2 SAMUEL 6:22 - Bibəl ta Sar̄

²² M-ā m̄-tél kə rɔ̄ḿ kə̄ nang tə́, m-ā m-á̰a̰ rɔ̄ḿ i yá̰á̰ kə́ karī tə́ ta kumḿ mə̄kɔ́ tə́ ɓáý to̰, ba i loo ń noō tə́ n ngé rāā kəla kə́ dəyá̰ gə̄ ń ə́da najə̄ yādə́ ní a rɔȳmə̄n̄ ɓáý ní.

Bible sar

²² M-ā m̄-tél kə rɔ̄ḿ kə̄ nang tə́, m-ā m-á̰a̰ rɔ̄ḿ i yá̰á̰ kə́ karī tə́ ta kumḿ mə̄kɔ́ tə́ ɓáý to̰, ba i loo ń noō tə́ n ngé rāā kəla kə́ dəyá̰ gə̄ ń ə́da najə̄ yādə́ ní a rɔȳmə̄n̄ ɓáý ní.

2 SAMUEL 6:22 Referans Kwoze

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

TA KƏLA 32:10

Jakob əda na: Nə́ɓā yā kaaḿ Abəraham, Nə́ɓā yā bɔbə́ḿ Isaak, i ḭ̄ Kɔ́ɔ̄ɓē n ə́dam̄ na kə m̄-tél kə m-āw̄ ɓē kojəḿ tə́ rɔ̄ ngééḿ gə̄ tə́, na ā ī-rāā seḿ majə ní.

1 PIYER 5:6

I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

MARK 14:66

Piyer ndi ndágá kem ndogó anī, nge kəla kə́ dəyá̰ kógə̄ḿ yā ngol ngé tun̄ yá̰a̰ gə̄ reē.

2 SAMUEL 6:21

Dabid tél ədan na: m̄-ndām̄ m-ɔ́səń i gɔn Kɔ́ɔ̄ɓē ń gə̄rām̄ mā ba əya̰ bɔbí ō, gír kojə yān ō kɔ̄ɔ́ ní. Kɔ́ɔ̄ɓē gə̄rām̄, əndām̄ dɔ gír deē yān gə̄ ń i ngán Israel gə̄ ní tə́, kadə̄ mā i ngār yādə́, adə̄ m-ā m-ɔ́jə rɔ̄nel̄ yāḿ kə̄ ndágá yā kɔsəń gɔnən ɓáý to̰.

2 SAMUEL 6:23

I tām̄ najə̄ ń noō tə́ n Mikal ngōn̄ Saul ojəń ngōn̄ aĺ bátə́ oyń ní.

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.