2 SAMUEL 6:19 - Bibəl ta Sar̄

¹⁹ Gō tə́ anī adə̄ nə̄ɓōn̄ kósə́ ngán Israel gə̄ yá̰a̰ kəsa. De gə̄ malang dəngam gə̄ ō, dəyá̰ gə̄ ō, əngen̄ mápá kə́ gōr̄ kógə̄ḿ kógə̄ḿ ō, makəla kan̄ túmbur kógə̄ḿ kógə̄ḿ ō, makəla kan̄ kāgə̄ nduú kə́ tutə kógə̄ḿ kógə̄ḿ ō. Gō tə́ anī de gə̄ malang télən̄ kə̄ ɓē gə̄ tə́.

Bible sar

¹⁹ Gō tə́ anī adə̄ nə̄ɓōn̄ kósə́ ngán Israel gə̄ yá̰a̰ kəsa. De gə̄ malang dəngam gə̄ ō, dəyá̰ gə̄ ō, əngen̄ mápá kə́ gōr̄ kógə̄ḿ kógə̄ḿ ō, makəla kan̄ túmbur kógə̄ḿ kógə̄ḿ ō, makəla kan̄ *kāgə̄ nduú kə́ tutə kógə̄ḿ kógə̄ḿ ō. Gō tə́ anī de gə̄ malang télən̄ kə̄ ɓē gə̄ tə́.

2 SAMUEL 6:19 Referans Kwoze

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

EPEJƏ 4:8

Tɔdɔ̄ ndangən̄ kem makətūbə̄ yā Nə́ɓā tə́ na: Dan ń ni-aw̄ ta kaw̄ dɔɔ́ ní, ɓəlo gə̄ ń ni-əhɔdə́ ní aw̄ sedə́ ō, yá̰a̰ yān ní ni-adə̄ de gə̄ karī ō.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

EJEKIEL 45:17

Tām̄ dan yā rāā nāā gə̄ tə́ ō, ndɔ̄ teē nāā gə̄ tə́ ō, ndɔ̄ sabat gə̄ tə́ ō, ndɔ̄ rāā pétə́ gə̄ malang yā ngán Israel gə̄ tə́ ō ní, i ngār n i nge kadə̄ yá̰á̰ kə́ tām̄ yā yá̰a̰ tun̄ kə́ kə taá malang tə́ ō, ndujə̄ kə́ yā ndējə̄ ō, kasə nduú kə́ yā ndējə̄ ō ní. Ngār a adə̄ yá̰á̰ kə́ yā tun̄ tām̄ yā yá̰a̰ rāā kə́ gōtə́ aĺ gə̄ tə́ ō, yá̰á̰ kə́ yā ndējə̄ gə̄ ō, yá̰á̰ kə́ yā tun̄ kə taá malang gə̄ ō, yá̰á̰ kə́ yā tun̄ tām̄ yā kem kógə̄ḿ tə́ ō. Loo ń noō tə́ ni a ənge mā̰ȳ rɔ̄ kə́ tām̄ yā mān̄ dɔ ndū najə̄ gə̄ yā ngán Israel gə̄ tə́.

2 YÁ̰A̰ GƏ̄ 30:24

Tɔdɔ̄ mban̄g Ejekias adə̄ ngé kán̄ naā gə̄ man̄g kə́ bəra gə̄ dūbú ō, batə̄ gə̄ dūbú sīrí ō, de kə́ bo gə̄ adə̄n̄də́ man̄g kə́ bəra gə̄ dūbú ō, batə̄ gə̄ dūbú kutə ō. Tá ngé tun̄ yá̰a̰ gə̄ ngá̰ý tə́gon̄ rɔ̄də́ ō.

2 YÁ̰A̰ GƏ̄ 7:10

Kə ndɔ̄ kə́ nge ko̰ kutə jōó gidə i mətá yā nāā kə́ nge ko̰ sīrí anī, mban̄g əya̰ ngán Israel gə̄ adə̄ teēn̄ kə̄ ɓē yādə́ gə̄ tə́. Nin̄ aw̄n̄ kə rɔ̄nelēé ō, kemdə́ nel̄də́ ō, tɔdɔ̄ Kɔ́ɔ̄ɓē rāā majə kə Dabid ō, kə̄ Salomo̰ ō, kə ngán Israel gə̄ ń i gír deē yān gə̄ ní ō.

1 YÁ̰A̰ GƏ̄ 16:3

Gō tə́ anī nə̄ɓō ngán Israel gə̄ malang kə́ dəngam gē kə dəyá̰ gē yá̰a̰ kəsa: Mápá kə́ gōr̄ ō, kan̄ túmbur kə́ kɔsə ba tənī dɔ bəran ō, kan̄ kāgə̄ nduú kə́ kɔsə ba tənī dɔ bəran ō, kógə̄ḿ kógə̄ḿ kə dɔdə́ gēé.

1 MBAN̄G GƏ̄ 8:66

Kə̄ ndɔ̄ kə́ nge ko̰ sɔ́sɔ́ anī Salomo̰ əya̰ de gə̄ adə̄ aw̄n̄. De gə̄ ní rāān̄ mban̄g lápə́ya ba télən̄ kə̄ ɓē yādə́ gə̄ tə́ kə rɔ̄nelēé. Kemdə́ nel̄də́ ngá̰ý najə̄ yá̰á̰ kə́ majə gə̄ ń Kɔ́ɔ̄ɓē rāā kə nge kəla yān Dabid ō, kə Israel gə̄ ń i gír deē yān gə̄ ō, ní tə́.

2 SAMUEL 6:18

Dan ń ni ndējə̄ Kɔ́ɔ̄ɓē dā̰ kə́ tun̄ gə̄ oy anī, tɔ́r̄ tan dɔ ngán Israel gə̄ tə́ kə rī Kɔ́ɔ̄ɓē kə́ bo kə́ tɔ́gən i ngá̰ý.

2 SAMUEL 6:20

Dan ń Dabid tél reē ɓēé yā tɔ́r̄ tan dɔ de gə̄ kə́ kem kújə yān tə́ anī, Mikal ngōn̄ Saul teē tə́nī tan ba ədan na: Mban̄g kə́ Israel tə́ ɔr ta rɔ̄n ɓōólaā tā! Ɔr̄ yá̰a̰ rɔ̄n tə́ ta kum ngé kəla kə́ dəyá̰ yā ɓer̄ yān gə̄ tə́ tītə̄ de kə́ karī beé!

1 YÁ̰A̰ GƏ̄ 16:43

Gō tə́ anī ngán Israel gə̄ malang télən̄ kə̄ ɓē yādə́ gə̄ tə́ kógə̄ḿ kógə̄ḿ ō, Dabid tél aw̄ gogə́ ɓēé yā tɔ́r̄ tan dɔ deē yān gə̄ kə́ kem kújə yān tə́ ō.

PĀ KƏ́ MAJƏ 2:5

Ādə̄mī makəla kan̄ kāgə̄ nduú tə́ ādə̄ m-ə́ngeń tɔ́gə gogə́ rang! Ādə̄mī kan̄ kāgə̄ póḿ tə́ ādə̄ rɔ̄ḿ ngangə̄ń, tɔdɔ̄ mo̰y tár rāām̄.

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

JOJUE 22:6

Gō tə́ anī tɔ́r̄ tan dɔdə́ tə́ ba mērdə́ tél kaw̄ gogə́ ɓēé.