2 SAMUEL 6:7 - Bibəl ta Sar̄

⁷ Anī wōn̄g rāā Kɔ́ɔ̄ɓē seneé adə̄ Kɔ́ɔ̄ɓē əndan tām̄ yā yá̰á̰ kə́ gōtə́ aĺ ń ni-rāā tə́ ní. Uja oy kə̄ loo nəkɔ́ ń noō tə́ kadə sandúkə yā Nə́ɓā tə́.

Bible sar

⁷ Anī wōn̄g rāā Kɔ́ɔ̄ɓē seneé adə̄ Kɔ́ɔ̄ɓē əndan tām̄ yā yá̰á̰ kə́ gōtə́ aĺ ń ni-rāā tə́ ní. Uja oy kə̄ loo nəkɔ́ ń noō tə́ kadə sandúkə yā Nə́ɓā tə́.

2 SAMUEL 6:7 Referans Kwoze

1 SAMUEL 6:19

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

1 YÁ̰A̰ GƏ̄ 15:13

Tām̄ dan ń sḭḭ̄ ī-gətóoī ní, Kɔ́ɔ̄ɓē Nə́ɓā əndají tɔdɔ̄ jə-rāā yá̰a̰ i kə gō ń ni ndigə ní alé.

1 YÁ̰A̰ GƏ̄ 13:10

Loo ń noō tə́ wōn̄g yā Kɔ́ɔ̄ɓē ḭḭ seneé adə̄ ənda Uja, tām̄ ni əla jīn ɔdəń sandúkə. Uja oy kə̄ loo nəkɔ́ ń noō tə́ ta kum Nə́ɓā tə́.

1 YÁ̰A̰ GƏ̄ 15:2

Gō tə́ anī, ni-əda na: I ngán Lebi gə̄ ngóy n a ətōn̄ sandúkə́ kə́ táĺ yā Nə́ɓā ní, tɔdɔ̄ i nin̄ n Kɔ́ɔ̄ɓē gə̄rādə́ kadə̄ ətōn̄ sandúkə yān ō, kadə̄ rāān̄ kəla yān ō ngándáńg ní.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

1 SAMUEL 25:38

Gō tə́ rāā ndɔ̄ kutə kógə̄ḿ anī Kɔ́ɔ̄ɓē ənda Nabal adə̄ oy.

2 SAMUEL 6:8

Tōr̄ Dabid ngá̰ý najə̄ kənda ń Kɔ́ɔ̄ɓē ənda Uja ənda tɔ̄lə̄n ní tə́. Ni-əndā rī loo ní na i Peres Uja, adə̄ bátə́ ɓōólaā gə̄gē rī loo ní na i Peres Uja.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.