2 SAMUEL 6:2 - Bibəl ta Sar̄

² Nin̄-dānə̄n̄ Dabid aw̄n̄ seneé Baala gō sandúkə yā Nə́ɓā tə́. Baala i ɓē kə́ gō nang yā Juda tə́. Ba sandúkə ń aw̄n̄ gō tə́ ní i sandúkə yā Nə́ɓā ń əndān̄ rī Kɔ́ɔ̄ɓē dɔ tə́ na i Kɔ́ɔ̄ɓē kə́ bo kə́ tɔ́gən i ngá̰ý, nge ndi dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́ ní.

Bible sar

² Nin̄-dānə̄n̄ Dabid aw̄n̄ seneé Baala gō sandúkə yā Nə́ɓā tə́. Baala i ɓē kə́ gō nang yā *Juda tə́. Ba sandúkə ń aw̄n̄ gō tə́ ní i sandúkə yā Nə́ɓā ń əndān̄ rī Kɔ́ɔ̄ɓē dɔ tə́ na i Kɔ́ɔ̄ɓē kə́ bo kə́ tɔ́gən i ngá̰ý, nge ndi dɔ *de kə́ dɔ rā̰ tə́ kə́ ngé ngɔ̄m̄ loo gə̄ tə́ ní.

2 SAMUEL 6:2 Referans Kwoze

1 SAMUEL 4:4

Ngán Israel gə̄ əlan̄ de gə̄ Silo adə̄ aw̄ reēn̄ kə sandúkə madə̄ naā yā Kɔ́ɔ̄ɓē nge tɔgə yá̰a̰ malang ń ndi dɔ de kə́ dɔ rā̰ tə́ gə̄ kə́ ngé ngɔ̄m̄ loo gə̄ tə́ ní. Ngán Eli kə́ jōó gə̄ ń i Hopəni nin̄ kə Pinas ní, nin̄ i kadə sandúkə madə̄ naā yā Nə́ɓā tə́.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

1 SAMUEL 7:1

Adə̄ de kə́ Kiryat Yearim gə̄ reē unən̄ sandúkə yā Kɔ́ɔ̄ɓē ní aw̄n̄neé. Nin̄ aw̄n̄ kə sandúkə́ ní aw̄ əndān̄ kem kújə yā Abinadab ń ndi i dɔ ngōn̄ mbalá ní tə́. Ba ɔrə̄n̄ ngōn̄ Abinadab ń rīn na i Elajar ní əndānən̄ kə rī ngɔ̄m̄ sandúkə yā Kɔ́ɔ̄ɓēé.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

JOJUE 15:60

Ɓē kə́ rang gə̄ i Kiryat Baal ń a ɓārə́n̄ na i Kiryat Yearim ní ō, Raba ō, adə̄ ɓē gə̄ i jōó naā tə́ kə ngán ɓē gə̄ ń ndin̄ kə gō gidií ní.

2 SAMUEL 22:11

Ni-ndi i gidə de kə́ dɔ rā̰ tə́ kógə̄ḿ tə́ ń a risəń ní Ni teē hɔy dɔ néĺ tə́.

1 SAMUEL 6:21

Nin̄-əlan̄ ngé kəla gə̄ rɔ̄ de kə́ Kiryat Yearim gə̄ tə́ kadə̄ ədan̄də́ na Pilistin gə̄ na reēn̄ kə sandúkə yā Kɔ́ɔ̄ɓē ní kɔ̄ɔ́ ba kə reē kə un kə aw̄n̄neé ɓēé loodə́.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!