban̄g tə́nī ngán Lebi gə̄ kem kújə yā Kɔ́ɔ̄ɓē tə́ kə gində̄ kə́ laa gə̄ kə́ yā kənda naā tə́ kadə̄ ɓār̄ gēé ō, kə kənde gə̄ kə́ kəlādə́ i ngá̰ý gēé ō, kə ngé kə́ kəlādə́ i ngá̰ý aĺ gēé ō, jīdə́ tə́, kə gō ń Dabid ō, Gad nge ka̰a̰ yá̰a̰ yā mban̄g ō, Natan nge koō ta ō, ədan̄neé kadə̄ rāān̄ ní. Tɔdɔ̄ i Kɔ́ɔ̄ɓē n əda kadə̄ yā rāā ní. Ni-əndā najə̄ ní i ta ngé koō ta yān gə̄ tə́ kadə̄ ədan̄.