2 SAMUEL 5:23 - Bibəl ta Sar̄

²³ Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

Bible sar

²³ Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

2 SAMUEL 5:23 Referans Kwoze

1 YÁ̰A̰ GƏ̄ 14:14

Dabid aw̄ koō ta Nə́ɓā tə́ ɓáý to̰, anī Nə́ɓā ədan na: Ī-lōō kənī rɔ̄í gidədə́ tə́ rɔ̄ɔńdə́. Ī-tūr̄ rɔ̄í āw̄ sa̰y, ba ə̄nī rɔ̄í dām̄ loo ń kāgə̄ mikokuli gə̄ i tū tə́ ní tə́ tá ḭ́ḭ tū tə́ ī-reē kum kə̄ dɔdə́ tə́.

JOJUE 8:7

Loo ń nuū tə́ sḭḭ̄ ī-teē údiī kem ɓēé ba ī-taāī ɓē, tɔdɔ̄ Kɔ́ɔ̄ɓē Nə́ɓā yāsí a əla ɓē ní jīsí tə́

JOJUE 8:2

Yá̰á̰ ń ī-rāā kə ɓē kə́ Jeriko ō, kə mban̄g kə́ Jeriko ō ní, ā ī-rāā kə ɓē kə́ Ai ō, kə mban̄g kə́ Ai ō. Ba yá̰a̰ kənge gə̄ kə yá̰a̰ kul̄ gə̄ ń ā ə́ngeī kemeé ní tá ɔ́giī tām̄ yāsí tə́ kə ngé rɔ̄ɔ̄ yāí gēé. Ə̄ndā de gə̄ gidə ɓē tə́ ādə̄ əhɔn̄ madə̄ ba̰ā̰ gə̄ dɔ jīdə́ tə́.

1 SAMUEL 22:15

I ndɔ̄ ń noō tə́ n m-ə́lań gír sāā dɔn tə́ rɔ̄ Nə́ɓā tə́ ní a? Nə́ɓā oō ndūḿ. Ɓɔ́ kɔ́ɔ̄ ɓē gə̄, ī-lōō kəndā najə̄ kógə̄ḿ dɔḿ mā nge kəla yāí tə́ ō dɔ ngééḿ gə̄ tə́ malang ō tɔdɔ̄ mā nge kəla yāí m̄-ger̄ yá̰á̰ kógə̄ḿ tū najə̄ ń toō tə́ alé.

1 SAMUEL 23:2

Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

2 SAMUEL 2:1

Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.