2 SAMUEL 7:16 - Bibəl ta Sar̄

¹⁶ De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

Bible sar

¹⁶ De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

2 SAMUEL 7:16 Referans Kwoze

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

JA̰A̰ 12:34

Anī kósə de gə̄ tél ədanən̄ na: Jḭḭ j-oō tū ndū najə̄ tə́ na Kərist a ndi ngándáńg. Ba i ba̰ý á ə́da na i gáŕ kadə̄ a əlan̄ Ngōn̄ Deē dɔɔ́ ní? Ngōn̄ Deē nəkɔ́ i náā?

2 MBAN̄G 19:34

M-ā m̄-ngɔ̄m̄ ɓē kə́ Jerusalem ō, m-ā m-ájən ō, i najə̄ yāḿ mā tə́ ō, i najə̄ yā nge kəla yāḿ Dabid tə́ ō.

PĀ GƏ̄ 72:5

Dan ń mbang a ɔsəń ɓáý ō, nāā ndaań ɓáý ō ní, ādə̄ de gə̄ ń ɔsən̄ gō naā dɔ nang tə́ ní ɓōlə́n̄ ndílí bátə́ ta ngóy ndɔ̄ gə̄ tə́.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

1 SAMUEL 25:28

Ba ī-mā̰ȳ rɔ̄í dɔ yá̰á̰ kə́ gōtə́ aĺ yāḿ tə́. m̄-ger̄ majə kadə̄ Kɔ́ɔ̄ɓē a rāā kadə̄ gír kojə yāí a o̰o̰ ɓē ngándáńg, tɔdɔ̄ ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē ō kə dɔ ndɔ̄ gə̄ malang ń ī-ndiń kə kumií ní deē oō najə̄ kə́ majaĺ kógə̄ḿ dɔí tə́ aĺ ō.

2 SAMUEL 7:17

Natan əda Dabid yá̰a̰ malang ń Nə́ɓā ɔjən yá̰á̰ ń ni a̰a̰ tə́ ní.

1 MBAN̄G GƏ̄ 9:5

n-a n-rāā kadə̄ kōr̄ kāgə̄ mbang yān a ndi ngándáńg dɔ Israel tə́, tītə̄ ń n-ədań bɔbə̄n Dabid kété ní. Ni-əda bɔbə̄n Dabid kété na ngándáńg deē kógə̄ḿ kə́ gír yān tə́ na a ndi dɔ kōr̄ kāgə̄ mbang kə́ Israel tə́.

PĀ GƏ̄ 89:4

Ḭ̄ ə́da na ə́hɔ madə̄ naā kə deē ń ī-gə̄rān ní, ī-túbə kə rɔ̄í ādə̄ nge kəla yāí Dabid, ə́da na:

JEREMI 17:25

mban̄g gə̄ ń ndin̄ dɔ kōr̄ kāgə̄ mbang yā Dabid tə́ ō, alə̄n̄ kem púsə́ sə́nda gə̄ tə́ ō, dɔ sə́nda gə̄ tə́ ō ní, nin̄ ō, de kə́ bo yādə́ gə̄ ō, de kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a udən̄ kə ta róbə ɓē gə̄ ń toō. De gə̄ a ndin̄ kem ɓē ń toō tə́ ngándáńg. Najə̄ ń Kɔ́ɔ̄ɓē əda ní n noó.

JEREMI 33:17

Najə̄ ń Kɔ́ɔ̄ɓē əda ní n toó: Dabid a nal̄ de kə́ kadə̄ a ndi dɔ kōr̄ kāgə̄ mbang yā de gə̄ kə́ gír kojə yā Israel tə́ alé.

2 SAMUEL 22:51

Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

2 MBAN̄G 8:19

Banī Kɔ́ɔ̄ɓē gḛy nujə ɓē ko̰o̰ kə́ Juda alé, tɔdɔ̄ ənī ndūn adə̄ nge kəla yān Dabid, ədan na ngánən gə̄ ō, ngán kaan gə̄ ō, na a o̰o̰n̄ ɓē ngándáńg.

2 YÁ̰A̰ GƏ̄ 6:16

I beé ní Kɔ́ɔ̄ɓē Nə́ɓā yā Israel, yá̰á̰ ń ə́da bɔbə́ḿ Dabid kə́ nge kəla yāí ní, ī-rāā ngɔlaā ō. Tām̄ ə̄nī ndūí ādə̄n ə́da na, ré ngánən gē, ngán kaan gē na ɓōlə́n̄ ndū najə̄ yāí adə̄ ngɔ̄mə̄n̄ háĺdə́ majə njə̄rān̄neé kə̄ noí tə́ tītə̄ yān anī, ngándáńg deē kógə̄ḿ dandə́ tə́ na a ndi ta kumií tə́ yā ko̰o̰ ɓē dɔ Israel gə̄ tə́.

Makətūbə̄ yā Job 36:7

Ni un kumən kɔ̄ɔ́ ta de kə́ gōtə́ gə̄ tə́ alé. J-ɔrī najə̄ yā mban̄g gə̄ ń ndin̄ dɔ kōr̄ kāgə̄ mbang tə́ ní ō. Nə́ɓā əndādə́ dɔ tə́ i yā kadə̄ nin̄ o̰o̰n̄ ɓē dan i ngá̰ý. Banī nin̄ ɔjən̄ rɔ̄də́.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.