2 SAMUEL 6:5 - Bibəl ta Sar̄

⁵ Dabid nin̄ kə ngán Israel gə̄ malang ɔjən̄ rɔ̄nel̄ yādə́ kə̄ ndágá. Nin̄-ugən̄ yá̰á̰ kə́ ɓār̄ gōsə̄ kə́ tayā gə̄ kə́ rāān̄də́ kə kāgə̄ sipəres gə̄, adə̄ i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. Əndan̄ kɔdə gō tə́ ō, sə̄kān̄ yá̰a̰ gō tə́ ō, dānə̄n̄ gō kə kōō gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō.

Bible sar

⁵ Dabid nin̄ kə ngán *Israel gə̄ malang ɔjən̄ rɔ̄nel̄ yādə́ kə̄ ndágá. Nin̄-ugən̄ yá̰á̰ kə́ ɓār̄ gōsə̄ kə́ tayā gə̄ kə́ rāān̄də́ kə kāgə̄ sipəres gə̄, adə̄ i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. Əndan̄ kɔdə gō tə́ ō, sə̄kān̄ yá̰a̰ gō tə́ ō, dānə̄n̄ gō kə kōō gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō.

2 SAMUEL 6:5 Referans Kwoze

1 YÁ̰A̰ GƏ̄ 13:8

Dabid ō, Israel gə̄ malang ō, ənīn̄ pā ndāmə̄n̄neé kə tɔ́gə́də́ gēé malang ō, ugən̄ kənde gə̄ kə́ kəladə́ i ngá̰ý gə̄ ō, kə́ kəladə́ i ngá̰ý aĺ gə̄ ō, əndan̄ kɔdə tamburḛ̄ḛ gō tə́ ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kɔ̄rə́n̄ bərúnjə gə̄ ō.

AMOS 5:23

Pā yāsí gə̄ ń ə̄nī ngá̰ý ta mbīḿ tə́ ní, ādī asəsí! Pā yāsí gə̄ ń ā ə̄nī kə kənde yāsí gēé ní, m̄-gḛy koō to̰ alé.

AMOS 6:5

Sḭḭ̄ ə̄nī pā ba ī-dānī gō kə kəndeé. sḭḭ̄ ī-teēī kə yá̰a̰ gōsə̄ kə́ kijə gə̄ tītə̄ yā Dabid beé.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

DANIEL 3:10

I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní.

DANIEL 3:7

Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

DANIEL 3:5

ré ōōī kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, ɔ́siī nosí nang tə́ ī-rɔyī yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

2 MBAN̄G 3:15

Ba kə́ ngɔr ń toō tə́ ní, ī-rēēí kə gōsə̄ kógə̄ḿ ādə̄mī. Dan ń gōsə̄ a ugə kənde ní a, Kɔ́ɔ̄ɓē əhɔ Elije kə tɔgəneé,

1 SAMUEL 16:16

Kɔ́ɔ̄jí ɔ̄r̄ najə̄ na jḭḭ i tām̄ yāí tə́. J-a jə-sāā deē kógə̄ḿ kə́ ger̄ kugə kənde majə yā kadī, kadə̄ ré ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a njə̄ɓāī anī kɔ́ɔ̄ a ugə kənde dɔí tə́ kadə̄ i sóí tə́.

1 SAMUEL 10:5

Gō tə́ anī ā ɔ̄tə̄ Gibea Eloim ń i ɓē ń ngé ko̰o̰ ɓē gə̄ yā Pilistin gə̄ ndin̄ tū tə́ ní. Ré ā údə kə̄ kem ɓēé anī, ā ə́nge ɓūtə̄ ngé koō ta gə̄ kə́ ḭḭn̄ loo kə́ kḭḭ kə̄ dɔɔ́ tə́ a reēn̄. Ngé kugə kənde kə́ kəlān i ngá̰ý gə̄ ō, kə́ kəlān i ngá̰ý aĺ gə̄ ō, ngé kənda kɔdə gə̄ ō, ngé kɔĺ nal gə̄ ō, a njə̄rān̄ kété nodə́ tə́. Ba nin̄ kɔ́ gə̄ tá a ɔrə̄n̄ najə̄ kə́ loo ngé koō ta gə̄ tə́ beé.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

2 YÁ̰A̰ GƏ̄ 20:28

Nin̄ ugən̄ i kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō, kɔ̄rə́n̄ bərúnjə gə̄ ō n udən̄neé kem ɓē kə́ Jerusalem tə́ ō, aw̄n̄neé bátə́ ugə̄n̄ ta kújə yā Kɔ́ɔ̄ɓē tə́ ō ní.