2 SAMUEL 5:7 - Bibəl ta Sar̄

⁷ Ɓá tā ba Dabid taā ɓē kə́ Siyo̰ ń i ɓē kə́ ngan̄g ngá̰ý ní. Gō tə́ anī əndā rī ɓē ní na i ɓē yā Dabid.

Bible sar

⁷ Ɓá tā ba Dabid taā ɓē kə́ *Siyo̰ ń i ɓē kə́ ngan̄g ngá̰ý ní. Gō tə́ anī əndā rī ɓē ní na i ɓē yā Dabid.

2 SAMUEL 5:7 Referans Kwoze

1 MBAN̄G GƏ̄ 2:10

Dabid oy aw̄ gō kaan gə̄ tə́. Dubə̄nən̄ i kem ɓē yā Dabid tə́ Jerusalem.

2 SAMUEL 6:16

Dan ń sandúkə yā Kɔ́ɔ̄ɓē udə kem ɓē yā Dabid tə́ ní a, Mikal kə́ ngōn̄ Saul a̰a̰ loo ko̰rō̰ kújə tə́. Ni-a̰a̰ mban̄g Dabid loo ndām̄ tə́ ō, loo kənī gir̄ gində̄ tə́ no sandúkə tə́ ō anī ni idə tan gírən tə́.

2 SAMUEL 6:12

Reē ədan̄ mban̄g Dabid na Kɔ́ɔ̄ɓē na rāā majə kə gír kojə yā Obed Edom ō, kə yá̰a̰ yān gə̄ malang ō, sɔɔ̄ń sandúkə yā Nə́ɓā. Tā anī Dabid aw̄ gō sandúkə yā Nə́ɓā tə́ ɓē Obed Edom, un reēń kem ɓē yān tə́ kə rɔ̄nelēé.

JEJU TEĒ KUM JA̰A̰ 14:1

Anī m-á̰a̰ Ngōn̄ batə̄ ra dɔ mbal̄ Siyo̰ tə́, ba de gə̄ 144 000 kə́ ndangən̄ rīn ō, rī Bɔbə̄n ō, nodə́ tə́ i seneé.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

Makətūbə̄ ń Pol ndang adə̄ Rom gə̄ ní 9:33

tītə̄ ń ndangən̄ kem makətūbūú ní, ndangən̄ na: Á̰a̰ī, m-ə̄ndā mbal̄ kə́ a tə́gā de gə̄ kem ɓē kə́ Siyo̰ tə́, mbal̄ bo kə́ a tə́gā de gə̄ tə́nīdə́. Ba deē ń taā kemən ní rɔ̄n a sɔlə̄n alé.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

IJAI 59:20

Nge gān̄g dɔ de gə̄ kógə̄ḿ a reē Siyo̰ tām̄ yā ngé gə̄ ń tūrə̄n̄ gidədə́ kɔ̄ɔ́ ta yá̰á̰ kə́ gōtə́ aĺ yādə́ gə̄ tə́ dan ngán Jakob gə̄ tə́ ní. Najə̄ ń Kɔ́ɔ̄ɓē əda ní n noó.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

PĀ GƏ̄ 87:2

Ni gḛy ɓē kə́ Siyo̰ tɔȳ gotə ɓē kə́ rang gə̄ malang yā Jakob ń de gə̄ ndin̄ tū tə́ ní.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

PĀ GƏ̄ 48:12

Mbal̄ bo kə́ Siyo̰ rāā rɔ̄nel̄. Ɓē gə̄ kə́ Juda ḭḭn̄ bal walya tām̄ yā sarya gāngīí gə̄ tə́!

PĀ GƏ̄ 9:11

Kɔ́ɔ̄ɓē, ādə̄ ngé gə̄ ń gerə̄n̄ rīí ní əndān̄ kemdə́ dɔí tə́, tɔdɔ̄ ḭ̄ ə́yá̰ ngé gə̄ ń a sāānī ní kɔ̄ɔ́ alé.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

2 YÁ̰A̰ GƏ̄ 24:16

Dubə̄nən̄ i kem ɓē yā Dabid tə́, bāá ɓádə yā mban̄g gə̄ tə́, tɔdɔ̄ ni-rāā i yá̰á̰ kə́ majə ngándáńg tām̄ yā Israel tə́ ō, tām̄ yā Nə́ɓā tə́ ō, tām̄ yā kújə yā Nə́ɓā tə́ ō.

2 YÁ̰A̰ GƏ̄ 5:2

Dan ngeé ń noō tə́ ní mban̄g Salomo̰ ɓāŕ kum kɔɔ̄ gə̄ yā ngán Israel gə̄ ō, ngār gə̄ kə́ dɔ gír ɓē gə̄ tə́ ō, kə́ dɔ gír kojə gə̄ yā ngán Israel gə̄ tə́ ō, kadə̄ reēn̄ Jerusalem kun sandúkə madə̄ naā yā Kɔ́ɔ̄ɓē tə́, yā kḭḭń ɓē yā Dabid ń rīn na i Sion ní tə́ yā kaw̄ń kem kújə yā Kɔ́ɔ̄ɓē tə́.

1 YÁ̰A̰ GƏ̄ 11:7

Dabid ndi kem ɓē kə́ ngan̄g ngá̰ý ní tə́. I tām̄ najə̄ ń noō tə́ n a ɓarə̄n̄neé ɓē ní na i ɓē yā Dabid ní.

1 MBAN̄G GƏ̄ 8:1

Anī mban̄g Salomo̰ ɓāŕ kum kɔɔ̄ gə̄ malang yā ngán Israel gə̄ kadə̄ reēn̄ rɔ̄n tə́ Jerusalem, i ngār gə̄ kə́ dɔ gír ɓē gə̄ tə́ ō, ngār gə̄ kə́ dɔ gír kojə gə̄ tə́ ō. Ni-ɓāŕdə́ i ta teē kə sandúkə madə̄ naā yā Kɔ́ɔ̄ɓēé kem ɓē yā Dabid ń rīn na i Siyo̰ ní tə́ yā kaw̄ń kem kújə yā Kɔ́ɔ̄ɓē tə́.

1 MBAN̄G GƏ̄ 3:1

Salomo̰ tél um Parao̰, mban̄g kə́ Ejiptə. Ni-taā ngōnən əhɔń madə̄ naā seneé. Ni-aw̄ kə nə̄yá̰neé əndān kem ɓē yā Dabid tə́ Jerusalem, bátə́ kadə̄ rāań kújə mban̄g yān ō, kújə yā Kɔ́ɔ̄ɓē ō, ndogə̄ mbal̄ kə́ gidə ɓē kə́ Jerusalem tə́ ō, adə̄ oy.

2 SAMUEL 6:10

Ni-lōō gír kaw̄ kə sandúkə yā Kɔ́ɔ̄ɓē ɓēé looneé kɔ̄ɔ́, ba adə̄ əndān̄ kem kújə yā Obed Edom ń i de kə́ Gat ní tə́.

2 SAMUEL 5:9

Dabid ndi kem ɓē kə́ ngan̄g ngá̰ý tə́ ba əndā rīn na i ɓē yā Dabid. Gō tə́ anī ni-rāā kújə gə̄ gidə ɓē yān ní tə́ dɔ dán Milo tə́ kə kújə́ ń ni-ndi tū tə́ ní.

2 SAMUEL 5:8

Ndɔ̄ ń noō tə́ ní Dabid əda na: Deē ń ndigə tetə Yebus gə̄ rɔ̄ɔ̄ anī ādə̄ kɔ́ɔ̄ udə kem bəlo ń mbutən̄ tū mbal̄ tə́ kadə̄ man̄ mānəń ní tə́ ba al̄ aw̄ gōdə́ tə́. Nelə̄m̄ mā Dabid kə ngé nja motə gēé aĺ ō, kə ngé kum tɔ̄ɔ̄ gēé aĺ ō. I tām̄ najə̄ ń noō tə́ n ədan̄ na ngé kum tɔ̄ɔ̄ gə̄ ō, ngé nja motə gə̄ ō, a udən̄ kem kújə yā Kɔ́ɔ̄ɓē tə́ aĺ ní.

1 MBAN̄G GƏ̄ 9:24

Dan ń ngōn̄ Parao̰ kə́ dəyá̰ ndɔ́tə̄ kɔ̄ɔ́ kem ɓē yā Dabid tə́ ba aw̄ ndi kem kújə́ ń rāān̄ tām̄ yān tə́ ní anī, Salomo̰ rāā Milo.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

NEHEMI 3:15

Deē ń rāā ta róbə ta kəɓa man̄ ní i Salum kə́ ngōn̄ Kolhojə. Ni i ngār kə́ gō nang kə́ Misəpa tə́. I ni n rāā ta róbə́ ní ō, rāā dɔ ō, tə́lá bápə gə̄ ta tə́ ō, rákə̄ yá̰a̰ ta tə́ ō, əga kélé ta tə́ ō ní. Ndogə̄ mbal̄ kə́ kadə dang kə́ Siloe tə́ ń i dɔ dán ndɔr̄ yā mban̄g tə́ kə loo tə́ndā nja yā njə̄rań ń ḭḭ ɓē yā Dabid tə́ dɔɔ́ ba reē kum kə̄ nang tə́ ní i ni n rāā ō ní.

PĀ GƏ̄ 48:3

Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.