2 SAMUEL 6:15 - Bibəl ta Sar̄

¹⁵ Dabid nin̄ kə ngán Israel gēé aw̄n̄ kə sandúkə yā Kɔ́ɔ̄ɓēé Jerusalem i kə kɔŕ rɔ̄nel̄ gēé ō, nin̄ kɔ̄rə́n̄ ga̰ā̰ ō.

Bible sar

¹⁵ Dabid nin̄ kə ngán *Israel gēé aw̄n̄ kə sandúkə yā Kɔ́ɔ̄ɓēé Jerusalem i kə kɔŕ rɔ̄nel̄ gēé ō, nin̄ kɔ̄rə́n̄ ga̰ā̰ ō.

2 SAMUEL 6:15 Referans Kwoze

PĀ GƏ̄ 150:3

Ī-kɔ̄ríī tōw̄ ī-tɔ̄ȳniīneé. Úgiī kənde ō, ə́ndaī kúndə̄ ō, ī-tɔ̄ȳniīneé.

PĀ GƏ̄ 47:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

1 YÁ̰A̰ GƏ̄ 15:25

Loo ń noō tə́ Dabid ō, kum kɔɔ̄ gə̄ yā Israel gə̄ ō, ngol de kə́ dūbú gə̄ ō, aw̄n̄ kə rɔ̄nelēé gō sandúkə yā Kɔ́ɔ̄ɓē tə́ ɓē Obed Edom yā kun reēń.

1 YÁ̰A̰ GƏ̄ 15:16

Dabid əda ngol ngán Lebi gə̄ kadə̄ tə́ndān̄ ngákó̰ó̰də́ kə́ ngé kənī pā gə̄ kem kəla yādə́ tə́, kadə̄ ənīn̄ pā kə yá̰á̰ kə́ ɓār̄ gōsə̄ gēé. Yá̰a̰ gə̄ ní i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō. A ugən̄ kənde gə̄ ní ō, a əndan̄ gində̄ kə́ laa gə̄ ní naā tə́ ō, kadə̄ kōōdə́ ɓār̄ ngá̰ý yā kɔjəń na rɔ̄nel̄ to.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ lḛ́ḛ.

2 SAMUEL 6:16

Dan ń sandúkə yā Kɔ́ɔ̄ɓē udə kem ɓē yā Dabid tə́ ní a, Mikal kə́ ngōn̄ Saul a̰a̰ loo ko̰rō̰ kújə tə́. Ni-a̰a̰ mban̄g Dabid loo ndām̄ tə́ ō, loo kənī gir̄ gində̄ tə́ no sandúkə tə́ ō anī ni idə tan gírən tə́.

EJEKIEL 46:10

Ngār a udə naā tə́ sedə́ dan ń nin̄ a udən̄ ní ō, ni a teē ndágá naā tə́ sedə́ dan ń nin̄ a teēn̄ ní ō.

PĀ GƏ̄ 149:5

Ādə̄ deē yān gə̄ tḭ́ḭ̄n̄ bal walya ɔsən̄neé gɔn Nə́ɓā! Ādə̄ túrə̄n̄ kɔĺ rɔ̄nel̄ dɔ tə̄rá todə́ gə̄ tə́!

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.