2 SAMUEL 7:13 - Bibəl ta Sar̄

¹³ I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

Bible sar

¹³ I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

2 SAMUEL 7:13 Referans Kwoze

1 MBAN̄G GƏ̄ 8:19

Ɓá tā ba i Dabid n na a rāā kújə́ ní alé, ba na i ngōn̄ kemən. I ni n na a rāā kújə́ ní tām̄ yā rīn ni Kɔ́ɔ̄ɓē tə́ ní.

1 MBAN̄G GƏ̄ 5:5

Dan ń Salomo̰ ndiń kə kumneé ní, de kə́ Juda tə́ gə̄ ō, kə́ Israel tə́ gə̄ ō, ndin̄ lápə́ya. Əla gír Beer Seba bátə́ ugə̄ń Dan ní, náā nəkɔ́ a ndi i gír kāgə̄ nduú yān nəkɔ́ tə́ ō, gír kāgə̄ kótə̄ yān nəkɔ́ tə́ ō.

PĀ GƏ̄ 89:4

Ḭ̄ ə́da na ə́hɔ madə̄ naā kə deē ń ī-gə̄rān ní, ī-túbə kə rɔ̄í ādə̄ nge kəla yāí Dabid, ə́da na:

1 MBAN̄G GƏ̄ 6:12

Ḭ̄ ī-rāā kújə ń toō, ba ré ī-rāā yá̰á̰ ń ndū najə̄ yāḿ əda ní ō, ré ī-rāā yá̰a̰ i tītə̄ ń m-ɔ́jiīneé kadə̄ ī-rāā ní ō, gō míndə gə̄ ń m-ə́daī kadə̄ ī-rāādə́ ní ə̄ndā kumií gíŕdə́ tə́ ba ī-rāādə́ malang ō anī, m-ā m̄-rāā yá̰á̰ ń m-ə̄nī míndə́ḿ yā rāā kadī á m-ə́da bɔbí Dabid ní.

JAKARI 6:13

A̰á̰ā̰, i ni n a tél yā rāān gogə́ ní. Ni a o̰ō̰ kūbə̄ mban̄g ō, a ndi dɔ kōr̄ kāgə̄ mbang tə́ ō, yā ko̰ó̰ń ɓē. Nge tun̄ yá̰á̰ kógə̄ḿ a ra kadən tə́. Ba nin̄ jōó mbak a gerə̄n̄ kum najə̄ kə naá majə

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 89:29

Kem majə yāḿ a to ngándáńg tām̄ yān tə́ ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

HEBƏRO 3:3

Tītə̄ ń rɔȳn̄neé nge rāā kújə tɔȳ kújə́ ní, Jeju asə kənge kɔsə gɔn kə́ bo tɔȳ yā Moijə.

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

PĀ GƏ̄ 89:21

M-ə́nge nge kəla yāḿ Dabid, m-ɔ̄r̄ kamə̄n kə yibə̄ kə́ táĺ.

1 YÁ̰A̰ GƏ̄ 28:10

Ngɔlaā ní á̰a̰ā̰, Kɔ́ɔ̄ɓē gə̄rāī kadə̄ ī-rāā kújə́ kə́ a tél loo kə́ táĺ yān. I beé ní, ə́hɔ rɔ̄í tɔgə ba údə kə̄ rɔ̄ kəla tə́ ī-rāā.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

2 SAMUEL 7:27

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, i īkɔ́ n ə́dam̄ na ā ī-rāā kújə yā kadə̄m̄ ní. I tām̄ ń noō tə́ n m-ə́ngeń tɔ́gə yā ndɔ̄yī tītə̄ ń toō ní.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

1 MBAN̄G GƏ̄ 2:24

Tītə̄ ń Kɔ́ɔ̄ɓē ndiń kə kumneé noō ō, mbūsə̄m̄ adə̄ m̄-ndi ngan̄g, dɔ kōr̄ kāgə̄ mbang yā bɔbə́ḿ Dabid tə́ ō, rāā adə̄ m-údə dan gír kaa yā ngār gə̄ tə́ tītə̄ ń ədań kété ō ní, ɓōólaā nəkɔ́ ń toō Adonia a oy.

1 MBAN̄G GƏ̄ 2:45

ba kadə̄ tɔ́r̄ ta i dɔḿ mā tə́ ō, kadə̄ kōr̄ kāgə̄ mbang yā Dabid ndi ngan̄g ta kumən tə́ ngándáńg ō.

1 MBAN̄G GƏ̄ 8:13

ba mā m̄-rāā kújə́ kə́ to ngol m-ādī, i loo kə́ kadə̄ ī-ndi tū tə́ ngándáńg!

1 MBAN̄G GƏ̄ 8:15

ba əda na: Ādə̄ jə-tɔ̄yī Kɔ́ɔ̄ɓē Nə́ɓā yā Israel ń ənī míndən adə̄ bɔbə́ḿ Dabid ō, rāā yá̰á̰ ń tan əda ní kə jīneé ō ní. Ni-əda bɔbə́ḿ Dabid na

2 MBAN̄G 21:4

Ni-rāā loo tun̄ yá̰a̰ gə̄ kem kújə yā Kɔ́ɔ̄ɓē ń Kɔ́ɔ̄ɓē nəkɔ́ əda na n-a n-əndā rīn dɔ tə́ kem ɓē kə́ Jerusalem tə́ ní.

2 YÁ̰A̰ GƏ̄ 33:4

Kújə yā Kɔ́ɔ̄ɓē ń Kɔ́ɔ̄ɓē əda najə̄ kə́ dɔ tə́ na rīn na a to Jerusalem ngándáńg ní, Manase rāā kə́ yā tunə̄ń yá̰a̰ kadə̄ ɓesə̄ gə̄ kemeé ō.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

2 SAMUEL 22:51

Kɔ́ɔ̄ɓē rāā yá̰á̰ kə́ bo gə̄ dḭḭ̄ń mban̄g ń ni gə̄rā ní. Ni-rāā kem majə kə nge ń ni ur yibə̄ ngār dɔn tə́ ní, adə̄ i kə Dabidí ō, kə gír kaa yānneé ō, bátə́ kə̄ no tə́.

2 MBAN̄G 8:19

Banī Kɔ́ɔ̄ɓē gḛy nujə ɓē ko̰o̰ kə́ Juda alé, tɔdɔ̄ ənī ndūn adə̄ nge kəla yān Dabid, ədan na ngánən gə̄ ō, ngán kaan gə̄ ō, na a o̰o̰n̄ ɓē ngándáńg.

2 MBAN̄G 21:7

Rāā ɓesə̄ Asera aw̄ń əndā kem kújə́ ń Kɔ́ɔ̄ɓē əda Dabid ō, ngōnən Salomo̰ ō, najə̄n kété na n-a n-əndā rīn dɔ tə́ ō, dɔ ɓē kə́ Jerusalem ń n-gə̄rā dan gír ɓē gə̄ malang kə́ Israel tə́ ō, kadə̄ to ngándáńg ní.

2 YÁ̰A̰ GƏ̄ 6:16

I beé ní Kɔ́ɔ̄ɓē Nə́ɓā yā Israel, yá̰á̰ ń ə́da bɔbə́ḿ Dabid kə́ nge kəla yāí ní, ī-rāā ngɔlaā ō. Tām̄ ə̄nī ndūí ādə̄n ə́da na, ré ngánən gē, ngán kaan gē na ɓōlə́n̄ ndū najə̄ yāí adə̄ ngɔ̄mə̄n̄ háĺdə́ majə njə̄rān̄neé kə̄ noí tə́ tītə̄ yān anī, ngándáńg deē kógə̄ḿ dandə́ tə́ na a ndi ta kumií tə́ yā ko̰o̰ ɓē dɔ Israel gə̄ tə́.

Makətūbə̄ yā Job 36:7

Ni un kumən kɔ̄ɔ́ ta de kə́ gōtə́ gə̄ tə́ alé. J-ɔrī najə̄ yā mban̄g gə̄ ń ndin̄ dɔ kōr̄ kāgə̄ mbang tə́ ní ō. Nə́ɓā əndādə́ dɔ tə́ i yā kadə̄ nin̄ o̰o̰n̄ ɓē dan i ngá̰ý. Banī nin̄ ɔjən̄ rɔ̄də́.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

JEREMI 33:17

Najə̄ ń Kɔ́ɔ̄ɓē əda ní n toó: Dabid a nal̄ de kə́ kadə̄ a ndi dɔ kōr̄ kāgə̄ mbang yā de gə̄ kə́ gír kojə yā Israel tə́ alé.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

JAKARI 6:12

Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.