2 SAMUEL 7:1 - Bibəl ta Sar̄

¹ Dan ń mban̄g Dabid ənge kújə ndi kemeé ō, Kɔ́ɔ̄ɓē rāā adə̄ ngé ba̰ā̰n gə̄ malang ń gīrə̄n̄ gidə ɓē yān əlan̄ ta naā tə́ ní əya̰nən̄ adə̄ taā koō ō anī,

Bible sar

¹ Dan ń mban̄g Dabid ənge kújə ndi kemeé ō, Kɔ́ɔ̄ɓē rāā adə̄ ngé ba̰ā̰n gə̄ malang ń gīrə̄n̄ gidə ɓē yān əlan̄ ta naā tə́ ní əya̰nən̄ adə̄ taā koō ō anī,

2 SAMUEL 7:1 Referans Kwoze

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

1 MBAN̄G GƏ̄ 5:4

Gō nang malang ń deē ra bā Opəratə tə́ anī i dɔ dáń mbɔ́r ɓē kə́ geleé tə́ kə no ɓēé ní, Salomo̰ o̰o̰ ɓē dɔ tə́, əla gír i Tipəsa bátə́ Gaja. Adə̄ mban̄g gə̄ kə́ gō nang ń noō tə́ malang əlan̄ dɔdə́ gíŕ tɔ́gə yān tə́. Lápə́ya to dɔ dán Salomo̰ tə́ kə madə̄ ɓēn gə̄ malang ń ndin̄ gīrə̄n̄ gidən ní.

2 YÁ̰A̰ GƏ̄ 14:6

Ni-əda Juda gə̄ na: Ādə̄ jə-rāāī ɓē gə̄ ń noō ō, jə-tə́nāī ndogə̄ mbal̄ kə́ nder̄ gə̄ gididə́ gə̄ tə́ ō, jə-rāāī kújə́ kə́ ngāl̄ kə̄ dɔɔ́ gə̄ tū ndogə̄ mbal̄ gə̄ ní tə́ ō, jə-télaī bápə gə̄ ta ɓē gə̄ ní tə́ ba jə-dēsíī kāgə̄ gə̄ ta tə́ j-utīineé ta ō. Ɓē to lɔm nojí tə́, tɔdɔ̄ jə-sāāī Kɔ́ɔ̄ɓē Nə́ɓā yājí, jə-sāāniī adə̄ ni əya̰jí adə̄ j-ɔrī koō tām̄ madə̄ ba̰ā̰jí gə̄ ń ndin̄ gīrə̄n̄ gidəjí ní rɔ̄ɔ̄n̄jí alé. Loo ń noō tə́ nin̄-rāān̄ ɓē gə̄ ní adə̄ ɓē gə̄ ní télən̄ ɓē kə́ ngan̄g gə̄.

PĀ GƏ̄ 18:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē. Ni-ɔr̄ najə̄ kə Kɔ́ɔ̄ɓēé kə pāá i gō gān̄g ń Kɔ́ɔ̄ɓē gān̄g dɔn jī Saul tə́ ō, jī madə̄ ba̰ā̰n gə̄ tə́ malang ní ō, əda na:

JOJUE 23:1

Kɔ́ɔ̄ɓē adə̄ ngán Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́.

JOJUE 21:44

Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.

KƏLA RĀĀ 7:46

Nel̄ Nə́ɓā kə Dabidí adə̄ Dabid dəjen ta róbə kadə̄ n-aw̄ kə loo ndi kə́ tām̄ yā Nə́ɓā yā Jakob tə́.

2 SAMUEL 6:23

I tām̄ najə̄ ń noō tə́ n Mikal ngōn̄ Saul ojəń ngōn̄ aĺ bátə́ oyń ní.

2 SAMUEL 7:11

m-ə̄ndań ngé sarya gə̄ dɔdə́ tə́ ní to̰ aĺ ō. Kété m-ādə̄ ī-taā koō tɔdɔ̄ m̄-rāā adə̄ madə̄ ba̰ā̰í gə̄ gə̄tóon kɔ̄ɔ́ malang rɔ̄í tə́. Ba ngɔlaā mə̄kɔ́ Kɔ́ɔ̄ɓē m-ə́daī na m-ā m̄-rāā kújə yā kadī.

2 SAMUEL 5:11

Mban̄g kə́ Tir ń rīn na i Hiram ní əla ngé kəla yān gə̄ rɔ̄ Dabid tə́ kə kāgə̄ sédər gēé ō, kə ngé njar kāgə̄ gēé ō, ngé tɔ́sə̄ ndogə̄ mbal̄ gēé ō, kadə̄ rāān̄ kújə adə̄nən̄.

1 YÁ̰A̰ GƏ̄ 22:6

Dabid ɓāŕ ngōnən Salomo̰ ba ədan na kə rāā kújə́ kógə̄ḿ tām̄ yā Kɔ́ɔ̄ɓē Nə́ɓā yā Israel tə́.

1 YÁ̰A̰ GƏ̄ 22:7

Ni ədan na: Ngōnə̄ḿ, mə̄kɔ́ m̄-gír̄ kemḿ tə́ kadə̄ m̄-rāā kújə́ kógə̄ḿ tām̄ yā Kɔ́ɔ̄ɓē Nə́ɓā yāḿ tə́.

1 YÁ̰A̰ GƏ̄ 28:2

Mban̄g Dabid ḭḭ ra dɔɔ́ ba ədadə́ na: Ngákó̰ó̰ḿ gə̄ ō, gír deē yāḿ gə̄ ō, ōōī najə̄ ń m-ā m-ə́dásí ní. m̄-gír̄ rāā kújə́ kə́ yā kadə̄ sandúkə madə̄ naā yā Kɔ́ɔ̄ɓē ń i kōr̄ kāgə̄ kəndā nja yā Nə́ɓā yājí ní ndi kemeé. Adə̄ m-ɔ́sə dɔ yá̰a̰ gə̄ naā tə́ malang yā rāań kújə́ ní,

2 YÁ̰A̰ GƏ̄ 20:30

I beé n yá̰a̰ rāań yá̰a̰ ɓāl̄ ko̰o̰ ɓē yā Josapat tə́ alé, adə̄ loo toń lɔm ní. Tɔdɔ̄ Nə́ɓā yān rāā adə̄ madə̄ ba̰ā̰n gə̄ ń ndin̄ gīrə̄n̄ gidən ní rɔ̄ɔ̄nən̄ alé.

PĀ GƏ̄ 132:5

bátə́ kadə̄ ré m-ə́nge loo kə́ tām̄ yā Kɔ́ɔ̄ɓē tə́ pá tá, bátə́ kadə̄ ré m-ə́ngé kújə ndi nge tɔgə yā Jakob pá tá ní!

MATIYE 25:16

Nge kəla ń taā sə́lē dūbú kutə mí ní, aw̄ rāań gātə̄ kə̄ ta jī tə́ noō, anī ənge manə̄n dɔ tə́ dūbú kutə mí.