2 SAMUEL 7:23 - Bibəl ta Sar̄

²³ I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́.

Bible sar

²³ I nápar de kə́ rá gə̄ n ton̄ tītə̄ gír deē yāí gə̄ ń i ngán *Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́.

2 SAMUEL 7:23 Referans Kwoze

NDŪ NAJƏ̄ 10:21

I ni n ā ī-ɓōkə́niī tɔ̄ȳ ní ō, i nəkɔ́ ngóy n i Nə́ɓā yāsí ń rāā yá̰á̰ kə́ majə ngá̰ý gə̄ ō, kə́ to ɓōĺ ngá̰ý gə̄ ō, tām̄ yāsí tə́ á á̰a̰ī kə kumsí ní.

NDŪ NAJƏ̄ 9:26

m̄-rāān ɓɔ́ m-ə́da na: Kɔ́ɔ̄ɓē Nə́ɓā, ī-lōō nujə kə gír deē yāí gə̄ ń ī-gān̄g dɔdə́ loo de kə́ bo tə́ ō, ī-teē sedə́ kɔ̄ɔ́ Ejiptə kə tɔ́gí kə́ ngá̰ý ō ní.

PĀ GƏ̄ 147:20

Ni-rāā yá̰á̰ kə́ tītə̄ ń noō kə nápar de kə́ rang gēé aĺ ō, nápar de kə́ rang gə̄ gerə̄n̄ gō míndən gə̄ aĺ ō. Aleluya!

PĀ GƏ̄ 111:9

Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.

NEHEMI 1:10

Kɔ́ɔ̄ɓē, jḭḭ i ngé kəla yāí gə̄, jḭḭ i gír deē yāí gə̄! I jḭḭ ń toō n ī-gān̄g dɔjí kə ta kūl̄ tɔ́gí kə́ ngá̰ý ō, kə ta kūl̄ tɔ́gə jīí ō ní.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

NDŪ NAJƏ̄ 15:15

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́ ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə́daīneé yá̰á̰ ń toō ɓōólaā ní.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

PĀ GƏ̄ 145:6

De gə̄ a ənīn̄ gotə tɔ́gə́ yá̰á̰ kə́ to ɓōĺ gə̄ ń ī-rāā ní ō, m-ā m-ə̄nī gotə yá̰á̰ kə́ bo gə̄ ń ī-rāā ní ō.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

1 YÁ̰A̰ GƏ̄ 17:21

Dan nápar de gə̄ malang kə́ dɔ nang tə́ ní, nápar de gə̄ kógə̄ḿ gə̄ kə́ ton̄ tītə̄ Israel gə̄ ndin̄ noó a? I nin̄ ngóy n ī-gān̄g dɔdə́ jī de kə́ Ejiptə gə̄ tə́ ba ī-rāādə́ gír deē yāí gə̄ tə́ ní aĺ a. Ḭ̄ ī-rāā yá̰á̰ kə́ to kɔr kum ngá̰ý gə̄, adə̄ i yá̰á̰ kə́ to ɓōĺ ngá̰ý gə̄, ī-tə̄ɓāń nápar de kə́ rang gə̄ kɔ̄ɔ́ no gír deē yāí gə̄ tə́ adə̄ rīí ɓār̄ ń.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 106:22

rāā yá̰á̰ kə́ yáā gə̄ dɔ nang yā Kam tə́ ō, rāā yá̰á̰ kə́ to ɓōĺ gə̄ bā tə̄ɓā gə̄ tə́ ō ní.

TƏ́DA 6:27

I beé n a ədanə̄ń rīḿ dɔ ngán Israel gə̄ tə́ kadə̄ m̄-rāań majə sedə́ ní.

JEREMI 32:21

Ḭ̄ ɔ́jə rɔ̄í kə̄ ndágá kə ta kūl̄ yá̰a̰ rāāí kə́ majə to ɓōĺ ngá̰ý gə̄ ō, kə ta kūl̄ tɔ́gə jīí ō, adə̄ ḭ̄ ɔ́jə́ tɔ́gí kə́ majə to ɓōĺ ngá̰ý malang kə̄ ndāgá ī-teēń kə gír deē yāí gə̄ ń i ngán Israel gə̄ ní kɔ̄ɔ́ kem ɓē kə́ Ejiptə tə́.

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

Teē Ngán Israel gə̄ 9:15

Nə́ngētə́ n-əla jīn n-əndasí na i kə mo̰y ngāl̄bɔ̄gīí anī, īkɔ́ Parao̰ gə̄gē, gír deē yāí gə̄ gə̄gē na ā ī-gətóoī dɔ nang tə́ laā kɔ̄ɔ́.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

2 SAMUEL 7:24

Kɔ́ɔ̄ɓē, ḭ̄ ī-rāādə́ gír deē yāí gə̄ tə́ kə́ njɔ́ḿ gə̄ tə́ ō, ī-tél Nə́ɓā yādə́ ō.

PĀ GƏ̄ 44:3

Ḭ̄ ī-taā dɔ nang yā nápar de kə́ rang gə̄ jīdə́ tə́ kə jīí ādə̄də́. Ḭ̄ ī-rāā gír de kə́ rang gə̄ majaĺ yā kadə̄ gír deē yāí gə̄ taān̄neé loo kə̄ loo gə̄ tə́.

JEREMI 32:20

Ḭ̄ ɔ́jə rɔ̄í kə̄ ndágá kem ɓē kə́ Ejiptə i kə yá̰á̰ kə́ to kɔr kum gə̄ kə́ kumdə́ i ngá̰ý ō, ton̄ bátə́ ɓōólaā ō. Tá ḭ̄ ī-rāā ādə̄ rīí ɓār̄ gō nang kə́ Israel tə́ ō, dɔ nang tə́ malang ō, adə̄ ɓōólaā gə̄gē a j-a̰a̰ kə kumjí ɓáý.