2 SAMUEL 7:14 - Bibəl ta Sar̄

¹⁴ Kə́ tām̄ yān tə́ ɓáa mā i bɔbə̄n ba kə́ tām̄ yāḿ mā tə́ ɓáa ni i ngōnə̄ḿ. Ré ni-rāā majaĺ ɓáa, m-ā m-ɔ́jən kum kə ndéyé ō, m-ā m-ə́ndan tītə̄ ń de gə̄ a əndan̄neé ngándə́ gə̄ ní ō.

Bible sar

¹⁴ Kə́ tām̄ yān tə́ ɓáa mā i bɔbə̄n ba kə́ tām̄ yāḿ mā tə́ ɓáa ni i ngōnə̄ḿ. Ré ni-rāā majaĺ ɓáa, m-ā m-ɔ́jən kum kə ndéyé ō, m-ā m-ə́ndan tītə̄ ń de gə̄ a əndan̄neé ngándə́ gə̄ ní ō.

2 SAMUEL 7:14 Referans Kwoze

HEBƏRO 1:5

I náā kə́ dan de kə́ dɔ rā̰ tə́ gə̄ tə́ n Nə́ɓā ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí. Tá ni-əda najə̄ ń toō dɔ deē kógə̄ḿ kə́ dɔ rā̰ tə́ alé: Ndɔ̄ń tə́ anī ni a rāām̄ i Bɔbə̄n tə́ ō, mā m-ā m̄-rāān i Ngōnə̄ḿ tə́ ō.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

1 YÁ̰A̰ GƏ̄ 28:6

Gō tə́ anī Kɔ́ɔ̄ɓē ədam̄ na kújə yān ō, ndágə loo kə́ gīr̄ gidə kújə yān gə̄ ō ní, i ngōnə́ḿ Salomo̰ n a rāā ní. Tɔdɔ̄ na n-gə̄rā Salomo̰ kadə̄ tél ngōnən ō ni n-reē i bɔbə̄n ō.

1 YÁ̰A̰ GƏ̄ 17:13

Kə́ tām̄ yān tə́ ɓáa mā i bɔbə̄n, ba kə́ tām̄ yāḿ mā tə́ ɓáa ni i ngōnə̄ḿ. M-ā m-ɔ̄r̄ jīḿ gírən tə́ kɔ̄ɔ́ tītə̄ ń m-ɔ̄rəń jīḿ gír mban̄g kə́ kété noí tə́ ní alé.

NDŪ NAJƏ̄ 8:5

Ní majə kadə̄ ī-gerī na Kɔ́ɔ̄ɓē Nə́ɓā yāsí ɔjəsí i yá̰a̰ kadə̄ ī-gerī tītə̄ ń bɔbə̄ ngōn̄ a ɔjəń ngōnən yá̰a̰ kadə̄ ger̄ ní.

1 KORḚNTƏ 11:32

Banī Kɔ́ɔ̄ɓē gān̄g sarya dɔjí tə́ ō, əndají ō, i yā kadə̄ sarya əhɔńjí naā tə́ kə de kə́ dɔ nang tə́ gēé alé.

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

Makətūbə̄ yā Job 5:17

Á̰a̰ā̰, rɔ̄nel̄ i kə deē ń Nə́ɓā ndángən ní. I beé ní ī-lōō kídə̄ gɔŕyɔ̄ ń Nə́ɓā kə́ tɔ́gən i ngá̰ý gɔŕyɔ̄ī ní.

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

1 MBAN̄G GƏ̄ 9:6

Ba ré nin̄ ō, ngáńdə́ gə̄ ō, na tūrə̄n̄ gidədə́ kɔ̄ɔ́ tan tə́ ō, na rāān̄ gō míndə ń n-ədadə́ kadə̄ rāān̄ ní aĺ ō, na rāān̄ yá̰á̰ ń ndū najə̄ yān əda ní aĺ ō, na aw̄ rāān̄ kəla adə̄n̄ nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō anī,

1 MBAN̄G GƏ̄ 11:34

Ɓá tā ba na n-a n-taā yá̰á̰ kógə̄ḿ kə́ kem ɓē ko̰o̰ ní tə́ jī Salomo̰ nəkɔ́ tə́ alé. Tɔdɔ̄ n-əndān kadə̄ ndi ngār dɔ gír deē yān gə̄ tə́ i kə dɔ ndɔ̄ gə̄ malang ń ni a ndiń kə́ kumneé ní tə́ tām̄ yā yā nge kəla yān Dabid tə́. Dabid ń na n-gə̄rān ní na oō tan adə̄ na rāā gō míndə gə̄ ń n-ədan kadə̄ rāā ní ō, na rāā yá̰a̰ gə̄ ń ndū najə̄ yān əda ní ō.

1 YÁ̰A̰ GƏ̄ 22:10

I ni Salomo̰ n na a rāā kújə yā kadə̄n ní. Kə́ tām̄ yān ni Kɔ́ɔ̄ɓē tə́ ɓá Salomo̰ na i ngōnən ō, ni Kɔ́ɔ̄ɓē na i bɔbə̄n ō. Na n-a n-rāā kadə̄ kōr̄ kāgə̄ mbang yān ndi ngan̄g ngándáńg kadə̄ o̰o̰ń ɓē dɔ Israel gə̄ tə́.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.