2 SAMUEL 5:3 - Bibəl ta Sar̄

³ Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

Bible sar

³ Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 SAMUEL 5:3 Referans Kwoze

2 SAMUEL 2:4

Loo ń noō tə́ Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

1 SAMUEL 23:18

Jonatan ō Dabid ō ənīn̄ ndūdə́ jōó mbak ta kum Kɔ́ɔ̄ɓē tə́ rāānəń madə̄ naā. Gō tə́ anī Jonatan tél aw̄ gogə́ ɓēé, ba Dabid ndi Horsa.

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

2 MBAN̄G 11:17

Yoyada rāā adə̄ ndūdə́ Kɔ́ɔ̄ɓē ō, mban̄g ō, ngán Israel gə̄ ō, əhɔn̄ madə̄ naā yā kadə̄ ngán Israel gə̄ télən̄neé gír deē yā Kɔ́ɔ̄ɓē. Ni-rāā adə̄ kəhɔ madə̄ naā to dɔ dán mban̄g tə́ kə ngán Israel gēé ō.

2 SAMUEL 3:21

Abner əda Dabid na: M-ā m-ə́la dɔ Israel gə̄ malang gír tɔ́gə yā kɔ́ɔ̄ ɓē gə̄ ń i mban̄g yāḿ ní tə́. Nin̄ a rāān̄ madə̄ naā seí ō, loo malang ń kemií ndigə ko̰o̰ ɓē dɔ tə́ ní ā ó̰o̰ ɓē dɔ tə́ ō. Dabid əya̰ Abner adə̄ aw̄ kə lápə́yaá.

NGÉ SARYA 11:11

Loo ń noō tə́ Jepte aw̄ naā tə́ kə́ kum kɔɔ̄ kə́ Galaad gə̄. Adə̄ de gə̄ aw̄ əndānən̄ ngār dɔdə́ tə́ ō, ngol ngé rɔ̄ɔ̄ yādə́ gə̄ ō. Jepte téĺ tə́da najə̄ kɔrə̄n gə̄ malang ta kum Kɔ́ɔ̄ɓē tə́ Misəpa.

2 YÁ̰A̰ GƏ̄ 23:16

Yoyada ənī míndən ō, adə̄ de gə̄ ənīn̄ míndə́də́ ō, adə̄ mban̄g ənī míndən ō, kadə̄ nin̄ i gír de gə̄ yā Kɔ́ɔ̄ɓē.

1 YÁ̰A̰ GƏ̄ 11:3

Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

1 SAMUEL 11:15

Adə̄ ngán Israel gə̄ malang aw̄n̄ Gilgal aw̄ əndān̄ Saul mban̄g ɓáý to̰ ta kum Kɔ́ɔ̄ɓē tə́. Go tə́ anī ndējə̄n̄ Kɔ́ɔ̄ɓē yá̰a̰ tun̄ gə̄ kə́ tām̄ yā kem kógə̄ḿ tə́ ō, Saul nin̄ kə de gə̄ malang kə́ dɔ nang kə́ Israel tə́ rāān̄ rɔ̄nel̄ ngá̰ý ō.

Teē Ngán Israel gə̄ 3:16

Āw̄ ɔ́sə dɔ kum kɔɔ̄ gə̄ yā ngán Israel gə̄ naā tə́, ə́dádə́ na Kɔ́ɔ̄ɓē, Nə́ɓā yā kaasí gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō, na ndɔ̄bī, ədaī na n-gḛy dḭḭ̄sí tām̄ yá̰á̰ ń rāān̄ sesí kem ɓē kə́ Ejiptə tə́ ní.

JOJUE 10:36

Jojue nin̄ kə ngán Israel gēé malang ḭḭn̄ Egəlon aw̄n̄ Hebron, aw̄ ənīn̄ ɓē kə́ Hebron rɔ̄ɔ̄.

1 MBAN̄G GƏ̄ 1:34

Sadok kə́ nge tun̄ yá̰a̰ ō, Natan kə́ nge koō ta ō, a urən̄ yibə̄ dɔn tə́ loo ń noō tə́ yā kəndānneé mban̄g dɔ Israel gə̄ tə́. Gō tə́ anī ī-kɔ̄ríī tōw̄ gə̄ ō, ə́daī kə ndū boó na kadə̄ dɔ mban̄g Salomo̰ ngan̄g májə́ májə́ ō.

1 YÁ̰A̰ GƏ̄ 11:1

Israel gə̄ malang kánə̄n̄ naā rɔ̄ Dabid tə́ Hebron ba ədanən̄ na: Jḭḭ i kojə yāí, jḭḭ i mósí.

2 SAMUEL 2:7

Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

1 YÁ̰A̰ GƏ̄ 28:4

tá dan de gə̄ malang kə́ kem kojə yā bɔbə́ḿ tə́ ní, i mā n Kɔ́ɔ̄ɓē Nə́ɓā yā Israel gə̄rām̄ yā kadə̄ mā ō, ngánə́ḿ gə̄ ō, ngán kaaḿ gə̄ ō, j-o̰o̰ ɓē dɔ Israel tə́ ngándáńg ní. Kété ní i gír ɓē kə́ Juda tə́ n ni gə̄rāā kadə̄ ni i kété no madə̄n gə̄ tə́ yā kɔr nodə́ ní. Gō tə́ anī, ni gəra gír kojə yā bɔbə́ḿ n dan gír kojə gə̄ kə́ Juda tə́ ní. Banī dan ngáń kə́ dəngam gə̄ ń bɔbə́ḿ ojə tə́ ní, i mā n ni əndām̄ kə gō kemən kadə̄ m-ó̰o̰ ɓē dɔ Israel gə̄ tə́ malang ní.