2 SAMUEL 6:11 - Bibəl ta Sar̄

¹¹ Sandúkə yā Kɔ́ɔ̄ɓē ndi kem kújə yā Obed Edom tə́ rāā nāā mətá, ba Kɔ́ɔ̄ɓē rāā majə kə Obed Edom ō, kə deē yān gēé malang ō.

Bible sar

¹¹ Sandúkə yā Kɔ́ɔ̄ɓē ndi kem kújə yā Obed Edom tə́ rāā nāā mətá, ba Kɔ́ɔ̄ɓē rāā majə kə Obed Edom ō, kə deē yān gēé malang ō.

2 SAMUEL 6:11 Referans Kwoze

TA KƏLA 39:5

Dan ń Potipar əndā Jəjep dɔ kəla kə́ kem ndogó looneé tə́ ō, dɔ yá̰a̰ kənge yān gə̄ tə́ malang ō anī, Kɔ́ɔ̄ɓē rāā adə̄ kəla yā Potipar teēn yá̰á̰ tə́ majə. Yá̰a̰ kənge yān kə́ ɓēé gə̄gē kə́ bembeé gə̄gē teēnən̄ yá̰a̰ majə. Kɔ́ɔ̄ɓē rāā nge ń noō i tām̄ yā Jəjep tə́.

TA KƏLA 30:27

Laban tél ədan na: m̄-rāāī ɓɔ́, ōō najə̄ ń m-ā m-ə́daī toó: Tēē yāḿ gə̄ ɔjəmə̄n̄ kadə̄ Kɔ́ɔ̄ɓē rāā majə seḿ sɔɔ̄iń ḭ̄.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

2 SAMUEL 6:10

Ni-lōō gír kaw̄ kə sandúkə yā Kɔ́ɔ̄ɓē ɓēé looneé kɔ̄ɔ́, ba adə̄ əndān̄ kem kújə yā Obed Edom ń i de kə́ Gat ní tə́.

1 YÁ̰A̰ GƏ̄ 26:4

Ngán Obed Edom gə̄ i sɔ́sɔ́ tɔdɔ̄ Nə́ɓā rāā majə seneé. Rī ngōnən kə́ nga tɔ́gə na i Semaya. Rī gidən na i Yehojabad. Rī nge kə́ ko̰ mətá na i Yoa. Rī nge kə́ ko̰ sɔ́ na i Sakar. Rī nge kə́ ko̰ mí na i Netanel. Rī nge kə́ ko̰ mehḛ́ na i Amiel. Rī nge kə́ ko̰ sīrí na i Isakar. Rī nge kə́ ko̰ sɔ́sɔ́ na i Pewultai.